"အိုင်းလိုင်နာကို အတွင်းထဲထိလ်ိမ်းလျင် အမြင်အာရုံဆိုင်ရာ ဝေဒနာ ဖြစ်ပေါ်နိုင်ခြေ မြင့်မား"
မျက်လုံးမျက်ခုံးခြယ်သသော အမျိုးသမီးများအနေဖြင့် အိုင်းလိုင်နာကို မျက်လုံးအတွင်းထဲအထိ ခြယ်သလျင် မျက်လုံးထဲ ပိုးဝင်ခြင်း၊ မျက်စိနာခြင်း၊ အမြင်အာရုေ၀၀ါးခြင်း ကဲ့သို့  အမြင်အာရုံဆိုင်ရာ ဝေဒနာ အမြောက်အများကို ခံစားရနိုင်ကြောင်း ကနေဒါနိုင်ငံ သုတေသီများက ကမ္ဘာတွင်ပထမဆုံးအကြိမ် အိုင်းလိုင်နာများကြောင့် မျက်လုံး ကျန်းမာရေး ထိခိုက်နိုင်ကြောင်း သတိပေးချက် ထုတ်ပြန်ထားသည်။
ကနေဒါနိုင်ငံ၊ ၀ါတာလူးတက္ကသိုလ်မှ မျက်ကပ်မှန်အန္တရယ်ဆိုင်ရာ သုတေသီများအဖွဲ့က လေ့လာတွေ့ရှိချက်အရ အိုင်းလိုင်နာ ဆွဲပြီးသည့်နောက် ယင်းအမှုန်များသည် နောက်ထပ် ၂ နာရီအတွင်း မျက်ကြည်လွှာကို ယားယံနာကျင်စေပြီး ကာယကံရှင်က မခံမရပ်နိုင်သည့်အဆုံး ပွတ်ဆွဲမိလျင် မျက်ကြည်လွှာ စုတ်ပြဲသွားနိုင်ကြောင်း၊ ထို့အပြင် ပြင်ပ အမှုန်များကို ကာကွယ်ပေးသော မျက်ကြည်ရည်ကိုလည်း ခမ်းခြောက်သွားစေနိုင်ကြောင်း၊ အထူးသဖြင့် မျက်ကပ်မှန်လည်းတပ်၊ အိုင်းလိုင်နာကိုလည်း ချယ်၊ ချယ်သည့်အခါလည်း မျက်ခွံအတွင်းထဲအထိ ချယ်သသူများသည် မျက်စိစုံလုံးကန်းရန် အလားအလာ အလွန်များကြောင်း သုတေသီတစ်ဦးက ရှင်းပြသည်။
သုတေသီများသည် ခဲတံအိုင်းလိုင်နာကို မျက်ခွံအတွင်းသားအထိ လိမ်းကျံခြယ်သလေ့ရှိသူ အမျိုးသမီးများအား စောင့်ကြည့်လေ့လာခဲ့ရာဝယ် အိုင်းလိုင်နာမှ အမှုန်များသည် ၂ နာရီအတွင်း မျက်ကြည်လွှာတစ်ခုလုံးကို ယားယံ စေသည်ကို တွေ့ရှိခဲ့ပြီး အကျိုးဆက်အားဖြင့် အမျိုးသမီးငယ်များမှာ မျက်ကြည်လွှာခမ်းခြောက်ခြင်း၊ စုတ်ပြဲခြင်း အစရှိသည့် မျက်လုံးဝေဒနာများကို ခံစားရနိုင်သည်ကို တွေ့ရှိခဲ့ကြောင်း သိရသည်။
အိုင်းလိုင်နာကို မျက်ခွံအတွင်းထဲအထိ လိမ်းပြီး ၅ မိနစ်အတွင်းမှာပဲ ပြင်ပအမှုန် ၃၀ ရာခိုင်နှူန်းလောက်က မျက်ကြည်လွှာကို စတင်တိုက်ခိုက်ပါတယ်။ အဲဒီကနေ မျက်လုံးတစ်ခုလုံးကို ပြန့်နှံ့သွားပါတယ်။ ဒီ အိုင်းလိုင်နာတွေ ထဲမှာ ဖယောင်း၊ ဆီ၊ ဆီလီကွန်၊ ကော် အစရှိတဲ့ ဓါတုပစ္စည်းမျိုးစုံ ပါဝင်ပါတယ်။ တစ်ကယ်တော့ အိုင်းလိုင်နာဆိုတာ အပြင်ပိုင်းအတွက်ပဲ ဖြစ်ပါတယ်။ အဲဒါကို လှချင်အားကြီးပြီး အတွင်းထဲထိ လိမ်းလိုက်မယ်ဆိုရင်တော့ အချိန်တိုအတွင်း အစားထိုးမရနိုင်တဲ့ မျက်လုံးဆုံးရှုံးမှုကို ခံစားရနိုင်ပါတယ်ဟု သုတေသီတစ်ဦးက ပြောပြသည်။
Credit: Lashio News Diary
lutawlupyaw
No comments:
Post a Comment