" ရွေးချယ်ခွင့်နဲ့ရပိုင်ခွင့် "
ဗုဒ္ဓဘာသာဟာ တကယ်တော့ ရွေးချယ်ပိုင်ခွင့်ရှိတဲ့ ဘာသာပါ။ ပြီးတော့ အဲဒီ ရွေးချယ်မှုကိုလည်း ကိုယ်ကိုယ်တိုင်ပဲ ရယူခံစားနုိုင်တာ ဖြစ်ပါတယ်။ ဗုဒ္ဓဘာသာမှာအမိန့်ပေးပြီး ပြဋ္ဌာန်း သတ်မှတ်ထားတာ မရှိပါဘူး။ ကြောင်းကျိုးဆက်စပ်ပြထားတာပဲ ရှိပါတယ်။ ဘုရားရှင် ကိုယ်တိုင်လည်း ဘာလုပ်ပေးမယ်၊ ဘယ်လိုကယ်တင်ပေးမယ်၊ ဘယ်လုို ဖန်တီးပေးမယ်ဆိုတဲ့ ကယ်တင်ရှင်မျိုး မဟုတ်ဘဲ ဒီလိုလမ်းမျိုးရှိတယ်၊ ဒါကိုရွေးချယ်ရင် ဒီလိုဆိုးကျိုးရှိပြီး ဒါကိုရွေးချယ်ရင်တော့ ဒီလိုကောင်းကျိုးတွေ ရနိုင်တယ်ဆိုတဲ့ မှန်ကန်တဲ့ လမ်းကို ညွန်ပြပေးတော်မူတဲ့ လမ်းညွန်ပဲ ဖြစ်ပါတယ်။
လမ်းညွန်မှုကို ခံယူပြီး ရွေးချယ်မှု အပိုင်းကတော့ ကိုယ်ရဲ့ဆုံးဖြတ်ချက်ပဲ ဖြစ်ပါတယ်။ အဲဒီလို ဆုံးဖြတ်ချက်နဲ့ ရွေးချယ်ပြီးရင်လည်း ဒီသက်ရောက်မှုကတော့ ကိုယ့်ထံကုိုပဲ ရောက်ရှိလာမှာ ဖြစ်ပါတယ်။ ဒါကလည်း ဘယ်သူကမှ ပြဋ္ဌာန်းသတ်မှတ်ပေးလို့မဟုတ်ဘဲ ကိုယ်ကိုယ်တုိုင်ရဲ့ ရွေးချယ်မှုကြောင့်ပဲ ဖြစ်ပါတယ်။ ဒါကြောင့် ရွေးချယ်မှုဟာသိပ်ကုို အရေးကြီးတယ်လုို့ ဆုိုတာ ဖြစ်ပါတယ်။
ဒီလုိုရွေးချယ်မှုဟာ အရေးကြီးတဲ့အတွက် ရွေးချယ်မှု မှန်ကန်ဖုို့လည်းလုိုလာပြန်ပါတယ်။ ရွေးချယ်မှုမှန်ကန်ဖုို့အတွက် အမှန်ကုို မြင်တတ်ဖုို့လည်း လုိုလာပြန်ပါတယ်။ အဲဒါကုို ဗုဒ္ဓဘာသာမှာတော့ သမ္မာဒိဋ္ဌိလုို့ ခေါ်ပါတယ်။ မှန်ကန်တဲ့ အမြင်ရှိဖုို့အတွက် ပညာရှိဖုို့လည်း လုိုပါတယ်။ အဲဒီပညာက သစ္စာကုို သိနုိုင်တဲ့ ပညာပဲ ဖြစ်ပါတယ်။
ဒါကုို မြတ်ဗုဒ္ဓက ဆင်းရဲကြောင်း အမှန်တရားကို သိနုိုင်တဲ့ပညာ၊ ဆင်းရဲဖြစ်ကြောင်း အမှန်တရားကို သိနုိုင်တဲ့ပညာ၊ ဆင်းရဲ ချုပ်ရာ အမှန်တရားကိုသိနုိုင်တဲ့ပညာနဲ့ ဆင်းရဲချုပ်ရာသုို့ သွားရာလမ်းမှန်ကုို သိနိုင်တဲ့ ပညာလုို့ ညွန်ပြတော်မူပါတယ်။ ဒီလုို ပညာမျိုးရှိမှပဲ စစ်မှန်တဲ့ အမြင်မှန်မှုလုို့ ဆုိုနုိုင်တာ ဖြစ်ပါတယ်။ ဒီအမြင်ဟာရွေးချယ်မှုအတွက် အရေးကြီးဆုံးနဲ့ အခြေခံအကျဆုံးပဲ ဖြစ်ပါတယ်။
နောက် ရွေးချယ်မှုအပိုင်းမှာ အရေးကြီးတဲ့အချက်တစ်ခုက ကိုယ့်ရဲ့ အလုပ်တွေမှာ တာဝန်ယူနိုင်မှုပဲ ဖြစ်ပါတယ်။ ကိုယ့်ရဲ့ အကောင်းအဆိုးအလုပ်တွေဟာ ကိုယ့်ရဲ့ ပုံဖော်မှုပဲဆုိုတဲ့ အချက်ဖြစ်ပါတယ်။ စာလုိုပြောတော့ ကမ္မဿကတာသမ္မာဒိဋ္ဌိပါပဲ။ ကံသာလျှင် မိမိရဲ့ ကိုယ်ပိုင်ဖြစ်တယ်လုို့ အမှန်အတုိုင်း မြင်ခြင်းပဲဖြစ်ပါတယ်။
ဒီစကားရပ်က ကိုယ်လုပ်တဲ့ အလုပ်၊ ကုိုယ်ရွေးချယ်တဲ့ ရွေးချယ်မှုတွေဟာ ကိုယ်အပေါ်မှာပဲ သက်ရောက်စေပြီး အကောင်းအဆိုး ခံစားမှုကို ဖြစ်စေကြောင်း ဖော်ညွန်းချက်တစ်ခုပဲ ဖြစ်ပါတယ်။ ကိုရွေးချယ်ပြီးလုပ်တဲ့ အလုပ်ဟာ မှားရင်လည်း အဲဒီအမှားရဲ့ သက်ရောက်မှု၊ မှန်ရင်လည်း အဲဒီအမှန်ရဲ့ သက်ရောက်မှုကို ကိုယ်ကိုယ်တုိုင်ပဲ ရပုိုင်ခံစားခွင့် ရှိတဲ့သဘောမျိုးပဲဖြစ်ပါတယ်။
ဆိုတော့ကား ဗုဒ္ဓဘာသာ ရှုထောင့်ကပြောရင် သတ္တဝါတိုင်းဟာ လွတ်လပ်တဲ့ ရွေးချယ်ပိုင်ခွင့်ရှိပြီး အဲဒီ ရွေးချယ်မှုရဲ့ သက်ရောက်မှုကုိုလည်း ကိုယ်ကုိုယ်တုိုင် ရရှိခံစားနုိုင်တာ ဖြစ်တဲ့အတွက် အကောင်းရွေးမလား၊ အဆိုးရွေးမလား ဆုိုတာဟာ ကိုယ့်အပေါ်မှာပဲ မူတည်နေတော့တာ ဖြစ်ပါတယ်။ အဲ ရွေးချယ်ပြီးရင်လည်း တာဝန်ယူမှုကို ကုိုယ်ကပဲ ပြုလုပ်ရမှာဖြစ်ပါတယ်။
ဒါကြောင့် ကုိုယ်ဘာရွေးပြီး ဘာယူမယ်ဆုိုတာကို သိဖုို့အတွက် ပညာကုို အသုံးချရင်း အမှန်ရွေးပြီး အမှန်ယူနုိုင်အောင်ကြိုးစားကြရမှာ ဖြစ်ပါတယ်။ အရွေးမှားရင် နိဗ္ဗာန်ကနေ အဝေးသွားတတ်ပြီး အရွေးမှန်မှ နိဗ္ဗာန်ကုိုမနှေးအမြန် နီးစေနိုင်မှာ ဖြစ်တဲ့အတွက် မှန်ကန်တဲ့ ရွေးချယ်မှုနဲ့ မှန်ကန်တဲ့ ရယူမှုကုို အမှန်အသိ ဉာဏ်နဲ့ညှိကြဖုို့ပဲ ဖြစ်ပါတယ်။
မနာပဒါယီ အရှင်ဝိစိတ္တ(ဒိုက်ဦး)
lutawlupyaw
No comments:
Post a Comment