"အမျိုးသမီးတွေအတွက် အားကောင်းမောင်းသန် ဗလကြီးတွေကို စားပွဲထိုး ခန့်အပ်"
အားကောင်းမောင်းသန် ဗလကြီးတွေကို မြင်တွေ့ပြီးနောက် ရင်ခုန်တတ်သူ အမျိုးသမီးတွေအတွက် သတင်းကောင်းတစ်ခု ပေါ်ထွက်လာခဲ့ပြီ ဖြစ်ပါတယ်။ အဲဒါကတော့ အားကောင်းမောင်းသန် ဗလကြီးတွေကို အနီးကပ်မြင်တွေ့နိုင်တဲ့ အခွင့်အရေး အလွယ်တကူ ရရှိအောင် ပြုလုပ်ပေးထားခြင်း ဖြစ်ပါတယ်။ ဂျပန်နိုင်ငံ၊ တိုကျိုမြို့မှာ ဖွင့်လှစ်ထားတဲ့ ကော်ဖီဆိုင်တစ်ဆိုင်မှာ အမျိုးသမီး စားသုံးသူတွေတွက် ရည်ရွယ်ပြီး စားပွဲထိုးတွေအဖြစ် အားကောင်းမောင်းသန် ဗလကြီးတွေကို ရွေးချယ်ခန့်အပ်ထားပါတယ်။ ဒီအစီအစဉ်ဟာ အောင်မြင်တယ်လို့ ပြောရမှာဖြစ်ပြီး ဆိုင်ဖွင့်ပွဲမှာ အမျိုးသမီးအများအပြား လာရောက်ခဲ့ပြီး ဆိုင်ထဲဝင်ရောက်နိုင်ဖို့ တန်းစီခဲ့ရတယ်လို့ ဆိုပါတယ်။
ကော်ဖီဆိုင်ပိုင်ရှင် ဖြစ်သူက ကော်ဖီတစ်ခွက် ကောင်းကောင်းရဖို့ အကောင်းဆုံး ကော်ဖီစေ့ကို ရွေးချယ်တတ်ကြပေမယ့် ကော်ဖီဆိုင်တွေအတွက် ဗလကောင်းကောင်းနဲ့ အမျိုးသားတွေကို ဘာကြောင့် မရွေးချယ်ကြသလဲဆိုပြီး ပြောကြားကာ မိတ်ဆက်မှု ပြုလုပ်ခဲ့ပါတယ်။ ကြွက်သားအလှ ပေါ်စေမယ့် စွပ်ကျယ်ကိုသာ ၀တ်ဆင်ပြီး အမျိုးသမီးတွေထိုင်တဲ့ ၀ိုင်းတွေမှာ လိုက်လံ ၀န်ဆောင်မှုပေးနေတဲ့ အားကောင်းမောင်းသန် ဗလကြီးတွေကို မြင်တွေ့ရတာ တစ်မျိုး ထူးခြားနေပါတယ်။ အမျိုးသမီးတွေကလည်း သူတို့ ဘေးနားမှာ အားကောင်းမောင်းသန် ဗလကြီးတွေရှိနေတာကို ကျေနပ်တဲ့ပုံစံနဲ့ရှိနေပြီး ရယ်မော ပျော်ရွှင်နေတာ မြင်တွေ့ရပါတယ်။ အားကောင်း မောင်းသန်ဗလကြီးတွေ ကိုယ်ထိုင်နေတဲ့ စားပွဲဝိုင်းကို လာရောက်ဖို့ အတွက် ဈေးကြီးတဲ့ အစားအစာတွေကို မှာကြားဖို့ လိုတယ်လို့ သိရပါတယ်။ ဒီနောက် အားကောင်းမောင်းသန် ဗလကြီးတွေဟာ အစားအစာတွေကို ယူဆောင်လာပြီး ကြွက်သားတွေကို ပြသမှု ပြုလုပ်ပေးပါတယ်။ နောက်ပြီး အားကောင်းမောင်းသန် ဗလကြီးတွေနဲ့ ဓာတ်ပုံ အတူရိုက်ကူးခွင့် ပေးပါတယ်။ ဒါပေမဲ့ ကော်ဖီဆိုင်မှာ အားကောင်းမောင်းသန် ဗလကြီးတွေကို အမြဲတွေ့ခွင့်ရမှာ မဟုတ်ဘဲ အထူး သတ်မှတ်ထားတဲ့ နေ့တွေမှာသာ ရှိနေမှာဖြစ်ပါတယ်။
အေသင်အောင်
Credit: The Messenger
No comments:
Post a Comment