"ဘဝင်မမြင့်ဘဲ ဘဝမှာ တစ်သမတ်တည်း ရပ်တည်နိုင်ဖို့"

"ဘဝင်မမြင့်ဘဲ ဘဝမှာ တစ်သမတ်တည်း ရပ်တည်နိုင်ဖို့"

အောင်မြင်နေတဲ့သူတွေဟာ ဘဝကို ရည်ရွယ်ချက်ကြီးကြီး စိတ်ဓါတ်ခိုင်ခိုင်မာမာနဲ့ ကြိုးစားရုန်းကန် ခဲ့ကြသူတွေပါ။ ဒီလိုအရည်အချင်း၊ ခံယူချက်တွေနဲ့ အောင်မြင်လာကြသူတွေပေမယ့်လည်း သူတို့အောင်မြင်လာတာနဲ့ ဘဝင်စိတ်ကလေးက ကပ်လျက် ပါလာတတ်ကြပါတယ်။ သူတို့ဖြတ်သန်းလာတဲ့ ဘဝလမ်းတစ်လျှောက် ကူညီဖေးမသူတွေကို အဖက်မလုပ်ချင် ကြတော့တာမျိုး၊ အပေါ်ယံ ဂုဏ်ဒြပ်တွေကို အလေးထားလွန်းပြီး တကယ့်တန်ဖိုးထားရမယ့် ဘဝတန်ဖိုးတွေ၊ အနှစ်သာရတွေ ပျောက်ဆုံး ကုန်ပါတော့တယ်။ ဒါဟာ အန္တရာယ် ကြီးလွန်းလှပါတယ်။

ဒါပေမယ့် အောင်မြင်နေတဲ့ လူတိုင်းတော့ ဒီလိုမျိုး မဟုတ်ကြပါဘူး။ အချို့လူတွေကတော့ ဘယ်လောက်ပဲ အောင်မြင်နေပါစေ ဘဝကို ရိုးသားနှိမ့်ချစွာ ရပ်တည်နေကြသူတွေလည်း ရှိပါတယ်။

အောက်ဖက်မှာတော့ လက်ရှိအောင်မြင်မှုကို ရေရှည် ထိန်းသိမ်းထားနိုင်ဖို့ သတိထားလိုက်နာသင့်တဲ့ အချက်လေးတွေကို မျှဝေပေး လိုက်ရပါတယ်။

၁။ အောင်မြင်မှုဆိုတာ မတည်မြဲပါဘူး – ဒါကြောင့် လက်ရှိအောင်မြင်မှုတွေ အပေါ်မှာ သာယာမနေပါနဲ့။ ဒီလောက် အပြိုင်အဆိုင်များတဲ့ ခေတ်ကြီးမှာ သတိတစ်ချက် လွတ်လိုက်တာနဲ့ တပြိုင်နက် ပြိုလဲသွားနိုင်တယ်ဆိုတာ သတိရပါ။

၂။ တစ်ကိုယ်ကောင်းဆန်စိတ်၊ ကိုယ့်အတ္တစိတ်တွေကို အရောင်မဆိုးပါနဲ့။ အခြားသူတွေနဲ့ ယှဉ်ပြိုင်နေဖို့ မလိုပါဘူး။ ကိုယ်ကိုယ်ကိုပဲ မနေ့ကနဲ့ ဒီနေ့ နှိုင်းယှဉ် သုံးသပ်ပါ။

၃။ အမြဲလေ့လာ သင်ယူနေပါ။ ကိုယ့်ကိုယ်ကို အမြဲသုံးသပ်ပြီး ကိုယ်မသိတဲ့ အရာတွေအတွက် လေ့လာ ဆည်းပူးနေပါ။ ဒီလိုလေ့လာနေခြင်းတွေက အောင်မြင်မှုကို ရေရှည် ထိန်းသိမ်းထားနိုင်ပါတယ်။

၎။ ကိုယ်ဘာကိုမှ မပြောရသေးခင် အခြားသူတွေရဲ့ ထင်မြင်ယူဆချက်တွေကို ဂရုတစိုက် မေးမြန်းနားထောင်တတ်ပါ။ ဒါဟာသင့်အတွက် အကျိုးမယုတ်စေပါဘူး။

၅။ ဘယ်သူမှ ပြီးပြည့်စုံနေတယ်ဆိုတာ မရှိပါဘူး။ မှားတဲ့အခါ ချက်ချင်းတောင်းပန်ဖို့ ဝန်မလေးပါနဲ့။ သူတစ်ပါးအပေါ် အပြစ်ပုံချခြင်းတွေနဲ့ ဆင်ခြေပေးခြင်းတွေက ဘဝအတွက် ဘာမှ အကျိုးမထူးစေပါဘူး။ ဒါကြောင့် ကိုယ့်မာန်မာနကိုယ် နှိမ့်ချပြီး အတတ်နိုင်ဆုံး အကောင်းဘက်က ရပ်တည်ပါ။

၆။ အောင်မြင်လာတဲ့အခါ ကိုယ့်ပတ်ဝန်းကျင်က လူတွေနဲ့ မျှဝေခံစားပါ။ အောင်မြင်တယ်ဆိုတာ ပတ်ဝန်းကျင်ရဲ့ အားပေးကူညီမှုတွေ အများကြီး ပါဝင်ပါတယ်။ ဒါကြောင့် ကိုယ်အောင်မြင်တဲ့အခါ အခြားသူတွေရဲ့ အခန်းကဏ္ဍတွေကို အသိအမှတ်ပြုတတ်ပါ။ အောင်မြင်မှုဆီ ကိုယ်နဲ့အတူ လက်တွဲခေါ်ဆောင်ပါ။

၇။ ကိုယ့်ဘဝကို မမေ့ပါနဲ့။ ကိုယ်ဘယ်လိုဘဝမျိုးက လာတယ်ဆိုတာကို မမေ့ပါနဲ့။ ကိုယ်ဘဝတစ်လျှောက်လုံး ကြုံတွေ့ခဲ့ရတဲ့ အတွေ့အကြုံတွေကနေ ကိုယ့်ထက် နိမ့်ပါးသူတွေကို ကူညီလမ်းပြပေးပါ။

၈။ ကိုယ့်ကိုယ်ကို နှိမ့်ချပါ။ လူတိုင်းမှာ သူ့တန်ဖိုးနဲ့သူ ရှိကြတာမို့ လေးလေးစားစား ဆက်ဆံသင့်ပါတယ်။ အောင်မြင်နေတာနဲ့ပဲ အခြားလူတွေထက် အစစအရာရာ သာနေတယ်လို့ ထင်ရင် မှားသွားပါလိမ့်မယ်။

၉။ ကြွားဝါခြင်းက ရုပ်ဆိုးအကျည်းတန် လှပါတယ်။ ကိုယ်ကအဓိပ္ပါယ် မရှိတာတွေ ကြွားဝါနေချိန်မှာ တစ်ချို့လူတွေဟာ ဘဝကို ပင်ပန်းကြီးစွာ ရုန်းကန်နေရတာမျိုး ဖြစ်နိုင်ပါတယ်။ ဒါကြောင့် ရည်ရွယ်သည်ဖြစ်စေ၊ မရည်ရွယ်သည်ဖြစ်စေ သူတစ်ပါး စိတ်ခံစားမှုတွေကို ထိခိုက်စေမယ့် ကြွားဝါခြင်းမျိုး ရှောင်ရှားသင့်ပါတယ်။

ဒီအကြောင်းနဲ့ ပတ်သက်ပြီး ဂျွန်ဝူးဒမ်း (John Wooden) က

“တစ်ခုခုကို ကျွမ်းကျင်တဲ့ ပါရမီကို ဘုရားသခင်က လက်ဆောင်ပေးခဲ့တာ၊ အောင်မြင်ကျော်ကြား မှုဆိုတာ အားပေးချီးမြှောက်မှုရဲ့ ရလာဒ်မို့ တန်ဖိုးထားတတ်ပါ။ ဘဝင်မြင့် ကြွားဝါချင်တဲ့စိတ်ကတော့ ကိုယ်တိုင်ဖန်တီးတဲ့ အရာမို့ အထူးဂရုပြုရမှာပါ။” ဆိုပြီး ပြောခဲ့ပါသေးတယ်။

ကိုယ့်ကိုယ်ကိုယ်နှိမ့်ချခြင်းက ရှက်စရာအပြုအမူမဟုတ်ပါဘူး တကယ်တော့ အောင်မြင်မှုကို ထိန်းသိမ်းဖို့အတွက် အကောင်းဆုံး အထောက်အပံ့သာလျှင် ဖြစ်ပါတယ်။


ဂန္တဝင် မဂ္ဂဇင်း

Lutaw Lupyaw