"ခေါင်းငုံ့၍ စမတ်ဖုန်းအသုံးပြုခြင်းကြောင့် ကျောရိုးထိခိုက်နိုင်"
စမတ်ဖုန်းအသုံးပြုရာတွင် ဦးခေါင်းကိုငုံ့၍ အသုံးပြုခြင်းဖြင့် ကျောရိုးထိခိုက်မှုကို ဖြစ်စေနိုင်သည်
ဟု အမျိုးသားကျန်းမာရေးဌာန (NIH) မှ သုတေသနပညာရှင်များက ပြောကြားသည်။
လူ၏ဦးခေါင်းသည် ပျမ်းမျှအားဖြင့် ၁၂ ပေါင်ခန့် အလေးချိန်ရှိရာ ဦးခေါင်းအလေးချိန်သည် လည်ပင်းနှင့်ကျောရိုးတို့၏ ထောက်ပံ့မှုကိုလိုအပ်သည်။ သို့ရာတွင် လည်ပင်းနှင့်ဦးခေါင်းတို့သည် အရှေ့ဘက်သို့ တိမ်းစောင်းနေပြီး ကိုယ်နေဟန်ထား မမှန်လျှင် ကျောရိုးကို ပို၍ဝန်ပိစေသည်ဟု
NIH သုတေသနပညာရှင်များက ပြောကြား ခဲ့သည်။
လည်ပင်းသည်အရှေ့ဘက်သို့ ၄၅ ဒီဂရီ တိမ်းစောင်းနေစဉ် ဦးခေါင်း၏အလေးချိန်သည် ၁၂ ပေါင်မှ ၄၉ ပေါင်အထိသို့တိုးသွားသည်။ လည်ပင်းသည် အရှေ့ဘက်သို့ ၆၀ ဒီဂရီ တိမ်းစောင်းလျှင် ဦးခေါင်း အလေးချိန်သည် ပေါင် ၆၀ ဖြစ်သွားသည်။
စမတ်ဖုန်းအသုံးပြုသူများသည် ၎င်းတို့၏ ကျောရိုးအပေါ် အလွန်ဖိအားပေးခြင်းဖြင့် တဖြည်းဖြည်း ရှေ့သို့ ကိုင်းလာသည်ဟု သုတေသနပညာရှင်များကပြောသည်။ ယင်းဖိအား၏ ရုပ်ပိုင်းဆိုင်ရာ အကျိုးဆက်များ တဖြည်းဖြည်းစုလာပြီး နောက်ပိုင်းတွင် ကျောရိုးဒဏ်ဖြစ်၍ ခွဲစိတ်ကုသမှုခံယူရသည်အထိ
ဖြစ်လာနိုင်ကြောင်း သုတေသနပညာရှင်များက သတိပေးခဲ့သည်။
လူများသည် တစ်နေ့လျှင် ပျမ်းမျှ နှစ်နာရီမှ လေးနာရီအထိ ၎င်းတို့၏ စမတ်ဖုန်းများကို ငုံ့ကြည့်ခြင်းဖြင့် တစ်နှစ်လျှင် ကျောရိုးအပေါ် ပျမ်းမျှဖိအားသက်ရောက်နာရီ ၇၀၀ မှ နာရီ ၁၄၀၀ ကြား ရှိစေသည်ဟု သုတေသနပညာရှင်များက ပြောသည်။
‘‘ဒီပြဿနာတွေကို ဖြစ်စေတဲ့နည်းပညာတွေကို ရှောင်ရှားဖို့ဆိုတာ မဖြစ်နိုင်တဲ့အတွက် စမတ်ဖုန်းကြည့်တဲ့အခါမှာ နာရီနဲ့ချီပြီး ကုန်းကုန်းကြီးကြည့်တာမျိုးကို ရှောင်ပြီး ခါးမတ်မတ်၊ ခေါင်းမတ်မတ် အနေအထားနဲ့ကြည့်သင့်တယ်’’ ဟု သုတေသနပညာရှင် ကန်းနက်သ် ဟန်းစ်ရက်
ကပြောသည်။
Credit : 7Day Daily
No comments:
Post a Comment