"မိဘတွေရဲ့ စည်းမျဉ်းစည်းကမ်းတွေကြောင့် လူသားအရုပ်မလေး ဖြစ်လာခဲ့ရတဲ့ ရုရှားသူ Angelica Kenova"
ခါးကသေးသေး၊ အရုပ်မမျက်နှာလေးနဲ့ မိန်းမပျိုလေးဟာ အားလုံးရဲ့အမြင်မှာတော့ ပြီးပြည့်စုံတဲ့သူလေးတစ်ယောက်ပေါ့။ ဒီလို အရုပ်မလေးတစ်ယောက်လို ဖြစ်နေအောင် သူမ ဘယ်လောက်ကြိုးစားထားရတယ် ဆိုတာတော့ သိချင်မှ သိကြမှာပါ။ ခုလို ခန္ဓာကိုယ် အချိုးအစားရအောင် အစားလျှော့ရတာမျိုး၊ လေ့ကျင့်ခန်းကို မနားမနေ လုပ်ဆောင်တာမျိုးတွေ ရှိနေပါတယ်။ ဒါပေမယ့် ထူးခြားတဲ့အချက်က မိဘတွေကိုယ်တိုင်က ကိုယ့်သမီးလေးကို အရုပ်မလေးလို ဖြစ်အောင် စနစ်တကျ ပြုစုပျိုးထောင်ပေးခဲ့တယ် ဆိုတာပါပဲ။
အသက် ၂၆ နှစ် အရွယ် ရုရှားသူလေး Angelica Kenova ဟာ ခုဆိုရင် လူသားအရုပ်မလေးဆိုပြီး လူသိများကြသလို သူ့ကိုအားပေးကြတဲ့ follower တွေလည်း တော်တော်များများရှိနေပါပြီ။ သူမ ကလေးဘ၀ကတည်းက သူမရဲ့ မိဘတွေဟာ အစားအသောက်ပိုင်းဆိုင်ရာ ထိန်းချုပ်ကန့်သတ်မှုတွေ ရှိခဲ့ပြီး လေ့ကျင့်ခန်းလုပ်ဖို့ တိုက်တွန်းခဲ့ပါတယ်၊ ဒါဟာ ခုလို လူသားအရုပ်မလေး ဖြစ်အောင် သူမကို ပြုစုပျိုးထောင်ပေးခဲ့တာလို့ Daily Mail မှာ ဖော်ပြထားတာ တွေ့ရပါတယ်။
"ကျွန်မ ကလေးဘ၀ကတည်းက ကျွန်မမိဘတွေက အရုပ်မလေးလို ဘယ်လိုစတိုင်ကျကျ နေထိုင်ရမယ်ဆိုတာ သင်ကြားပေးခဲ့တယ်။ ခုလို အရုပ်မလေးလို ပြောဆိုပြုမူနေထိုင်ရတာကိုလည်း ကျွန်မသဘောကျပါတယ်။ ဘာလို့လဲဆိုတော့ အရုပ်မလေးတွေက ကမ္ဘာတစ်ဝှမ်းလုံးက မိန်းကလေးတွေရဲ့ အသည်းစွဲပဲလေ" လို့ သူမကလည်း ပြောသွားပါသေးတယ်။
မိဘတွေရဲ့ တင်းကြပ်တဲ့ စည်းမျဉ်းတွေနဲ့ ကြီးပြင်းခဲ့ရတဲ့ သူမဟာ မိဘတွေ သဘောမတူရင် ရည်းစားမထားပါဘူးဆိုတဲ့ ကတိနဲ့ နေထိုင်ခဲ့ရပြီး ခုထက်ထိလည်း ရည်းစားလုံးဝမရှိဘူးလို့ ဆိုပါတယ်။ ဒါ့အပြင် ဟိုးအရင်ကတည်းက သူငယ်ချင်းတွေနဲ့ အပြင်လျှောက်လည်တာမျိုး မလုပ်ခဲ့ရတာမို့ သာမာန်လူငယ်တွေရဲ့ ဘ၀မျိုးတော့ မပိုင်ဆိုင်ခဲ့ရပါဘူးတဲ့။ အိမ်မှာ မင်းသမီးလေးတစ်ပါး၊ အရုပ်လေးတစ်ရုပ်လို နေထိုင်ရတဲ့ သူမဟာ အပြင်လောကနဲ့ အံဝင်ခွင်ကျတော့ မဖြစ်ဘူးလို့ သူမက ပြောပါတယ်။
အရုပ်မလေးနဲ့ ချွတ်စွပ်တူတဲ့ သူမက ဒီလိုဖြစ်အောင် ပလတ်စတစ်ဆာဂျရီလုပ်တာမျိုး တစ်ခါမှ မရှိခဲ့ဘူးလို့ ဆိုတဲ့အပြင် ပြင်ဆင်ခြယ်သရာမှာ မိတ်ကပ်နဲ့ အလှကုန်တွေသာ သူမသုံးဖြစ်ပါတယ်တဲ့။ ခန္ဓာကိုယ် အဆီလုံးဝ မတက်အောင် အစားအသောက်ပိုင်းကို ဂရုစိုက်ပေးတဲ့ ကိုယ်ပိုင်ထရိန်နာတစ်ယောက် ရှိပြီး လေ့ကျင့်ခန်းပိုင်းဆိုင်ရာရော၊ အဆီချတာ၊ အစားအသောက်ထိန်းတာအားလုံးကို သူက လုပ်ဆောင်ပေးသွားတယ်လို့ သူမက ဖွင့်ဟပါတယ်။
သူမဟာ ခုလက်ရှိမှာ မော်ဒယ်တစ်ယောက်ဖြစ်ပြီး ဘဲလေးအကသမ တစ်ယောက်လည်း ဖြစ်ပါတယ်။ ဒါ့အပြင် သူမဟာ ကလေးစိတ်ပညာရှင် တစ်ယော်ကဆိုရင်လည်း မမှားပါဘူး။
သူမရဲ့ အိပ်မက်တွေထဲမှာ တစ်နေ့ကျရင် ကိုယ်ပိုင်ဘ၀လေးနဲ့ ခုလို မသွားရမလာရ ပိတ်လှောင်ခံထားရသလို နေရတာမျိုးတွေကို စွန့်ပစ်ပြီး လွတ်လွတ်လပ်လပ် နေသွားချင်ပါတယ်လို့လည်း ဖွင့်ဟသွားပါသေးတယ်။
မေသော်
Credit: Trend Myanmar
No comments:
Post a Comment