"ကမ္ဘာ့အလှူအတန်း အရက်ရောဆုံးနိုင်ငံများ စာရင်းတွင် မြန်မာ သုံးနှစ်ဆက် ထိပ်ဆုံးရပ်တည်"

"ကမ္ဘာ့အလှူအတန်း အရက်ရောဆုံးနိုင်ငံများ စာရင်းတွင် မြန်မာ သုံးနှစ်ဆက် ထိပ်ဆုံးရပ်တည်"

လန်ဒန်,Tuesday, November 17, 2015

မြန်မာနိုင်ငံသည် ကမ္ဘာတွင် အလှူအတန်း အရက်ရောဆုံး နိုင်ငံများစာရင်း၌ သုံးနှစ်ဆက်တိုက် ပထမနေရာ ရပ်တည်ခဲ့ကြောင်း လန်ဒန်အခြေစိုက် Charitable Aid ဖောင်ဒေးရှင်း CAF က ထုတ်ပြန်သည့် ကမ္ဘာ့အလှူဒါနညွှန်းကိန်း စစ်တမ်း ၂၀၁၅ တွင် ဖော်ပြသည်။

အဆိုပါ စစ်တမ်းမှာ Gallup သုတေသနအဖွဲ့နှင့် CAF တို့ ပူးပေါင်းကောက်ယူသည့် စစ်တမ်းဖြစ်ကာ မြန်မာသည် ယမန်နှစ်က အမေရိကန်နှင့် ပူးတွဲ အဆင့်တစ်ဖြစ်ခဲ့ပြီး ယခုနှစ်တွင်လည်း ထပ်မံဗိုလ်စွဲ၍ အမေရိကန်က အဆင့်နှစ်ဖြစ်ခဲ့သည်။

နိုင်ငံပေါင်း ၁၃၅ နိုင်ငံကို စစ်တမ်း ပြုလုပ်ထားသည့်အထဲတွင် လူအများက ငွေလှူဒါန်းမှုပြုလုပ်ပုံ၊ အချိန်ပေး၍ စေတနာ့ဝန်ထမ်းအလုပ်များ လုပ်ပေးတတ်ကြပုံ၊ အကူအညီလိုနေသည့် သူစိမ်းများအား ရက်ရောစွာ ထောက်ပံ့တတ်ပုံများကို လေ့လာ အကဲဖြတ်ထားပြီး အဆင့် သတ်မှတ်ခဲ့ခြင်း ဖြစ်သည်။

မြန်မာနိုင်ငံသည် စစ်တမ်းအရ ၂၀၁၄ တွင်လည်း လူဦးရေ၏ ၉၂ ရာခိုင်နှုန်းက လှူဒါန်းမှု ပြုလုပ်ခဲ့ကြပြီး ထေရဝါဒ ဗုဒ္ဓဘာသာရေးအရ လှူဒါန်းမှုများ သေးငယ်သော်လည်း နေ့စဉ် လှူဒါန်းကြကြောင်း သတင်းက ဆိုသည်။

ယခုနှစ် ၂၀၁၅  စာရင်းတွင် ဒုတိယအမေရိကန် နောက်၌ နယူးဇီလန်၊ ကနေဒါ၊ ဩစတြေးလျ၊ ဗြိတိန်၊ နယ်သာလန်၊ သီရိလင်္ကာ၊ အိုင်ယာလန်၊ မလေးရှားတို့ အစဉ်လိုက် ရပ်တည်ခဲ့ပြီး မြန်မာ၊  သီရိလင်္ကာ၊ မလေးရှားတို့မှ လွဲ၍ ကျန်နိုင်ငံများမှာ စက်မှုဖွံ့ဖြိုးပြီး ချမ်းသာသော နိုင်ငံကြီးများ ဖြစ်ခဲ့ကြောင်းလည်း တွေ့ရသည်။

ယခုနှစ်စာရင်းတွင် အောက်ဆုံး ၁၅၃ နိုင်ငံမြောက်မှာ ဘူရွန်ဒီဖြစ်ပြီး ယင်း၏အရှေ့တွင် တရုတ်၊ ယီမင်၊ လစ်သူယေးနီးယားတို့ အစဉ်လိုက်ရှိခဲ့သည်ဟုလည်း သိရသည်။ Gallup သုတေသနအဖွဲ့သည် ယခုစစ်တမ်းအတွက် အချက်အလက် ဒေတာများကို အလှူဒါနအဖွဲ့အစည်းနှင့် ထိုနယ်ပယ်များတွင် လုပ်ကိုင်နေသော လူပေါင်း တစ်သိန်းခွဲကျော်အား အင်တာဗျူး ပြုလုပ်ရယူထားခြင်း ဖြစ်သည်။

—Ref:Guardian/Reuters

Credit: 7day daily