Monday, April 27, 2015

"အတူငိုကြွေးဖူးတဲ့ သူငယ်ချင်းတွေဟာ တစ်သက်လုံးစာ အချစ်ဆုံး သူငယ်ချင်းတွေ ဖြစ်လာ"

"အတူငိုကြွေးဖူးတဲ့ သူငယ်ချင်းတွေဟာ တစ်သက်လုံးစာ အချစ်ဆုံး သူငယ်ချင်းတွေ ဖြစ်လာ"

သူငယ်ချင်းကောင်းတစ်ယောက် ရဖို့ဆိုတာ သူနဲ့အတူ အချိန်တွေအတူတူ ကုန်ဆုံးဖူးရမယ်။ အတွေ့အကြုံ၊ ခံစားချက်တွေ ဝေမျှဖူးရမှာပေါ့။ လေ့လာတွေ့ရှိချက် အသစ်အရတော့ သူငယ်ချင်းကောင်း တစ်ယောက်ဆိုတာ ကိုယ့်သူငယ်ချင်းနဲ့အတူ ငိုကြွေးဖူးသူ ဖြစ်ရပါမယ်တဲ့။ ဒါဟာ အရင်းနှီးဆုံး သူငယ်ချင်းဖြစ်ဖို့လည်း အဓိက အချက်တစ်ချက် ဖြစ်တယ်လို့လည်း သိရပါတယ်။

Journal of Social and Clinical Psychology မှာ ဖော်ပြထားတာကတော့ သုတေသနတစ်ရပ်ပြုလုပ်ဖို့ နိုင်ငံပေါင်း ၃၅ နိုင်ငံက အမျိုးသား ၂၁၈၁ ယောက်နဲ့ အမျိုးသမီး ၂၉၁၅ ယောက် တို့ဆီက အချက်အလက်တွေ စုဆောင်းခဲ့တာပါ။ အဲ့ဒီကရတဲ့အဖြေကတော့ သူငယ်ချင်းနှစ်ယောက် အကြောင်းအမျိုးမျိုးကြောင့် အတူငိုကြွေးခဲ့ဖူးသူတွေဟာ တစ်ဦးနဲ့တစ်ဦး ပိုချစ်ခင်ရင်နှီးကြပါတယ်တဲ့။

"သူငယ်ချင်းတွေဟာ ငိုကြွေးရင်း သူတို့အတွေ့အကြုံတွေကို ဝေမျှကြမယ်။ တစ်ယောက်နဲ့တစ်ယောက် အားပေးနှစ်သိမ့်ကြမယ်။ နှစ်ဦးစလုံး ခံစားနာကျင်နေကြရမယ်ဆိုရင်တောင် တစ်ဦးနဲ့တစ်ဦး ဖြေသိမ့်ပေးခြင်းကနေ နားလည်မှုတစ်ခု ရသွားတတ်ပါတယ်။ သံယောဇဉ်လည်း ပိုတွယ်သွားတတ်ကြတယ်" လို့ Elite Daily မှာ ဖော်ပြထားပါတယ်။

အထူးသဖြင့် အမျိုးသမီးတွေဟာ အဲ့ဒီလိုအချိန်တွေမှာ ခံစားချက်ချင်း ဖလှယ်ရာကနေ ပိုရင်းနှီးသွားတတ်ကြတယ်လို့ သိရပါတယ်။

 
ဟန်နီ
Credit: Trend Myanmar



Lutaw Lupyaw

No comments:

Post a Comment