"ယောက်ျားဆိုးဆိုး၊ မိန်းမဆိုးဆိုးတို့ရဲ့ အိမ်ထောင်ရေးက ပိုမိုတည်တံ့အရှည်ကြာတတ်ပါသလား.."
တစ်ခါက လူငယ်လင်မယားနှစ်ယောက် ရှိကြပါတယ်။ အိမ်ထောင်ကျစကတည်း ရက်ခြားဆိုသလို ရန်ဖြစ်လေ့ရှိကြပါတယ်။ နှစ်ရှည်လများ ရန်ဖြစ်လာကြတဲ့အခါ အိမ်ထောင်ဦးစီး အမျိုးသားက အရမ်းစိတ်ပျက်လာပါတယ်။ တစ်နေ့ အမျိုးသမီးနဲ့ ရန်ဖြစ်ပြီးစ စိတ်ညစ်ညစ်နဲ့ အိမ်ရှေ့မှာ တစ်ယောက်တည်း ငုတ်တုပ်ထိုင်နေရင်း အိမ်ရှေ့အ်ိမ်က အဘိုးအဘွား လင်မယားနှစ်ဦး တူယှဉ်တွဲပြီး အိမ်ထဲကို ရီရီမောမော ပြောပြောဆိုဆိုနဲ့ ၀င်သွားကြတာကို တွေ့ရပါတယ်။
ဒီလိုနဲ့ပဲ နေ့တိုင်း ထိုအဘိုးအဘွားလင်မယား နှစ်ဦးကို သူသတိထားပြီး လေ့လာမိနေပါတော့တယ်။
နေ့တိုင်းဆိုသလို ထိုလင်မယားနှစ်ဦး မနက်ဆိုလမ်းလျှောက်ထွက်ရင် ရီရီမောမော လက်ချင်းချိတ်ပြီး သွားကြတယ်။ အပြန်ကျရင် အဘိုးက ခြင်းတောင်းလေးဆွဲပေးရင်း အဘွားက အဘိုးလက်မောင်းလေးကို တွဲလာရင်း ရီရီမောမောပဲ ပြန်လာကြတာကို နေ့စဉ်ဆိုသလို တွေ့ရဖန်များလာတော့ လူငယ်ယောက်ျားက မနေနိုင်တော့ပဲ …
အဘိုးတစ်ဦးတည်း အိမ်ရှေ့မှာ မတ်တပ်ရပ်နေတာကို တွေ့တဲ့တစ်နေ့မှာတော့ လူငယ်ယောက်ျားက အဘိုးဆီကိုသွားနှုတ်ဆက်ရင်း သူသိချင်တာလေးကို စကားတွေဝေ့၀ိုက်မနေပဲ မေးချလိုက်ပါတော့တယ်။
အဘိုးတို့လင်မယားကြည့်ရတာ အမြဲလိုလို ချစ်ချစ်ခင်ခင် ကြင်ကြင်နာနာနဲ့ ရီမောပျော်ရွှင်နေလိုက်ကြတာ ကျွန်တော်တို့ကျတော့ ယူပြီးကတည်းက သေးသေးလေးကအစ ဖြစ်လိုက်ကြတဲ့ ရန်တွေ။ ဒါကြောင့် အဘိုးနဲ့အဘွား ဒီလိုရန်မဖြစ်ပဲ အေးအေးချမ်းချမ်း ဘယ်လိုနေကြလဲ သိချင်လို့ပါ။
ဒီတော့ အဘိုးက ဘာပြန်ဖြေသလဲဆိုတော့.. မင်းတို့လင်မယားနှစ်ဦးစလုံးက လူကောင်းတွေမို့ ရန်ဖြစ်နေကြတာ၊ အဘိုးတို့လင်မယားနှစ်ဦးစလုံးက လူဆိုးတွေမို့ရန်မဖြစ်ပဲ ခုလို သင့်မြတ်နေကြတာပေ့ါတဲ့။ လူငယ်က အဘိုးရဲ့အဖြေကို အလိုမကျပဲ
အဘိုးကလည်း ကျွန်တော်တကယ်သိချင်လို့ မေးတာကို အကောင်းဖြေပါဗျာ မနောက်ပါနဲ့။
ဒီတော့မှ အဘိုးက ဒီလိုလေကွာ မင်းတို့လင်မယားတွေက လူကောင်းတွေမို့ အမှားမရှိကြဘူးလေ။ ရန်ဖြစ်ပြီဆိုတာနဲ့ လူကောင်းတွေဖြစ်နေကြတဲ့အတွက် အမှားက အခြားတစ်ယောက်ပေါ်မှာပဲ လက်ညှိုးထိုးကြပြီလေ။ တစ်ယောက်အမှား တစ်ယောက်ထောက်ရင်း ကိုယ်သာလူကောင်းဆိုပြီး ယူဆတဲ့အတွက် အခုလိုဖြစ်နေရတာပါ။
အဘိုးတို့လင်မယားတွေကျတော့ လူဆိုးတွေမို့ တစ်ခုခုဖြစ်လာတာနဲ့ ကိုယ်ဟာလူဆိုးကြီးပါဆိုတော့ သူ့အမှားလို့ မထင်တော့ဘူး။ လက်ညှိုးက ကိုယ့်ကိုယ်ကိုပဲ ပြန်ထိုးမိပါတော့တယ်။ ငါဆိုးတာ၊ ငါမှားတာ၊ ငါမကောင်းတာ၊ ငါဘာပြင်ရမလဲ ဆိုတဲ့ အတွေးနဲ့ ကတောက်ကဆ ဖြစ်ကြတိုင်း ဒီလိုပြန်လည်ပြင်ဆင် မြင်ယောင်လိုက်တဲ့အခါ အဘိုးတို့ လူဆိုးလင်မယားရဲ့ ရန်ပွဲဆိုတာကလည်း မရှိသလောက် နည်းသွားတယ်။
ကိုယ်နဲ့မျက်နှာချင်းဆိုင်နေရတဲ့ တစ်ဘက်လူက မှန်တစ်ချပ်နဲ့တူပါတယ်။ သူ့ကိုပြုပြင်တာထက် ကိုယ့်ကိုယ်ကို ပြုပြင်ရတာ ပိုပြီးလွယ်ကူပါတယ်။
သူ့ကို ကိုယ်လိုချင်တဲ့ ပုံစံကိုပြုပြင်ပေးရတာထက် ကိုယ့်ကိုယ်ကို ပုံသွင်းရတာ ပိုလွယ်ကူပါတယ်။
သူများက ကိုယ့်စကားနားထောင်ချင်မှ နားထောင်ပါလိမ့်မယ်။ ကိုယ့်ကိုယ်ကိုကျတော့ ထွေထွေထူးထူး ပြောဆိုချော့မော့နေစရာ မလိုတော့ဘူးလေ။
ဒါကြောင့် လူကောင်းလင်မယား လုပ်မလား၊ လူဆိုးလင်မယားတွေ လုပ်ကြမလားဆိုတာ လင်မယားတွေတိုင်း စဉ်းစားသင့်တဲ့အရာပါ။ ငါမှန်တယ် သူမှားတယ်ချည်း ယူဆနေသေးရင်တော့ ဒီစစ်မြေပြင်ဟာ ပိုမိုဆိုးလာဖို့ပဲ ရှိပါလိမ့်မယ်။ဒီစစ်မြေပြင်ကို ပန်းခြံတစ်ခု အသွင် ပြန်ပြောင်းဖို့ဆိုတာကလည်း တစ်ယောက်တည်းလက်နဲ့ ပြန်လည်ပြုပြင်လို့ မရနိုင်ပါဘူး။
Credit : မနုဿ ရဲ့ စာမျက်နှာလေးများ
No comments:
Post a Comment