"ကော့ကော့ ကျော့ကျော့လေးလို့ လူတွေထင်ကြတဲ့ အနုပညာရှင်တွေရဲ့ အလုပ်ဟာ အရမ်းပင်ပန်းပါတယ်လို့ ဆိုလာတဲ့ ရွှေမှုန်ရတီ"
သင်္ကြန်ကို တောင်ငူမှာ ဖြတ်သန်းခဲ့မယ့် ရွှေမှုန်ရတီဟာ သင်္ကြန်အပြီးမှာတော့ ကားကြီးတွေ ဆက်တိုက်ရိုက်ဖို့ ရှိတယ်လို့ ဆိုလာပါတယ်။ “သင်္ကြန်အပြီးမှာတော့ ညီမ ကိုဟိန်းဝေယံနဲ့ ကားကြီးရိုက်မယ်။ လူရွှင်တော် ၅၂ ယောက်ပါမယ်။ ဒါရိုက်တာကတော့ ကိုပြည်ဟိန်းသီဟနဲ့ပါ။ ၂၀၁၅ ထဲမှာ ကားကြီး လက်ခံထားတာက များတဲ့အတွက် ညီမ အရေအတွက်ကိုတော့ မပြောပြတော့ပါဘူး။ တောက်လျှောက်ကတော့ ကားကြီးတွေ လက်ခံထားပါတယ်” တဲ့။
အနုပညာလောကမှာ နေရာတစ်ခု ရလာပြီဖြစ်တဲ့ သူမက သူမဖြတ်သန်းခဲ့တဲ့ အနုပညာ အခက်အခဲပိုင်းနဲ့ ပတ်သက်ပြီးတော့လဲ “ဒီအလုပ်မှ မဟုတ်ဘူး။ ဘယ်အလုပ်မှ မလွယ်ကူဘူး။ တချို့အရာတွေက ပရိသတ်တွေကို ပါးစပ်နဲ့ပြောပြလို့မရတဲ့ ခက်ခဲမှု၊ ပင်ပန်းမှုတွေ ရှိတယ်။ လိုချင်တဲ့အရာ တစ်ခုကို ဖြစ်အောင်လုပ်ချင်တယ်ဆိုရင် စိတ်ကတော့ အရေးကြီးဆုံးပါပဲ။ ကြိုးစားချင်စိတ်ရှိရင် ကိုယ်ဖြစ်ချင်တာတွေ ဖြစ်လာမှာပါ။ ရွှေမှုန်တို့လဲ ဒီနေရာကို လွယ်လွယ်ကူကူ ရခဲ့တာမဟုတ်ဘူး။ လွယ်လွယ်နဲ့ရလာတဲ့ နေရာတစ်ခုကလဲ ဘယ်တော့မှ တည်မြဲမှာမဟုတ်ဘူး။ လူမပင်ပန်းခဲ့ရင်တောင် စိတ်အရမ်းပင်ပန်းရတယ်။ မင်းသား မင်းသမီးတွေ ကြည့်လိုက်ရင် ကော့ကော့ကျော့ကျော့လေး။ ဒါပေမဲ့ သူတို့အရမ်းပင်ပန်းပါတယ်။ ဇာတ်ကား တစ်ကား ရိုက်တော့မယ်ဆို ၀ိတ်ချရတာနဲ့ဘာနဲ့ ခု ရွှေမှုန်လဲ ၀ိတ်ချထားတယ်။ ပြီးတော့ ဟာသကား ရိုက်ဖို့အတွက် ဆံပင်အနက်တွေ ဆိုးထားရတယ်။” လို့ သူမက ပြောပြသွားပါတယ်။
Credit: Trend Myanmar
lutawlupyaw
No comments:
Post a Comment