"ထင်မိယောင်မှား ဖြစ်ရပ်များ"

"ထင်မိယောင်မှား ဖြစ်ရပ်များ"

စာရေးချင်စိတ်ကို ချိုးနှိမ်၍မရသည့်အဆုံး အတိတ်မြို့ဟောင်းတစ်နေရာကို ပြန်လည်တူးဖေါ်မိပြန်သည်။
ကျနော့်မှာ အနာဂါတ်ကို ဘာမှပြောပြစရာမရှိ။ ပစ္စုပ္ပန်သည်လည်း မကြာခဏ ချော်လဲနေပြန်သည်။ ဟော ……ကြည့် ……
အတိတ်တွေကရော ချိုနေပြန်လို့လား ………
ကျနော်မပြောတတ်ပါ။ တခုတော့ရှိသည် … ကျနော့်အတိတ်ကာလတို့သည် ထင်မိယောင်မှား ဖြစ်ရပ်များစွာတို့ဖြင့် ကမောက်ကမ ဖြစ်ခဲ့သည်ဟု ဆိုပါလျှင် …………

~~~~~~~~~~~~~~~~~~~~~~~~~~~~~~~~~

တစ်ခုသော သင်္ကြန်ကာလကဖြစ်သည်။
မင်းဘူး၊ ရွှေစက်တော်၊ ကျောင်းတော်ရာ၊ ပုဂံညောင်ဦး၊ ပုပ္ပါး ၄ ညအိပ် ၅ ရက် ခရီးစဉ်အဖြစ် အကြိုနေ့မတိုင်မီညက ပန်းဆိုးတန်း ဂုံးတံတားအောက်မှ ကျနော်တို့ထွက်လာခဲ့ကြသည်။ ဘုရားဖူးယဉ်များစွာ တန်းစီ၍ထွက်ခဲ့ကြသော်လည်း ထောက်ကြံ့တွင် စတင်လမ်းခွဲပါတော့သည်။
ကျနော်တို့အဖွဲ့က ပြည်မှတဆင့် ပုသိမ် မုံရွာလမ်းအတိုင်း မောင်းပြီး ရွှေစက်တော်သို့ဝင်ရန်ဖြစ်သည်။
ခရီးစဉ်သည် အထူးပင်ချောမောလှသည်။ မည်သည့် ခရီးသည်တစ်ဦးမျှ ဂျီတိုက်ခြင်း မရှိ။ လူငယ်အများစု ပါဝင်နေသည်ဖြစ်၍ ကျနော်တို့နှင့် အဖွဲ့ကျနေတော့သည်။

ကျနော်တို့ထံမှ ကွမ်းယာများကို သူတို့မှယူစားကြသည်။ ကျနော်တို့ကိုလည်း ငါးသုံးလုံး စီးကရက်များဖြင့်ပြန်လည် ဧည့်ဝတ်ပြုသည်။ အပေးအယူ အတော့်ကို ညီနေကြလေသည် ။ဤသို့ဖြင့် ရွှေစက်တော်တွင် တစ်ညအိပ်ပြီး နောက်နေ့နံနက်စောစောထ၍ မင်းဘူး စက္ကိန်းတဲ၊ နဂါးပွက်တောင်၊ လယ်ကိုင်းကျောင်းတော်ရာ မှတဆင့် ချောက်မြို့တဖက်ကမ်းသို့ ရောက်ခဲ့ပြန်လေသည်။ ချောက်မှတဆင့် ဇက် ဖြင့်ကူးပြီးလျှင် ပုဂံသို့ ခရီးဆက်ခဲ့ပါတော့သည်။
ဘုရားဖူးယဉ်များ၏ ထုံးစံအတိုင်း …… အချိန်ကို နည်းနည်းလေးမှ မဆိုင်းဘဲ နီးစပ်ရာဘုရားများသို့ ပို့ရလေသည်။

ရောက်သည့်အချိန်က ညနေ ၃နာရီ ကျော်ပြီဖြစ်၍ မနူဟာဘုရား၊ မြစေတီ၊ ဂူပျောက်ကြီး စသည့် လမ်းတလျောက် ဘုရားများကို ဝင်ပေးလိုက်သည်။ ညနေစောင်းသောအခါ လောကနန္ဒာ ဘုရားတွင် အချိန်ကြာကြာပေးလိုက်လေသည်။ ထိုဘုရားရောက်မှ ကျနော်တို့လည်းနားရတော့သည်။

မှောင်စပျိုးပြီဆိုသည်နှင့် လောကနန္ဒာမှသည် တည်းခိုရန်စီစဉ်ထားသော ရွှေစည်းခုံသို့ ပြန်ခဲ့လေသည်။ ဘုရားဖူးများ အလွန်များပြားနေသည်ဖြစ်၍ စောင်းတန်းများ၊ တန်ဆောင်းများ တွင်နေရာမရတော့ပါ။ သစ်ပင်အောက်၊ မြေကြီးပေါ် စသည်ဖြင့် ဖြစ်သလို အခင်းများခင်းလျှက် နေကြရသည် ။
အဓိက ရေပြဿနာဖြစ်သည် ။ လူပေါင်း ၅၀၀ နှင့် ၁၀၀၀ ကြားရှိသော ဘုရားဖူးများအတွက် အညာဒေသမှရေသည် အဖိုးတန်လှပေသည်။
ထို့နောက် ပြဿနာတစ်ခုကား အိမ်သာဖြစ်သည်။ ထိုစဉ်က သစ်သားအိမ်သာများစွာ ဆောက်လုပ်ထားသော်လည်း ဒီလူအုပ်အတွက် မလုံလောက်ပါ။ သို့သော် … တစ်ခါတစ်ရံတွင် ဒုက္ခဟူသည် ပျော်စရာတစ်ခုဖြစ်နိုင်သလို နောင်သောအခါ ရယ်မောဖွယ်ဖြစ်ရပ်များအဖြစ် ပြန်ပြောစရာတစ်ခုပင်။

ကျနော်တို့ညစာစားသောက်ပြီးသည်နှင့် အနားယူအိပ်စက်ပါတော့သည်။ မနက်စောစောထရမည် ဖြစ်သလို ခေါင်းချလျှင် အိပ်ပျော်သောအကျင့်သည်လည်း အတော်ကို နေသားကျနေပြီဖြစ်သည်။ ကျနော် နှစ်ချိုက်စွာ အိပ်ပျော်သွားခဲ့ပါသည်။ ကျနော့် နှိုးစက်နာရီသည် သစ္စာရှိစွာဖြင့် မနက် ၄ နာရီတွင် နှိုးလေသည်။ ထုံးစံအတိုင်း မျက်နှာသစ်၊ ကိုယ်လက်သန့်ပြီးလျှင် အကျင့်လုပ်ထားသည့်အတိုင်း အိမ်သာတက်ရန် ထွက်လာခဲ့တော့သည်။ ဤသို့ အစောကြီးထရခြင်းမှာ ရေချိုးခန်းအိမ်သာ လုစရာမလိုခြင်း၊ သန့်သန့်ပြန့်ပြန့် သုံးရခြင်း စသည်အကျိုးများ ခံစားရသောကြောင့် ဖြစ်လေသည်။
ကျနော် အိပ်ရာထချိန်တွင် ခရီးသည်များမှာ အိပ်ကောင်းတုန်းဖြစ်သည်။ ဘုရားပရဝုဏ်အတွင်း တိတ်ဆိတ်ငြိမ်သက်လျှက် …………
မိမိခြေသံသာ ပြန်ကြားရလောက်အောင်ပင် အရာခတ်သိမ်း အိပ်မောကျနေသည်။

သို့နှင့် မှုန်ဝါးဝါး မီးရောင်လေးကိုအဖေါ်ပြုလျှက် ခြေသံလုံစွာဖြင့် အစွန်ဆုံးအိမ်သာသို့ ချဉ်းကပ်လိုက်ပါတော့သည်။
တစ်ဝက်ခန့်သာ ပိတ်နေသော တံခါးအား ဆွဲဖွင့်လိုက်သည်နှင့် ……………
.
.
.
.
.
.
……… """ အားးးးးးးးးးးး""'' .……

………"""" အားးးးးးးးး"""""…………………

ပထမဆုံးအော်သံဖြစ်သော ""အားးး "" သည် အိမ်သာအတွင်းမှ အမျိုးသမီးတဦး၏ အသံဖြစ်သည်။
ဒုတိယမြောက် ""အားး"" သည် ကျနော်မောင်ဆာမိ၏ အသံဖြစ်လေသည်။
ကျနော်၏ အော်သံ အဆုံးတွင် အိမ်သာထဲမှ လူရိပ်သဏ္ဍန်တစ်ခုပြေးထွက်လာပြီး အမှောင်ထုအတွင်းသို့ တိုးဝင်ပျောက်ကွယ်သွားလေတော့သည်။
မည်သူဟု သေချာစွာမမြင်လိုက်ပါ။ သို့သော် ……… ကျနော်သည်ကား ရင်တုန်ပန်းတုန်ဖြစ်လျှက် ဖုတ်လှိုက် ဖုတ်လှိုက် ကျန်ခဲ့လေတော့သည်။
နောင်သောအခါတွင် ဖြစ်ရပ်အား ပြန်လည်သုံးသပ်သော် ထိုမာတုဂါမသည် ကျနော့်ကဲ့သို့ လူအများအိပ်ရာမထမီ ရေချိုး အိမ်သာတက်ခြင်း ဖြစ်ပေလိမ့်မည်။
တစ်ယောက်တည်းမို့ ကြောက်လန့်ပြီး တံခါးမပိတ်ဘဲ တစ်ဝက်ကို ဖွင့်ထားခဲ့ဟန်တူသည်။
ကျနော်ကလည်း ဒီလိုစောစောစီးစီး မည်သူမျှမရှိနိုင် ထင်မိသဖြင့် တစ်ဝက်ဟနေသော တံခါးအား ဆွဲဖွင့်မိခြင်းဖြစ်လေတော့သည်။
အထက်ပါဖြစ်ရပ်အား ကျနော်သည် မည်သူ့ကိုမျှ မပြောရန်ဆုံးဖြတ်ပြီးလျှင် ၁၄ နှစ်ကာလသို့တိုင် မြိုသိပ်ထားခဲ့ပါတော့သည်။
ယခုသော် ………………

~~~~~~~~~~~~~~~~~~~~~~~~~~~~~~~~~

၂၀၀၀ ခုနှစ်၏ ဖေဖေါ်ဝါရီလဆန်းပိုင်း ~~~
မစုဗိုက်ရှိ (မစ်ဆူဘီရှီ) ဖူဆို ခရီးသည်တင် မော်တော်ယဉ်သည် နေ့လည် (1) နာရီခန့်တွင် ကင်မွန်းစခန်းမှစတင်ထွက်ခွါလာခဲ့သည်။
ရန်ကုန် - ကျိုက်ထီးရိုး-သာမည ခရီးစဉ်သည် ယနေ့တွင် ပြီးဆုံးလေပြီ။ ရန်ကုန်သို့ ပြန်ရန်ဖြစ်ပြီး ခရီးစဉ်တလျှောက် လမ်းကြုံသောဘုရားများကို ဝင်ရောက်ရပ်နားပေးမည် ဖြစ်လေသည်။
မကြာပါ … ကျိုက်ထိုမြို့အတွင်းသို့ဝင်ပြီးလျှင် ကျိုက်ဗောလော မှည့်ရှင်တော်ဘုရားရှေ့တွင် ရပ်နားလိုက်သည်။

ထိုစဉ်က ဘုရားရှေ့တွင် စားသောက်တန်းကြီး ရှိသည်။ ခရီးသည်များအား ဘုရားဖူးရန် ဆင်းစေပြီးနောက် ကျနော်လည်း အအေးဆိုင်တန်းသို့ ထွက်ခဲ့သည်။ ထိုသို့လာရင်း ရန်ကုန်မှ လူကြုံမှာလိုက်သော ဘုရားသမိုင်းစာအုပ်ဝယ်ရန် သတိရသဖြင့် ကျိုက်ဗောလော မှည့်ရှင်တော်ဘုရားဝန်းထဲသို့ ပြန်လှည့်လိုက်ပါတော့သည်။ ကားမောင်းစဉ်က ဝါးလက်စ ကွမ်းယာကို ထွေးပစ်ရန်နှမျောမိသဖြင့် ဆက်၍ငုံထားလိုက်မိသည်။
ထိုကွမ်းယာမထွေးမိသောကြောင့် နောင်ဖြစ်လာမည့် အကြောင်းအရာတို့ကိုမူ ကြိုမသိခဲ့ပါ။ အကယ်၍သာ … သိခဲ့ပါလျှင် …………………

ဘုရားရောက်မှတော့ ကန်တော့ရပါဦးမည်။ ရုပ်ပွားတော်ရှေ့တွင် ဒူးတုတ်ထိုင်၍ ထိခြင်းငါးပါးဖြင့် ကန်တော့ပြီးလျှင် သမိုင်းစာအုပ်ရောင်းသော ကောင်တာဘက်သို့ ထွက်လာခဲ့တော့သည်။
ဘုရားဖူးကားများ ဆုံချိန်ဖြစ်သဖြင့် လူများကျိတ်ကျိတ်တိုး စည်ကားနေသည်။
ကျနော်လည်း လူအုပ်ကြားထဲတိုးဝင်ပြီး စာအုပ်ဝယ်ရန် ဟန်ပြင်လိုက်စဉ် ကျနော့်ပါးစပ်ထဲကွမ်းသွေးများ ပြည့်နေ၍ စကားပြောမရတော့ပါ။ ဘုရားပုရဝဏ်ထဲတွင် မထွေးလို၍ ငုံထားခြဲ့ခင်းလည်း ဖြစ်သည်။ အခုမှကျနော် ဒုက္ခရောက်ပါတော့သည်။
မထူးတော့ပြီမို့ လက်ဟန်ခြေဟန်ဖြင့် ပြောရန် စိတ်ကူးမိသည်။ အင့်အင့် အဲ့အဲ့ အသံပြုလျှက် စာအုပ်ကိုလက်ညှိုးထိုးပြလိုက်သည်။ ပြီးနောက် လက်ညှိုးနှင့် လက်မလေးက်ို ဝိုင်းပြလိုက်မိသည်။
ကံဆိုးပြီထင်၏။ အရောင်းစာရေးမမှာ လူအုပ်ကြားထဲမှကျနော့်ကို မမြင်ပါ။
မြင်သွားသူက အခြားတစ်ယောက်ဖြစ်သည်။ ကျနော်နှင့်တစ်ယောက်ကျော်တွင် ရပ်လျှက် စာအုပ်ရွေးနေသော မာတုဂါမလေး ဖြစ်လေသည်။ အတော်ပင် သနားသွားဟန်ဖြင့် ကျနော့်ကို အကူအညီပေးလေတော့သည်။
စာအုပ်ဈေး မေးပေးသည်။ ထို့နောက် လက်ဟန်ခြေဟန်ဖြင့် ပြန်ပြောပြသည်။ ဘယ်စာအုပ်ယူမလဲဟု လက်ဟန်ခြေဟန်ဖြင့် မေးပြန်သည်။ ကျနော့်ထံမှပိုက်ဆံကိုယူ၍ ငွေရှင်းပေးသည်။ ကျနော် သိလိုက်ပါပြီ။ ထိုသူငယ်မသည် ကျနော့အား ဆွံ့အ နားမကြားသောသူတစ်ဦးဟု ထင်မြင်သွားပါလေပြီ။ ကျနော့်ကိုကြည့်သော သူ့မျက်ဝန်းတွင် ဂရုဏာ အငွေ့အသက်တို့ကို တွေ့ရသည်။
အင်္ဂါအားလုံးစုံပါလျှက် ဆွံ့အ နားမကြားဒုက္ခိတ ဖြစ်နေလေခြင်း ဟုများ သနားနေလေရော့လားမသိ။

ကျနော် ရီချင်နေမိသည်။ ရီ ၍မဖြစ်ပါ။ စေတနာဗလပွဖြင့် ကူညီလေသော မာတုဂါမလေး ရှက်သွားပါလိမ့်မည်။ သူ့စေတနာကို စော်ကားရာကျပေလိမ့်မည်။ ကျနော် ပါးစပ်ပိတ်လျှက် ပြုံးပြ၍ အမြန်ထွက်လာမိသည်။ ခေါင်းညိတ် ခါးညွှတ်၍လည်း ကျေးဇူးတင်ကြောင်း ပြခဲ့ပါသေးသည်။ ကျနော်၏ ခြေလှမ်းများသည် ဘုရားရှေ့မှ အအေးဆိုင်တန်းဆီသို့ အပြေးတပိုင်း လှမ်းလျှက် ………………
~~~~~~~~~~~~~~~~~~~~~~~~~~~~~~~~

"ဟား ဟား ဟား ဟား ဟား ဟား ဖြစ်ရလေ ဆရာရယ် ဟားဟား ဟား"
စပယ်ယာကြွက်နီနှင့် ကားသမားတသိုက် ပတ်တုတ်၍မရအောင် ရီကြသည်။ အအေးများပင်သီးမတတ်။ ကျနော်လည်း မျက်နှာပိုးသပ်မရအောင် ရီမိသည်။ သို့နှင့် …… အားရပါးရ ဟားတိုက်နေခိုက် ဆိုင်ရှေ့မှမြင်ကွင်းကို ကျနော်တွေ့လိုက်ရသည်နှင့် ဆံပင်များ ထောင်ထသွားလေတော့သည်။
ဟုတ်ပါသည်။ ဘုရားသမိုင်းစာအုပ်ဆိုင်မှ ကျနော့်ကိုကူညီလိုက်သော မိန်းကလေး ……
ကျနော်တို့ထိုင်နေသော အအေးဆိုင်ထဲသို့ အဖေါ်တသိုက်ဖြင့် ဝင်လာခဲ့ပါပြီ။ အခုမှတော့ ပြေးချိန်မရတော့ပါ။ ကြွက်နီနှင့် ကားသမားများကို ကမန်းကတန်းရှင်းပြပြီး ပါးစပ်ပိတ်ခိုင်းလိုက်ရသည်။

ဗရုတ်သုတ်ခနိုင်သော ထိုကားသမားတို့မှာ မျက်နှာပိုးသပ်မရ။ သို့နှင့် အလျှို အလျှို ထသွားကြတော့သည်။ ကြွက်နီလည်း ပါးစပ်ကိုပိတ်လျက် ပြေးလေပြီ။ ကျနော်တစ်ဦးတည်းသာ ထမရ ထိုင်မရ အအေးပုလင်းများနှင့်။ ကောင်မလေးမှာ ကျနော့်ကိုမြင်သွားလေပြီ။ ပြန်တွေ့သောကြောင့် အံ့သြဟန်ဖြင့် မျက်ခုံးပင့်ပြလျှက် စတင်ပြုံးပြလေတော့သည်။
ထို့နောက် မာတုဂါမလေးမှ အအေးသောက်ရန် လက်ဟန်ခြေဟန်ဖြင့် ဧည့်ဝတ်ပြုသည်။ ကျနော် ကိုယ့်လျှာကို ပြန်ကိုက်ထားရသည်။
ရီချင်စိတ်သည် လှိုက်၍ လှိုက်၍ တက်လာလေပြီ။ ရီ၍မဖြစ်ပါ။ တစ်စုံတစ်ဦး၏ စေတနာဖြင့် လွဲချော်မှုအား လှောင်ပြောင်သလိုဖြစ်သွားပါလျှင် တသက်ပတ်လုံး ရှက်နေပါလိမ့်မည်။ ကျနော် အတတ်နိုင်ဆုံး ဆွံ့အ နားမကြားသူအဖြစ် ဟန်ဆောင်ရပါတော့မည်။
သို့မှသာ ထိုမိန်းကလေး၏ စေတနာအား လေးစားရာ ရောက်ပေလိမ့်မည်။

ကျနော်လည်း လက်ဟန်ခြေဟန်ဖြင့် မသောက်လိုတော့ကြောင်း၊ သောက်ပြီးဖြစ်ကြောင်း၊ ကျေးဇူးတင်ပါကြောင်း …… အင့်အင့် အဲ့အဲ့ အသံများပြုလျှက် ………
ကျနော့်မျက်နှာသည်လည်း အနည်းငယ်တော့ နီနေမည်ထင်၏။
မိန်းကလေးမှဆက်လက်ပြီး ဘုရားဖူးလာတာလားဟု လောကဝတ်အဖြစ် မေးပြန်သည်။
ကျနော်ကလည်း လက်နှက်ဖက်ကို စီယာတိုင်ကိုင်ပြီး ကားမောင်းဟန်ပြု၍ ပါးစပ်မှ ဘူးးး ဘူးးးးး ဟု အသံထွက်ပြလိုက်သည်။
ကောင်မလေးမှ ပါးစပ်အဟောင်းသားဖြင့် ထပ်မံပြီးအံ့သြသွားဟန်ပြုလေသည်။
သြော် …………… ဆွံ့အ နားမကြားလည်း ကားမောင်းတတ်သကိုးးးး ဟု တွေးနေမည်ထင်၏။

ဒီပုံအတိုင်းဆို ကြာလာလျှင် အလိမ်ပေါ်တော့မည်။ ထို့ကြောင့် ကျနော် အအေးဖိုးရှင်း၍ နှုတ်ဆက်ပြီး ထွက်လာခဲ့တော့သည်။
ကြွက်နီနှင့်ကားသမားတစ်စုသည် ကျနော့်အား သတင်းမေးရန် စောင့်နေကြသည်။ ကျနော်ပြောပြပြီးသည့်နောက် ဗိုက်နှိတ်၍ ရီကြပြန်သည်။ မကြာမီပင် အခြားကားများထွက်ရန် လူစုပါတော့သည်။
ကျနော်ရပ်နေသောနောက်နားမှ အမျိုးသမီးတစ်စု၏ အသံကို ကြားလိုက်ရသည်။ ကျနော်လှည့်မကြည့်ပါ။
ကျနော်သည် ယခုအခါတွင် နားမကြားသောသူတစ်ဦးဖြစ်နေပါသည်။

" ……… ဟယ် မထင်ရဘူးနော် …… သနားပါတယ်…"
".…… ဘဝကိုတော့ အရှုံးမပေးဘူးနော် … ဒုက္ခိတပေမယ့် ကားမောင်းပြီး လုပ်ကိုင်စားတာပဲ…"
"………… နင်တို့ကလည်းဟယ် …… စကားမပြောတတ်တာနဲ့ နားမကြားရုံလေးပါ ကျန်တာ အကောင်းကြီးရှိပါသေးတယ် ခစ်ခစ် …………… "
".…… ×××××××××××××××××××× ……………… ××××××××××……… "
" ……… ++++++++++++++ ……………………… ++++++++++ ………"

ဤသို့ဖြင့် ………………
တစ်ခါက ကျနော်သည် ဆွံ့အ နားမကြားသူတစ်ဦး ဖြစ်ခဲ့ဖူးပါသည်။


## အခွင့်သင့်ပါက ဆက်လက်ဖေါ်ပြပါဦးမည် ##

လေးစားလျှက်
မောင်ဆာမိ
~~ ပန်းချီပညာရှင် ပီကာဆို၏ ပုံကို ကူးယူထည့်သွင်းဖေါ်ပြထားပါသည် ~

lutawlupyaw