"သူငယ်ချင်းကောင်းဆိုတာ သင်သိထားတာထက်ကို သင့်အတွက် ပိုတန်းဖိုးရှိတာ"

"သူငယ်ချင်းကောင်းဆိုတာ သင်သိထားတာထက်ကို သင့်အတွက် ပိုတန်းဖိုးရှိတာ"

ဒီစာကို မဖတ်ခင် သင့်ရဲ့ သူငယ်ချင်းကောင်းတွေဟာ ဘယ်သူတွေဖြစ်သလဲ ဆိုတာ အရင်ဆုံး စဉ်းစားကြည့်လိုက်ပါဦး။ သူငယ်ချင်းကောင်းဆိုတာ သင့်စိတ်ထဲက မမြင်နိုင်တဲ့ အရာတစ်ချို့ကိုတောင် သူတို့က မြင်တတ်ကြပြီး သင်ဘာတွေလိုအပ်နေတယ် ဆိုတာ ထောက်ပြပြောဆို အကြံကောင်းတွေ ပေးတတ်ကြသူတွေပါ။  သင့်အတွက် အမြဲအဆင်သင့် ရှိနေတတ်သူတွေ ဖြစ်သလို သင် ပျော်ရွှင်နေချိန်မှာ သူတို့ပါ လိုက်ပျော်ရွှင်နေတတ်ပြီး သင် ခံစားနာကျင်ရချိန်တွေမှာလည်း အဲ့ဒီနာကျင်မှုတွေကို သင်နဲ့အတူ ဝေမျှ ခံစားပေးတတ်ကြသူတွေပေါ့။

ဒါ့အပြင် သူငယ်ချင်းကောင်းတွေဟာ သင့်ကို ပိုမိုထူးချွန်တဲ့သူ၊ ပိုတော်တဲ့သူ၊ ပိုအောင်မြင်တဲ့သူတစ်ယောက် ဖြစ်လာအောင်လည်း လုပ်ဆောင်ပေးနိုင်တယ်လို့ သုတေသီအများအပြားက ဆိုထားပြန်ပါတယ်။ ကဲ သူငယ်ချင်းကောင်း ရှိခြင်းကြောင့် သင် ဘယ်လိုအကျိုးကျေးဇူးတွေ ခံစားလိမ့်မလဲ၊ ကြည့်ကြရအောင်။

၁။ သင်ဟာ သင့်သူငယ်ချင်းတွေကြောင့် ပိုမိုပျော်ရွှင်ရတယ်ဆိုတဲ့ ခံစားချက်မျိုး မကြာခဏ ခံစားရတယ်။

သုတေသီ တော်တော်များများရဲ့ ဖွင့်ဟ ပြောကြားချက်တွေအရတော့ အရွယ်ရောက်ပြီးသူ အယောက် ၉၀၀ ကျော်ဟာ သူတို့တစ်ယောက်တည်း ရှိနေချိန်တွေထက်စာရင် သူတို့သူငယ်ချင်းတွေနဲ့ အတူရှိချိန်တွေဟာ သူတို့အတွက် ပိုမိုပျော်ရွှင်ရသလို စိတ်ဖိစီးမှုတွေအားလုံး လျော့ပါးသွားကြောင်း ဖွင့်ဟထားကြပါတယ်တဲ့။ သူငယ်ချင်းတွေနဲ့ အတူရှိနေချိန် ခံစားရတဲ့ ပျော်ရွှင်မှုနဲ့ ချစ်သူ၊ အမျိုး၊ လုပ်ဖော်ကိုင်ဖက် စတဲ့သူတွေနဲ့ အတူရှိချိန် ခံစားရတာမျိုးနဲ့တောင် မတူပါဘူးလို့ ဆိုထားကြပါတယ်။

၂။ အတိတ်တုန်းက အတူရှိခဲ့တဲ့ သူငယ်ချင်း အရင်းကြီးတွေကြောင့် သင်ဟာ အောင်မြင်မှုတွေ ပိုရရှိလာတယ်။

သင် ကျောင်းတုန်းက၊ ဒါမှမဟုတ် အလုပ်ခွင် စ၀င်ချိန်တွေတုန်းက၊ အဲ့ဒီလို အတိတ်ကာလအချိန်၊ သင့်အတွက် ခက်ခဲနေချိန်တွေတုန်းက သင့်ဘေးနားမှာရှိခဲ့တဲ့ သူငယ်ချင်းတွေကြောင့် သင်ဟာ ခုချိန်မှာ အလုပ်မှာဖြစ်ဖြစ်၊ အခြား သင့်ဝါသနာပါတဲ့ အရာတွေကို လုပ်ဆောင်နေရချိန်မှာဖြစ်ဖြစ် အောင်မြင်မှုတွေ ရရှိနေတာမျိုး ကြုံရပါလိမ့်မယ်။  ပြောချင်တာက အသက် ၂၀ တုန်းက သင့်ဘေးနားအတူရှိခဲ့တဲ့ သူငယ်ချင်းတွေကြောင့် သင်ဟာ အသက် ၃၀ မှာ အောင်မြင်မှုဆိုတဲ့ အရာကို ခံစားရနိုင်တယ်ဆိုတာပါပဲ။

၃။သင့်မှာ သူငယ်ချင်းကောင်းတွေရှိရင် ဒေါသထွက်တဲ့အချိန်တွေ နည်းသွားမယ်။

ကိုယ့်မှာ ဒေါသထွက်စရာရှိလာရင်တောင် သင့်မှာ ဒီကိစ္စကို ပြောပြရမယ့် သူငယ်ချင်းကောင်း ရှိနေပြီလေ။ သူတို့နဲ့ ဒီကိစ္စကို ဖုန်းနဲ့ တိုင်ပင်ပြောဆိုလိုက်တာပဲဖြစ်ဖြစ်၊ အပြင်မှာတွေ့ပြီး ပြောဆိုလိုက်တာပဲဖြစ်ဖြစ် သင့်စိတ်ထဲရှိနေတဲ့ ဒေါသအပူမီးတွေက လျော့နည်းသွားမှာ အသေအချာပါပဲ။

၎။ သင်ဟာ သူတစ်ပါးကို ပိုကူညီတတ်လာမယ်။

သင်ဟာ သင့်သူငယ်ချင်းတွေ သင့်အပေါ် ကူညီဖူးတာ၊ သူတို့ဒုက္ခရောက်တဲ့အချိန် ပြန်ကူညီပေးခဲ့တာတွေကို အမှတ်ရတတ်သူတစ်ဦး ဖြစ်နေမယ်ဆိုရင်တော့ အကူအညီဆိုတာ ဘယ်သူ့ကိုမဆို ပေးကောင်းပါလားလို့ သိလာမှာပါပဲ။ အဲ့ဒီတော့ သင်နဲ့ ခင်ရုံခင်တဲ့သူ တစ်ယောက်က အကူအညီတောင်းလာရင်လည်း သင် ကူညီတတ်လာပါလိမ့်မယ်။

၅။ သူငယ်ချင်းနဲ့ အတွေးတူ၊ အမြင်တူ၊ စိတ်ကူးတူနေတာမျိုး သင်သိတဲ့အခါ ခံစားရတဲ့ ရင်းနှီးမှုတစ်ခုဟာ ဘာနဲ့မှ မတူပါဘူး။

သူငယ်ချင်းနဲ့ သွားအတူ၊ စားအတူ တွဲဖြစ်လာရင်တော့ သင်တို့နှစ်ယောက်ဟာ အတွေးအခေါ် အယူအဆ တူလာပါလိမ့်မယ်။ အကြိုက်တွေလည်း တူလာပါလိမ့်မယ်။ တစ်စုံတစ်ခုအပေါ် သင်တို့နှစ်ဦး မှတ်ချက်ချတာမျိုးတွေ တူလာတဲ့အခါ  သင်တို့နှစ်ဦးရဲ့ ရင်းနှီးမှုအတိုင်းအတာ မြင့်မားလာတာကို သိလာရတာကြောင့် အဲ့ဒီကရတဲ့ ခံစားချက်က ဘာနဲ့မှ တူမှာမဟုတ်ပါဘူး။ မိခင်တစ်ယောက်တည်းက မွေးတဲ့ညီအစ်မတွေတောင် သင်တို့လောက် ရင်းနှီးပါ့မလားလို့ တွေးလာတဲ့အထိပေါ့။

ကဲ စတိုရီလေးကို အဆုံးထိ ဖတ်ပြီးပြီဆိုရင် သင့်သူငယ်ချင်းရဲ့ ဖေ့စ်ဘွတ်ခ် timeline ပေါ် ဒါလေး သွား share ပေးရင်း သင် သူ့ကို ဘယ်လောက်ချစ်ကြောင်း သူသိအောင် လုပ်ဆောင်ပေးလိုက်ရအောင်။

ဟန်နီ

Credit: Trend Myanmar