"ရိုဟင်ဂျာပြဿနာနှင့် ထောင်ချောက်မိ မြန်မာပြည်"

(အပိုင်း-၁)

မေလ ၂၆ ရက်နေ့မှ ၂၈ ရက်နေ့ထိ နော်ဝေနိုင်ငံ အော်စလိုမြို့ရှိ The Nobel Institute & Voksenaasen တွင် ဘင်္ဂါလီ (ရိုဟင်ဂျာ) များအပေါ် မြန်မာ၏ နှိပ်ကွပ်မှု အဆုံးသတ်ရေး ခေါင်းစဉ်ဖြင့် Conference တစ်ခု ကျင်းပမည်ဖြစ်သည်။ ဆွေးနွေးပွဲသို့ Open Society Foundations မှ George Soros နှင့် မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် Mrs Yanghee Lee တို့အပြင် အပြည်ပြည်ဆိုင်ရာ ဒုက္ခသည်များအဖွဲ့၊ နော်ဝေ-မြန်မာကော်မတီနှင့် အခြားအဖွဲ့များမှ ခေါင်းဆောင်များတက်ရောက် ကြမည်ဖြစ်သည်။ အလားတူ မေလ ၂၉ ရက် နေ့တွင်လည်း လှေစီးဒုက္ခသည်အရေး ဆွေးနွေးပွဲတစ်ခုအား ထိုင်းနိုင်ငံ ဘန်ကောက်မြို့တွင် ကျင်းပမည်ဖြစ်သည်။

ကုလသမဂ္ဂအပါအဝင် လူ့အခွင့်အရေး အဖွဲ့များနှင့် အစ္စလာမ်နိုင်ငံများက ဘင်္ဂါလီ (ရိုဟင်ဂျာ) အရေးနှင့် ပတ်သက်၍ မြန်မာကို လက်ညိုးထိုး အပြစ်တင်ထားကြပြီး အင်ဒုိုနီးရှားနိုင်ငံကို ခိုလှုံရောက်ရှိနေသည့် လှေစီး ဒုက္ခသည်တွေထဲမှာ မြန်မာနုိုင်ငံကလာသူ ၄၃ ယောက်ပါကြောင်း အင်ဒိုနီးရှား လူဝင်မှုကြီးကြပ်ရေး အရာရှိက ပြောဆိုထားသည်။ 

“အင်ဒိုနီးရှားနိုင်ငံ အာချေးပြည်နယ်ကို ရောက်လာကြသူ ၁၃ဝဝ လောက်ရှိတဲ့ထဲမှာ ၆ဝဝ လောက်က ရိုဟင်ဂျာတွေဖြစ်ကြပါတယ်။ သူတို့ထဲက တချို့ဟာ မြန်မာနိုင်ငံက လာတယ်လို့ ပြောကြပြီး တချို့ကတော့ ဘင်္ဂလားဒေ့ရ်ှနိုင်ငံဘက်က လာတယ်လို့ ပြောကြပါတယ်။” ဟု အင်ဒိုနီးရှား အရာရှိ Mr.Baloch က ဆိုသည်။ သို့သော်လည်း မြန်မာနိုင်ငံကဟု ဆိုသည့် ဘင်္ဂါလီ (ရိုဟင်ဂျာ) ၄၃ ဦးလုံးမှာ မြန်မာနိုင်ငံတွင်း
တွင်နေထိုင်သည့် နေရပ်လိပ်စာ မပြောဆိုနိုင်သလို မြန်မာစကားလည်း မပြောတတ်ကြောင်းသိရသည်။

မြန်မာအစိုးရ ပြန်ကြားရေးဝန်ကြီး ဦးရဲထွဋ်မှ လှေစီးဒုက္ခသည်တွေထဲမှာ မြန်မာနိုင်ငံသား မှန်ကန်ကြောင်း အထောက်အထားပြနိုင်ပါက လိုအပ်တဲ့ ကာကွယ်စောင့်ရှောက်မှုတွေ လုပ်ပေးသွားမည်ဟု တနင်္လာနေ့က ရန်ကုန်မြို့တွင် ပြုလုပ်သည့် နိုင်ငံတကာ သံတမန်များနှင့် တွေ့ဆုံပွဲ၌ ပြောကြားခဲ့သည်။ ထို့အပြင် လက်ရှိဘင်္ဂါလီ (ရိုဟင်ဂျာ) ပြဿနာမှာ လူမှောင်ခိုကူးမှုသာဖြစ်၍ နိုင်ငံတကာအဖွဲ့များနှင့် ပူးပေါင်း ဆောင်ရွက်မည်ဖြစ်ကြောင်း ပြန်ကြားရေးဝန်ကြီး ဦးရဲထွဋ်က ဆက်လက်တုံ့ပြန်ခဲ့သည်။ ‘‘ရခိုင်ပြည်နယ်မှာ ဖြစ်နေတဲ့ အခြေအနေကြောင့် ထွက်ပြေးတိမ်းရှောင်နေတဲ့ ဒုက္ခသည်လို့ ကျွန်တော်တို့ မမြင်ဘူး။ ဒါတွေက ရခိုင်ပြည်နယ်နဲ့ ဘင်္ဂလားဒေ့ရ်ှနိုင်ငံမှာ ကျွန်တော်တို့ရှိနေတဲ့ တချို့လူတွေကို မလေးရှား၊ အင်ဒို တို့ကို ပို့ဆောင်ဖို့လုပ်တဲ့ လူမှောင်ခိုကူးတဲ့ကိစ္စ၊ လူကုန်ကူးတဲ့ကိစ္စရဲ့ အကျိုးဆက်တွေလို့မြင်ပါတယ်။ နိုင်ငံတကာ မိသားစုအဖွဲ့ဝင်ဖြစ်တဲ့အတွက် ဒီလူကုန်ကူးမှုကို ဖြေရှင်းဖို့ ဒေသတွင်းနိုင်ငံတကာအဖွဲ့တွေနဲ့ ပူးပေါင်း ဆောင်ရွက်သွားမှာဖြစ်ပါတယ်’’ ဟု ၀န်ကြီးဦးရဲထွဋ်က အစည်းအဝေးပြီးတွင် သတင်းထောက်များအား ဖြေကြား ထားသည်။




အပိုင်း (၂)

ထိုင်းနိုင်ငံနှင့် အင်ဒိုနီးရှားနိုင်ငံသည် လူကုန်ကူးမှုပြဿနာ၊ လူမှောင်ခိုပြဿနာနှင့် ခိုးဝင်ပြဿနာ အများဆုံးဖြစ်ပွားနေသော နိုင်ငံများဖြစ်ပြီး လူပွဲစားအများအပြားရှိကြောင်း ထိုင်းနိုင်ငံရောက် ရွှေ့ပြောင်း အလုပ်သမားတစ်ဦးဖြစ်သည့် မလဲ့လဲ့ထွန်းမှ ယခုလိုပြောသည်။
“ထိုင်းနိုင်ငံမှာ လူပွဲစားတွေအများကြီးရှိတယ်။ သူတို့က စီးပွားရေးပဲကြည့်တယ်။ နိုင်ငံနဲ့ လူမျိုးမရွေးဘူး။ ဘယ်နိုင်ငံသားကိုမဆို နည်းမျိုးစုံနဲ့ ခေါ်သွင်းကြတယ်။ ဘင်္ဂလားဒေ့ရ်ှက ဘင်္ဂါလီတွေကိုလည်း ခိုးသွင်းတယ်။ ရဲက ဖမ်းရင်တော့ ဘင်္ဂါလီတွေက မြန်မာနိုင်ငံသားလို့ ဖြေကြတယ်။” ဟု မလဲ့လဲ့ထွန်းမှ ဆိုသည်။ လွန်ခဲ့သည့်လက ထိုင်းနှင့် မလေးရှား နယ်စပ်တောထဲတွင် မြှုပ်နှံထားသည့် ဒါဇင်နှင့်ချီသည့် ဘင်္ဂါလီ (ရိုဟင်ဂျာ) အလောင်းများကို ထိုင်းရဲတပ်ဖွဲ့က ရှာဖွေဖော်ထုတ်ကာ သံသယရှိသူများကို ဖမ်းဆီးခဲ့သည်။ လူကုန်ကူးသူများ၊ သို့မဟုတ် လူမှောင်ခုိုကူးသူများကြောင့် ၎င်းတို့တွေ လှေစီးကာ နိုင်ငံနယ်နိမိတ်များကို ဖြတ်ကျော် ထွက်ပြေးကြသည်ဟု ပညာရှင်အများစုက သုံးသပ်ကြသည်။ 

မဇ္ဈိမ သတင်းဌာနတွင် မေလ ၂၀ ရက်နေ့က ဖော်ပြထားသည့် “ဘင်္ဂါလီဆိုတိုင်း မြန်မာနိုင်ငံက ဖြစ်ရမှာလား”
ခေါင်းစဉ်ဖြင့် ပေးစာတစ်စောင်တွင် မြန်မာနိုင်ငံရဲ့ နယ်စပ်မြို့ အများအပြားကို ရောက်ခဲ့ဖူးသူ အငြိမ်းစားဝန်ထမ်း ဦးသာထွန်းမှ လူကုန်ကူးမှုကြောင့် လှေစီးပြေးပြဿနာများ ပေါ်ပေါက်လာခြင်းမှာ မှန်ကန်ကြောင်း၊ သူတို့နိုင်ငံမှာ စားဝတ်နေရေး အဆင်မပြေလို့ ပင်လယ်ပြင်ကို လှေနဲ့ ဖြတ်သန်းပြီး ရွှေ့ပြောင်းနေကြတာကို ဘာမှမဆိုင်ဘဲနဲ့ မြန်မာနိုင်ငံက ရခိုင်ပြည်နယ်မှာ ဖြစ်နေတဲ့ အခြေအနေတွေကြောင့် ထွက်ပြေးရတဲ့ ဒုက္ခသည်တွေဆိုပြီး နိုင်ငံတကာက မြန်မာနိုင်ငံကို တရားဝင်လက်ခံအောင် ပြောဆိုနေခြင်းကို လက်မခံကြောင်း
ရေးသားထားသည်။

မောင်တောမြို့သည် လွန်ခဲ့သည့် အနှစ်လေးဆယ်ကျော်က လူဦးရေ ယခုလောက် မများသေးဘဲ နောက်ပိုင်း ဒီနိုင်ငံမှာ ဘင်္ဂလီတို့အတွက် စားဝတ်နေရေး အဆင်ပြေနိုင်တာကို သိလာကြပြီး တဖြည်းဖြည်းနဲ့ တရားမ၀င် ပြောင်းရွှေ့ နေထိုင်လာကာ ဘင်္ဂါလီဦးရေက ကြီးထွားလာခဲ့ခြင်းဖြစ်ကြောင်း ဦးသာထွန်းက ဆိုသည်။ ယခုအခါ ဘူးသီးတောင်နှင့် မောင်တော ဒေသများတွင် ဗုဒ္ဓဘာသာဦးရေမှာ ၁၀% သာရှိပြီး ဘင်္ဂါလီ ဦးရေက ၉၀% ရှိကြောင်း သိရသည်။




အပိုင်း (၃)

ရိုဟင်ဂျာ အသံ ဆဌမအကြိမ် ဖြစ်ပေါ်လာပုံ

EBO. ဒါရိုတ်တာ ဦးဟန်ယောင်ဝေသည် ၂ဝဝ၆ ခုနှစ် သြဂုတ်လ (၂-၃) ရက်နေ့များတွင် Chula Long Korn University နှင့် Sigha Dum Conference Room တွင် အောက်တွင်ဖော်ပြထားသော ခေါင်းစဉ်ဖြင့် ဆွေးနွေးပွဲတခုကို ပြုလုပ်ကျင်းပခဲ့သည်။။ ၄င်းခေါင်းစဉ်မှာ--- 

First Rohingya Consultation Working Together to find a Solution, Faculty of Political Science, Chula Long Korm University, Bangkok, Thailand.
Organized by South Asia Study Center, Faculty of Political Science, 
Chula Long Korn University in Cooperation with National Reconciliation Program (NRP) တို့ဖြစ်သည်။။

အထက်ပါ ခေါင်းစဉ်ဖြင့် First Rohingya Consultations ဖြစ်မြောက်ရေးအတွက် EBO ဒါရိုတ်တာ ဦးဟန်ယောင်ဝေမှ ငွေကူညီထောက်ပံ့မှုဖြင့် သူ (ဦးဟန်ယောင်ဝေ) ကိုယ်တိုင် ကမကထ ပြုလုပ်ကျင်းပခဲ့သည်။။ ဦးဟန်ယောင်ဝေမှ အမေရိကန်ဒေါ်လာ (၃) သောင်းကျော် အကုန်အကျခံခဲ့ကြောင်း သိရှိရသည်။။ အဲဒီ ရိုဟင်ဂျာ နှီးနှောဖလှယ်ပွဲမှာ ဦးဟန်ယောင်ဝေ မှ Keynote Speeh by Mr. Harn Yawng Hwe, Director of NRP ခေါင်းစဉ်ဖြင့် မိန်းခွန်းပြောကြားခဲ့ကြောင်း သိရှိရသည်။။ အဲဒီ Rohingya Consultations ဆွေးနွေးပွဲသို့ ရခိုင်ပြည်နယ်မှ ရိုဟင်ဂျာအမည်ခံ ဘင်္ဂလီမူဆလင်အဖွဲ့အချို့။ ထိုင်းအခြေစိုက် ဗမာရိုဟင် ဂျာအဖွဲ့။ Australia အခြေစိုက် ဗမာရိုဟင်ဂျာအဖွဲ့။ Norway အခြေစိုက် ဗမာရိုဟင်ဂျာအဖွဲ့။ Canada အခြေစိုက် ဗမာရိုဟင်ဂျာအဖွဲ့ စသည်ဖြင့် ရိုဟင်ဂျာ နာမည်ခံ အဖွဲ့အစည်းများစွာ တက်ရောက်ခဲ့ကြောင်း သိရှိရသည်။။

သက္ကရာဇ် ၂ဝဝဝ ခုမတိုင်မှီက ထိုင်းနိုင်ငံတွင် လည်းကောင်း။ ထိုင်း-မြန်မာနယ်စပ်များတွင် လည်းကောင်း။ ရိုဟင်ဂျာ အသံ ကျယ်ကျယ်လောင်လောင် မကြားခဲ့ရပါ။။ ဦးဟန်ယောင်ဝေမှ ထိုင်းနိုင်ငံနှင့် နယ်စပ်ဒေသများသို့ ရောက်လာသည့် အချိန်မှစပြီး ရိုဟင်ဂျာ အသံ ကျယ်ကျယ်လောင်လောင် ဖြစ်လာခြင်း ဖြစ်သည်ဆိုလျှင် မှားမည်မဟုတ်ဟု ဆိုနိုင်သည်။။ ဦးဟန်ယောင်ဝေ အနေဖြင့် ရိုဟင်ဂျာ ဟူသော နာမည် ကို အဘယ်ကြောင့် တွန်းတင်နေသလဲ ဆိုတာကို လေ့လာဆန်းစစ်ဖို့ လိုအပ်မည်ဖြစ်သည်။။

ဂျပန်ိုင်ငံတွင် ဂန္ဒတက္ကသိုလ်၌ သမိုင်းပါမောက္ခအဖြစ် တာဝန်ထမ်းဆောင်နေသည့် ဒေါက်တာ အေးချမ်းမှ ရေးသားထုတ်ဝေထားသည့် ရိုဟင်ဂျာနှင့် ပတ်သက်၍ ရေးသားထားသော စာအုပ်များကို ဦးဟန်ယောင်ဝေ ဖတ်ဖူးပါသည်။ ဒေါက်တာ အေးချမ်းဆိုသည့် သမိုင်းပညာရှင်တစ်ဦးအဖြစ် ကမ္ဘာက အသိအမှတ်ပြုထားသူ တဦးလည်းဖြစ်ပါသည်။ သူသည် သမိုင်းဘာသာရပ်ဖြင့် ဒေါက်တာ (PhD) ဘွဲ့ကို ရရှိထားသူတဦးဖြစ်သည်။ ရခိုင့်သမိုင်းပညာရှင် တဦးလည်းဖြစ်သည်။ သက္ကရာဇ် ၂ဝဝ၅ ခု။ သြဂုတ်လ တွင် Influe Viruses, The Illegal Muslims in Arakan နာမည်ဖြင့် စာအုပ်တအုပ်ကို U Shwe Zan နှင့် Dr. Aye Chan တို့မှ ထုတ်ဝေခဲ့သည်။။ ၄င်းစာအုပ်တွင် ရိုဟင်ဂျာ ဆိုတာကို ဘာကြောင့် ဖော်ထုတ်နေ ကြသလဲ။ ရိုဟင်ဂျာဆိုတာ လူမျိုးတမျိုး ဟုတ်မဟုတ် ဆိုတာကို အထောက်အထားများနှင့် ရေးသားဖော် ပြထားပေသည်။

ဦးဟန်ယောင်ဝေနှင့် Euro-Burma Office

ဦးဟန်ယောင်ဝေသည် ထိုင်း-မြန်မာနယ်စပ်သို့ ၁၉၉၉ ခုနှစ်တွင် ရောက်ရှိကာ EBO ကိုစတင် အကောင်အထည်ဖော်သည်။ ဦးဟန်ယောင်ဝေ ထိုင်း-မြန်မာနယ်စပ်သို့မရောက်မှီ ရိုဟင်ဂျာအသံ ကျယ်ကျယ်လောင်လောင် ဖြစ်ပေါ်မှု မရှိခဲ့ပါ။ ဦးဟန်ယောင်ဝေသည် ထိုင်း-မြန်မာနယ်စပ်သို့ မရောက်မှီ NCGUB (ဝါရှင်တန်ဒီစီအခြေစိုက်) ညွန်ကြားရေးမှူး အဖြစ်၎င်း။ အကြံပေးပုဂ္ဂိုလ်အဖြစ်၎င်း။ တာဝန်ထမ်းဆောင်ခဲ့သည်။။ ၁၉၉၉ ခုနှစ်တွင် ဦးဟန်ယောင်ဝေသည် NCGUB ညွန်ကြားရေးမှူး အဖြစ်မှ၎င်း။ အကြံပေးပုဂ္ဂိုလ် အဖြစ်မှ၎င်း နှုတ်ထွက်လိုက်ကြောင်း သိရသည်။။

ဦးဟန်ယောင်ဝေ NCGUB မှ နှုတ်ထွက်လိုက်ရခြင်း အကြောင်းမှာ ၁၉၉၉ ခုနှစ်တွင် ဖိလစ်ပိုင်နိုင်ငံ မနီလာမြို့ ထိပ်သီးဆွေးနွေးပွဲ (Summit Conference) တစ်ခုကို ကျင်းပပြုလုပ်ခဲ့သည်။ ၄င်း ထိပ်သီးဆွေးနွေးပွဲသို့ နယ်စပ်ဒေသမှ တိုင်းရင်းသား ခေါင်းဆောင်များ။ ဒီမိုကရေစီ ခေါင်းဆောင်များအား ဖိတ်ကြားကာ ၄င်း ထိပ်သီးဆွေးနွေးပွဲသို့ တက်ရောက်စေခဲ့သည်။။ ၄င်း ထိပ်သီးဆွေးနွေးပွဲ နောက်ပိုင်းတွင် အသွင်ကူးပြောင်းရေး စီမံချက် (Transition Plan) ဟူသော နာမည်ဖြင့် စာတမ်းတစောင် ထွက်လာသည်။။ ၄င်း စာတမ်းတွင် တိုင်းရင်းသား အင်အားစုများ။ ဒီမိုကရေစီ အင်အားစုများအတွင်း အမြင်ရှုပ်ထွေးမှုများ ဖြစ်စေနိုင်သော အကြောင်းအရာများ ပါရှိနေသဖြင့် NCGUB မှ၎င်း (Transition Plan) ကို Floating လုပ်ထားလိုက် သည်ဟု NCGUB ဝန်ကြီးအချို့ ပြောပြချက်အရ သိရသည်။။ သို့ရာတွင် ဦးဟန်ယောင်ဝေသည် NCG-UB မှ Floating လုပ်ထားသည့် (Transition Plan) ကို NCGUB တာဝန်ရှိ ဝန်ကြီးများကို တင်ပြမှုမရှိ (ခွင့်ပြုချက်မရှိပဲ) ဘဲ အကောင်အထည်ဖော် ဆောင်ရွက်မှုရှိလာသည်။ အကောင်အထည်ဖော် ဆောင်ရွက်သည့်အခါ နယ်စပ်ဒေသရှိ တိုင်းရင်းသား ခေါင်းဆောင်များ။ ဒီမိုကရေစီ ခေါင်းဆောင်များအတွင်း အမြင်ရှုပ်ထွေးမှုများ ဖြစ်ပေါ်လာသည်။။ NCGUB အား ဝေဖန်မှုများ ဖြစ်ပေါ်လာသည်။ သည်မှာ ဦးဟန်ယောင်ဝေ NCGUB မှ နှုတ်ထွက်ရခြင်း အကြောင်းတစ်ချက် ဖြစ်သည်။ အခြားသော အကြောင်းအချက်များ လည်း ရှိသေးသည်ဟု လေ့လာသိရှိရသည်။။

ဦးဟန်ယောင်ဝေ NCGUB ၌့ တာဝန်ထမ်းဆောင်နေချိန်တွင် Euro-Burma Office ဖြစ်ပေါ်လာသည်။ Euro-Burma Office ဖြစ်ပေါ်လာခြင်းမှာ မြန်မာနိုင်ငံ ဒီမိုကရေစီလှုပ်ရှားမှု (Democracy Move-ment) အတွက် ပေးသော အကူအညီများကို လက်ခံပြီး ကူညီဆောင်ရွက်ပေးသော Funding Agency တစ်ခု ဖြစ်သည်ဟု လေ့လာသိရှိရသည်။။ အထူးသဖြင့် EU နိုင်ငံအချို့မှ ကူညီပေးသော ငွေများကို လက်ခံပြီး ဒီမိုကရေစီ လှုပ်ရှားမှုအား ထောက်ပံ့ကူညီပေးသော Funding Agency တစ်ခုဖြစ်ပေသည်။ ၄င်း EBO အနေဖြင့် အကူအညီရရှိရေးအတွက် NCGUB မှ ထောက်ခံချက် (Endorsement) ပြုလုပ်ပေးခဲ့ရသည်ဟုလည်း လေ့လာသိရှိခဲ့ရသည်။။

NCGUB မှ နှုတ်ထွက်လိုက်သည့် နောက်ပိုင်းတွင် ဦးဟန်ယောင်ဝေသည် EBO ကို၎င်း။ NRP ကို၎င်း Ownership အဖြစ် သဘောထားကာ ပြုမူလုပ်ဆောင်လာသည်ကို တွေ့လာရသည်။။ အမှန်မှာ EBO သည် နိုင်ငံခြားသား NGO တစ်ခုမဟုတ်ပါ။။ မြန်မာပြည် ဒီမိုကရေစီလှုပ်ရှားမှု (Democracy movement) အတွက် အာမခံကိုယ်စားပြုထားသော Funding Agency တစ်ခုသာဖြစ်ပေသည်။။ ဦးဟန်ယောင်ဝေသည် EBO နှင့် NRP ကို နိုင်ငံရေးစင်မြင့် (Political Platform) တစ်ခုအဖြစ် လုပ်ဆောင်လာသည်ကို ထင်ရှားစွာ တွေ့မြင်လာရသည်။။

ထင်ရှားသော သာဓက အချို့ကို တင်ပြရမည်ဆိုလျှင် ၂ဝဝ၃ ခုနှစ်တွင် ဦးဟန်ယောင်ဝေသည် ထိုင်းနိုင်ငံ ချင်းမိုင်မြို့တနေရာတွင် EBO မှ ကမကထပြုလုပ်ပြီး Ethnic Initiate ခေါင်းစဉ်ဖြင့် အလုပ်ရုံ ဆွေးနွေး ပွဲတခုကို ပြုလုပ်ကျင်းပခဲ့သည်။။ ၄င်း အလုပ်ရုံဆွေးနွေးပွဲ အပြီးတွင် တိုင်းရင်းသား လူမျိုးများ လမ်းပြမြေပုံ (Road Map) တခု ထွက်ပေါ်လာသည်။။ ၄င်း လမ်းပြမြေပုံကို တိုင်းရင်းသား လူမျိုးစုအတွင်းမှာ အထူးသဖြင့် NDF အတွင်းမှာ အကြေအလည် ဆွေးနွေးညှိနှိုင်းမှု မပြုလုပ်ပဲ သတင်းစာရှင်းလင်းပွဲ ပြုလုပ်ခဲ့သည်။။ ဦးဟန်ယောင်ဝေ ဦးဆောင်ရေးဆွဲသော လမ်းပြမြေပုံ (Road Map) ကို NDF အတွင်းမှာ အကြေအလည် ဆွေးနွေးညှိနှုင်းမှု မပြုလုပ်ပဲ သတင်းစာရှင်းလင်းပွဲ ပြုလုပ်ခဲ့မှုကြောင့် အမြင်ရှုပ်ထွေးမှုများဖြစ်ကာ ညီညွတ်မှု ထိခိုက်လာသည်ကို တွေ့လာရသည်။။

ရိုဟင်ဂျာ (ခေါ်) ဘင်္ဂလီမူဆလင်များ. သမိုင်းလိမ်ဖေါ်ထုတ်မှု

ရိုဟင်ဂျာ (ခေါ်) ဘင်္ဂလီမူဆလင်များသည် ရခိုင်ပြည်ကို မူဆလင်ဘုရင်များ အုပ်စိုးခဲ့ကြောင်း ရခိုင်ပြည်တွင် ရိုဟင်ဂျာ နာမည်ဖြင့် လူမျိုးတမျိုး တည်ရှိခဲ့ကြောင်း စသည်ဖြင့် ထုတ်ပြန်ကြေငြာချက်များ စာအုပ်အချို့တွင် ရေးသားဖေါ်ပြကြသည်ကို တွေ့ရသည်။။ ဤသည်မှာ ယုတ္တိဗေဒကင်းမဲ့သော၊ ကျိုးကြောင်းဆီလျှော်မှု မရှိသော လုပ်ဇာတ်တခုသာဖြစ်ပေသည်။။

အကယ်၍များ ရခိုင်ပြည်ကို မူဆလင်ဘုရင်များ အုပ်စိုးခဲ့သည်မှန်လျှင် ရခိုင်ပြည်နယ်တွင် ရှိနေသော ရှေးဟောင်းအဆောက်အဦး။ ယဉ်ကျေးမှု စသည့် အမွေအနှစ်များသည် အစ္စလန်ဘာသာနှင့် ပတ်သက်သော အဆောက်အဦး။ ယဉ်ကျေးမှု စသည့် အမွေအနှစ်များဖြစ်ရပါမည်။ သို့ရာတွင် အစ္စလန်ဘာသာဝင်များ. ရှေ့ဟောင်းအဆောက်အဦး။ ယဉ်ကျေးမှု စသည့် အမွေအနှစ်များကို လုံးဝမတွေ့ရပေ။။


ရခိုင်ပြည် ဖြစ်ပေါ်လာပုံ သမိုင်းတွင် ရခိုင်ပြည်သည် ဘီစီ ၅၆၂ ခုမှ အေဒီ ၁၇၈၄ ခုနှစ်အထိ ဓညဝတီ။ ဝေသာလီ။ လေးမြို့။ မြောက်ဦး ဟူ၍ ခေတ်ကြီး (၄) ခေတ်ဖြင့် ရခိုင်ဘုရင် ခေတ်အဆက်ဆက်တွင် အုပ်စိုးခဲ့ကြသော ရခိုင်ဘုရင်များသည် ဗုဒ္ဒဘာသာကိုသာ ကိုးကွယ် ဆည်းကပ်ခဲ့ကြသည်။ လက်ရှိ ရခိုင်ပြည်နယ်တွင် တည်ရှိနေသော ရှေ့ဟောင်း အဆောက်အဦး စသည်များသည် ဗုဒ္ဒဘာသာဝင်များ. အမွေအနှစ်ဖြစ်သော စေတီ၊ ပုထိုး၊ ကျာင်းကန်၊ ဘုရား စသည်များကိုသာ တွေ့ရမည်ဖြစ်သည်။။ ရခိုင်ပြည် နောက်ဆုံးဘုရင်ဖြစ်သော သမ္မတရာဇာ နန်းစိုက်ခဲ့သော နန်းတော်ရာ မြိုဏ္ဍဟောင်း (မြောက်ဦး) မြို့တွင် ယနေ့အထိ ဗုဒ္ဒဘာသာဝင်များ သမိုင်းအမွေအနှစ်များ အထင်အရှား ရှိနေဆဲ ဖြစ်သည်မှာ ထင်ရှားနေပေသည်။။

ဆက်လက်ဖော်ပြမည်။

Credit-Original Writer



Lutaw Lupyaw