"မကြာခဏ ကျောင်းပြောင်းခြင်းက ကလေးတွေရဲ့ အတွက်အချက်စွမ်းရည် ထိခိုက်စေ"
မကြာခဏ ကျောင်းပြောင်းတဲ့ ကလေးတွေဟာ သင်္ချာအမှတ် လျော့တဲ့ပြသနာ ရင်ဆိုင်ကြရပြီး အတန်းထဲ သူတို့ရဲ့ နေထိုင်ပြုမူမှုနဲ့ အာရုံစူးစိုက်မှုမှာ တခြား တစ်ကျောင်းတည်းပဲ တက်တဲ့ ကျောင်းသားတွေထက် ပိုမိုကြိုးစား အားထုတ်ရကြောင်း လေ့လာမှုအသစ်တစ်ရပ်က ဆိုတယ်။
၅ နှစ်အတွင်း ကျောင်းအကူးအပြောင်း သိပ်မရှိတဲ့ ကလေးတွေဟာ မကြာခဏ ကျောင်းအပြောင်းအလဲလုပ်တဲ့ သူတို့အတန်းဖော်များနဲ့ နှိုင်းယှဉ်ကြည့်ရင် ပိုမိုကောင်းမွန်တဲ့ အသိအမြင် စွမ်းရည်နဲ့ အခြေခံမူလတန်းကျောင်းက အတွက်ချက် သင်္ချာမှာ အောင်မြင်မှု ပိုရကြကြောင်း လက်တွေ့ထင်ရှားတယ်လို့ လေ့လာတွေရှိချက်များက ဖော်ပြထားပါတယ်။
တစ်ကြိမ် နှစ်ကြိမ်လောက် ပြောင်းတာ ကလေးများရဲ့ ဖွံ့ဖြိုးတိုးတက်မှုကို ထိခိုက်မှု သိပ်မရှိနိုင်ပေမယ့် အခြေခံ မူလတန်းအရွယ်မှာ နှစ်တိုင်းနီးပါး ကျောင်းအပြောင်းအလဲ လုပ်ခြင်းက ကျောင်းသားတွေကို ရေရှည်မှာ ခက်ခဲမှုတွေ ပိုမို ရင်ဆိုင်စေရတတ်တယ်လို့ ယင်းလေ့လာမှုကို တွဲဖက်ဦးစီးလုပ်ဆောင်သူ New York University မှ အသုံးချစိတ်ပညာ ပါမောက္ခ C Cybele Raver က ရေးသားထားပါတယ်။
ပေါ်ထွန်း
Credit: Trend Myanmar
No comments:
Post a Comment