"ရိုးရိုးရှင်းရှင်း ကျန်းမာရေး လျှို့ဝှက်ချက်လေးများ"
ရိုးရှင်းလွယ်ကူသော နည်းကလေးများသည်ပင် ကျန်းမာရေး ကောင်းမွန်နေအောင် ကူပေးနိုင်သည်။ သမားရိုးကျ နည်းလမ်းများ အသုံးဝင်သလို၊ ခေတ်သစ် သိပ္ပံနည်းကျ တွေ့ရှိချက်များကလည်း အားကိုးရသည်။ သို့ဖြစ်ရာ ကျန်းမာသော ဘ၀တည်မြဲနေအောင် ထိန်းထားနိုင်မည့် ရိုးရှင်းသောနည်းကလေး အချို့ကို အောက်တွင် အကြံပြု ဖော်ပြသွားပါမည်။
နှလုံး ကျန်းမာရေး
ခန္ဓာကိုယ်တစ်ခုလုံးက ဆဲလ်တိုင်းဆီသို့ သွေးရောက်ဖို့အတွက် ကျယ်ပြန့်ရှုပ်ထွေးလှသော သွေးကြော ကွန်ရက်ကြီးတစ်ခုလုံးတွင် သွေးများ ပုံမှန်စီးဆင်းနေအောင် နှလုံးက တစ်ချိန်လုံးခုန်ကာ သွေးများ လက်ခံလိုက်၊ ညှစ်ထုတ်လိုက် လုပ်ပေးနေရသည်။ ဘ၀နေမှု ပုံစံသည် နှလုံးကျန်းမာရေးအပေါ် တိုက်ရိုက် သက်ရောက်မှု ရှိသည်ဟုလည်း လေ့လာမှု စစ်တမ်းပေါင်း များစွာက ထောက်ပြနေကြသည်။ သို့ဖြစ်ရာ နှလုံးထိခိုက်မှု အနည်းဆုံးဖြစ်အောင် ဆောင်သင့် ရှောင်သင့်တာလေးများ ဖော်ပြလိုပါသည်။
နှလုံးခုန်သံ နားဆင်ပါ။
နှလုံးခုန် မြန်တာမျိုး၊ နှလုံးခုန်နှုန်း မမှန်တာမျိုး ကြုံဖူးပါ သလား။ ထိုသို့ဖြစ်ခြင်းသည် သွေးလှည့်ပတ်မှု လမ်းကြောင်းအတွင်း ပိတ်ဆို့မှုများ ရှိနေကြောင်း အချက်ပြမှု ဖြစ်သလို၊ လေဖြတ်နိုင်ခြေ ရှိသည့် ရှေ့ပြေး လက္ခဏာလည်း ဖြစ်သည်။ သြစတြေးလျ လေ့လာမှုစစ်တမ်း တစ်ရပ်အရ အသက် (၅၅) အထက် လူကြီးပိုင်း (၅၀) တွင် တစ်ယောက်သည် နှလုံးခုန် မမှန်သည့် ဝေဒနာ ခံစားနေရကြောင်း သိရသည်။
သို့သော် အများစုသည် မိမိ နှလုံးခုန် မမှန်မှန်းပင် မသိကြဟုလည်း စစ်တမ်းက ဆိုသည်။ လက်ကောက်ဝတ်မှာ သွေးစမ်းခြင်းနည်းဖြင့် နှလုံးခုန်နှုန်းကို ရေတွက်ကြည့် နိုင်သည်။ လည်ပင်းသွေးကြောကို ထောက်ပြီးလည်း စစ်ကြည့်နိုင်သည်။ တစ်မိနစ်လျှင် သွေးခုန်နှုန်း အကြိမ် တစ်ရာအထက်ဆိုလျှင် မြန်သည်ဟု သတ်မှတ်နိုင်သည်။ မိမိသွေးခုန်နှုန်း ပုံမမှန်လျှင်၊ ရှိသင့်သည်ထက် ပိုမြန်နေလျှင် ကျွမ်းကျင် ဆရာဝန်နှင့် တိုင်ပင်ဆွေးနွေးသင့်သည်။
လည်ပင်း အရွယ်အစား သတိထား
ခါးဆိုက်ဒ်ကြီးလေ နှလုံးရောဂါ ဖြစ်နိုင်ခြေ များလေဟုဆို ကြသည်။ လည်ပင်းဆိုက်ဒ် ကြီးလျှင်လည်း နှလုံးရောဂါ ဖြစ်ပွားနိုင်ခြေ များသည်ဆိုတာ သတိထားမိသူ နည်းနေသေးသည်။ လည်ပင်းဆိုက်ဒ် ကြီးလျှင်လည်း နှလုံးရောဂါ ဖြစ်နိုင်ခြေ များလာနိုင်သည်ဟု အမေရိကန် သုတေသီများက ဆိုလိုက်သည်။ အမေရိကန် အမျိုးသမီးတစ်ယောက် ရှိသင့်သည့် ပျမ်းမျှ လည်ပင်းလုံးပတ်သည် (၃၄ ဒသမ ၂) စင်တီမီတာ ဖြစ်ပြီး အမျိုးသားက (၄၀ ဒသမ ၅) စင်တီမီတာဟု သုတေသီတို့က ဆိုသည်။ လည်ပင်းလုံးပတ် ထူပိန်း ကြီးမားခြင်းသည် အဆီများခြင်းကို ရည်ညွှန်းပြီး အသည်းနှင့် နှလုံးနေရာတွင် အကျိုးမပြုသော အဆီများစု ပုံလာသည့် ပြယုဂ်လည်း ဖြစ်သည်။
နားကြပ်ကို ရင်ဘတ် အိတ်ကပ်ထဲ ထည့်မထားနဲ့
နှလုံးထိန်းညှိစက် တပ်ထားရသူများ အနေဖြင့် သီချင်းနားထောင်သည့် နားကြပ်ကို ရင်ဘတ် အိတ်ကပ်ထဲ ထည့်မထားဖို့ အကြံပေးလိုသည်။ နားကြပ်ထဲတွင် ပါလာသော သံလိုက်သည် နှလုံးထိန်းညှိစက် အလုပ်လုပ်မှုကို အနှောင့်အယှက်ပေး နိုင်သည်။ အမေရိကန် လေ့လာမှု တစ်ခုအရ နှလုံးထိန်းညှိစက် (၂၀) ရာခိုင်နှုန်းသည် နားကျပ်ထဲက သံလိုက်၏ လွှမ်းမိုးမှုကြောင့် အလုပ်လုပ်မှု ထိခိုက်ကြောင်း တွေ့ရသည်။ သို့ဖြစ်ရာ စာဖတ်သူသည် နှလုံးထိန်းညှိစက် (pecemaker) တပ်ထားရသူ ဖြစ်ပါက နားကြပ်ကို ရင်ဘတ်အိတ်ကပ်ထဲ ထည့်မထားဖို့ အကြံပြုလိုသည်။ ဖြစ်နိုင်လျှင် နားကြပ်ကြိုးကို ရင်ဘတ်မှာ တွဲလောင်း ဆွဲထားခြင်းမျိုးပင် မလုပ်လျှင် အကောင်းဆုံး ဖြစ်သည်။
မှတ်ဉာဏ်ကောင်းစေဖို့
လူ့ဦးနှောက်၏ အချက်အလက် မှတ်သားနိုင်စွမ်းသည် အံ့ဖွယ် ကောင်းလောက်အောင်ကို အစွမ်းထက်လှသည်။ လူ့ဦးနှောက်သည် အချက်အလက်များကို သိုမှီးထားရုံသာမက လေ့ကျင့်ပေးတတ်လျှင် ပေးတတ်သလောက် သိုမှီးပုံပို ကောင်းလာသလို၊ ပြန်လည် ထုတ်သုံးနိုင်စွမ်းလည်း ပိုကောင်းလာကြောင်း သိရသည်။
သို့ဖြစ်ရာ ဦးနှောက်အစွမ်း ပိုထက်လာအောင် ဘာတွေလုပ်သင့် သနည်း။
အဆီဓာတ်များသော ဆော်လ်မွန်၊ ငါးသေတ္တာ၊ ငါးကွမ်းရှပ် စသည်တို့ထဲတွင် အိုမီဂါ-၃ ဖက်တီး အက်စစ်ဓာတ် ပေါကြွယ်ဝစွာ ပါဝင်သည်။ ထိုအက်စစ်ဓာတ်သည် ဦးနှောက် အစွမ်းထက်မြက်နေအောင် ကူပေးနိုင်သည့် ထိပ်ဆုံး အာဟာရ ဖြစ်သည်။ သကြားဓာတ်များသော အစားအသောက်များက ဦးနှောက်အား ဖျက်ဆီးမှုများကို အိုမီဂါ-၃ က ပြန်လည် ကုစားပေးနိုင်စွမ်းရှိကြောင်း ၀ါရှင်တန် အခြေစိုက် မျိုးဗီဇ၊ အာဟာရနှင့် ကျန်းမာရေး စင်တာ၏ သုတေသနက တွေ့ရှိထားသည်။ အခြား သုတေသန တစ်ရပ်အရလည်း အိုမီဂါ-၃သည် ဦးနှောက်ဆဲလ် တစ်ခုနှင့်တစ်ခု ချိတ်ဆက်ထားသည့် ကွန်ရက်များကို အားကောင်းခိုင်မာစေသဖြင့် ဦးနှောက်သည် အလုပ်လုပ်နိုင်စွမ်း ပိုကောင်းလာရသည်ဟု ဆိုထားသည်။ အဆီများသော ငါးများကို တစ်ပတ် နှစ်ကြိမ် သုံးကြိမ် ခန့် စားပေးရုံဖြင့်ပင် မှတ်ဉာဏ်ထက်နေဖို့ လုံလောက်သည်ဟု သုတေသီတို့က ဆိုသည်။ ငါးဟင်း မကြိုက်သူများအနေဖြင့် ငါးကြီးဆီ စားပေးသင့်သည်။
လိင်ကျန်းမာရေး ကောင်းအောင် ထိန်းသိမ်းပါ။
နေ့စဉ် ကြုံနေရသည့် စိတ်ဖိစီးမှုများ၊ သောကများက အိပ်ခန်းထဲထိပါ လိုက်လံ ဒုက္ခပေးနိုင်သည်။ ထို့ကိစ္စ ဖြေရှင်းဖို့ ဆေးတွေ သောက်နေဖို့ မလို။ ပြဿနာကို ပြေလည်စေမည့် ရိုးရှင်းသော နည်းကလေးများ သိထားရုံဖြင့်ပင် လုံလောက်သည်။
ငွေကြေးကိစ္စ စိတ်အေးရအောင် ကြိုးစားပါ။
ငွေကြေးသည် အလုံးစုံ ပျော်ရွှင်မှုကို မ၀ယ်ယူနိုင်သော်လည်း စိတ်ဖိစီးမှု ၀န်ထုပ်အောက်မှ လွတ်မြောက်အောင်တော့ ကူညီပေးနိုင်သည်။ ငွေကြေးအတွက် စိတ်ပူနေရသူသည် အိမ်ထောင်ရေးတွင် လိင်ကိစ္စ စိတ်ကျေနပ်မှုပါ ထိခိုက် ကျဆင်းရကာ စိတ်ကျဝေဒနာပါ ခံစားရတတ်သည်။ အိမ်ထောင်သာယာမှု ထိခိုက်စေ သောကိစ္စများကို စစ်တမ်းကောက်ကြည့်သည့် အခါတွင်လည်း ငွေကြေးအတွက် စိတ်ပူပန်နေရခြင်းက ထိပ်ဆုံးမှာရှိ နေသည်။ အလုပ်ကိစ္စတွေ ပူပင်သောက ရောက်နေရခြင်း၊ ကလေးတွေ ကိစ္စ လုပ်နေရခြင်းတို့သည်လည်း ထိပ်ဆုံး အကြောင်းအရာများထဲတွင် ပါဝင်သည်။ အထူးသဖြင့် ငွေကြေးကိစ္စ စိတ်ပူပန်နေရသော အမျိုးသားတို့သည် အိမ်ထောင်ရေးကို ပိုမြန်မြန် စိတ်ပျက်လာတတ်ကြောင်းလည်း သုတေသန စစ်တမ်းက ဖော်ပြသည်။
ကိုယ်ခံစွမ်းအား ကောင်းမွန်စေဖို့
လူသားနှင့် ကူးစက်ရောဂါများ တိုက်ပွဲသည် ပြီးဆုံးသည်ရယ်မရှိ။ နေ့စဉ်နဲ့အမျှ ခုခံအားစနစ်သည် ပြင်ပက ၀င်လာသော ရောဂါပိုးမွှားများကို တိုက်ခိုက်ချေမှုန်း နေရသည်။ ကိုယ်စားသည့် အစားအစာ၊ ကိုယ့်စိတ် ကျန်းမာနှုန်း၊ ကိုယ်လေ့ကျင့်ခန်း လုပ်နှုန်း စသဖြင့် ကိုယ့်နေထိုင်မှု ပုံစံများသည် ကိုယ့်ခုခံအားစနစ်၏ စွမ်းရည်အပေါ် အကောင်းရော အဆိုးပါ သက်ရောက်မှုရှိသည်။
အကျိုး ဖြစ်စေမည့် အဆီဓာတ်တွေ စားသုံးပါ။
အဆီစားတိုင်း ဆိုးကျိုးဖြစ်သည်ရယ် မဟုတ်။ ခန္ဓာကိုယ် ဆဲလ်များ တည်ဆောက်ဖို့အတွက် အကျိုးပြုသည့် အဆီဓာတ်တွေ စားပေးခြင်းသည် ခုခံအားစနစ် ကောင်းမွန်ရေးအတွက်ပါ အကျိုးရှိသည်။ ရောဂါပိုးမွှားများကို တိုက်ဖျက်သည့် သွေးဖြူဥများ ပုံမှန်အတိုင်း ထွက်ရှိနေအောင် ကူပေးသည့် အဆီဓာတ်များလည်း ရှိသည်။ အသားများကနေ ထုတ်ယူထားသော အဆီများကို ရှောင်သင့်သည်။ ဟင်းသီးဟင်းရွက်များကနေ ထုတ်ယူထားသော အဆီတို့သည် လူကို အကျိုးပြုသည်။
အချိုတွေ ရှောင်
သကြားဓာတ် (၇၅) ဂရမ်မျှသည်ပင် ခန္ဓာကိုယ် ခုခံအားတပ်ဖွဲ့ လုပ်ငန်းများ ကမောက်ကမ ဖြစ်အောင် လုပ်ပစ်နိုင်သည်။ ထိုနှုန်းသည် လက်ဖက်ရည်ဇွန်း ဆယ်ဇွန်းစာ သို့မဟုတ် (၃၃၀) မီလီလီတာ အချိုရည်ဗူး နှစ်ဗူးထဲတွင် ပါသော သကြားဓာတ်နှင့် ညီမျှသည်။ အချိုကြိုက်သူများ အနေဖြင့် သဘာဝ အချိုဓာတ်ရသော အသီးအနှံများကို စားသုံးသင့်သည်။ အသီးအနှံများတွင် လူကို အကျိုးပြုသော အမျှင်ဓာတ်လည်း ပါဝင်သည်။
ရယ်မောခြင်းသည် ဘယ်တော့မှ အာနိသင် မလျော့သည့်ဆေး။
ရယ်မောခြင်းသည် လူကို စိတ်ချမ်းသာစေရုံသာမက ခုခံအားစနစ်ကိုလည်း အားကောင်းစေ၏။ ရယ်မောခြင်းသည် စိတ်ဖိစီးမှု ဟိုမုန်းထွက်နှုန်း လျော့သွားအောင်လည်း လုပ်ပေးနိုင်သည်။ အခွင့်သင့်တိုင်း ရယ်မောပါ။ သူငယ်ချင်းများနဲ့ တွေ့လျှင် ရယ်စရာတွေပြောကာ ပေါ့ပေါ့ပါးပါး နေထိုင်ပါ။ မိမိကြောင့် သူများတွေပါ ရယ်မောရလျှင် ထိုသူများကိုပါ မိမိက ကျန်းမာရေး လက်ဆောင်ကောင်း ပေးအပ်ရာ ရောက်သည်။
ကိုထိုက်
Credit: messenger
