"ဒုတိယအချက်"
(ရွံရှာတတ်သူများ၊ ကြောက်လန့်တတ်သူများနှင့် ဆေးကျောင်းသားများ မဖတ်ရ)
မယုံမရှိကြနဲ့။ ဆေးကျောင်းသားဆိုတဲ့ သူတွေဟာ အင်မတန့်ကို ရည်ရွယ်ချက်ကြီးပြီး သူတို့လိုချင်တဲ့ပညာတစ်ခု ရဖို့ဆို ဘာမဆို လုပ်ဝံ့တဲ့ ဇွဲ၊ လုံ့လ ရှိတဲ့သူတွေပါ။ ဒါကိုက သူတို့ရဲ့ အားနည်းချက်လို့ ဆိုရမလားပဲ။
ရင်ခွဲရုံမှာ ပထမဦးဆုံး လက်တွေ့ဆင်းရတဲ့ နေ့တစ်နေ့ပေါ့။ ကျောင်းသားကျောင်းသူတွေ အားလုံးကလည်း ခွဲရစိတ်ရတော့မယ်ဆိုတော့ တအားကိုပဲ ပျော်ကြ ရွှင်ကြ စိတ်အား ထက်သန်နေကြတာပေါ့။ သူတို့ တစ်ဖွဲ့သားလုံးရဲ့ ရှေ့မှာလည်း ခွဲစိတ်ခံမယ့် အလောင်းကောင်ကြီးက မလှုပ်မယှက် ငြိမ်သက်လို့။
အားလုံး လိုက်လုပ်ရမယ့် လက်တွေ့သင်ခန်းစာ မစခင်မှာ ပရော်ဖက်ဆာက ကျောင်းသားအားလုံး သိရမယ့် အချက်နှစ်ချက်ကို အသေးစိတ်ရှင်းပြပါတယ်။
“ပထမ အချက်အနေနဲ့…… အဟမ်း အဟမ်း……”
ကျောင်းသာတွေရဲ့ အာရုံစူးစိုက်မှုရအောင် တစ်ချက်ဝေ့ကြည့်လိုက်ပြီးမှ လေးလေးပင်ပင်နဲ့……
“ရင်ခွဲရုံမှာ ခွဲတော့ စိတ်တော့မယ်ဆိုရင်… မင်းတို့မှာ... ရွံတတ်တဲ့စိတ် ရှိလို့ လုံးဝမဖြစ်ဘူး”
ဒီစကားကို လက်ညှိုးတစ်ထောင်ထောင်နဲ့ ပြောနေရင်း… ရုတ်တရက်ဆိုသလိုပဲ သူ့လက်ကို မသာကောင်ကြီးရဲ့ စအိုထဲကို ကောက်ကာငင်ကာ နှိုက်ထည့်လိုက်ပြီး သူ့ရဲ့လက်ကို ပြန်ထုတ်… ပါးစပ်နဲ့ စုပ်ပြလိုက်ပါတော့တယ်။
“အီးးးးးးး”
“အူးးးးးးး”
“အိုးးးးးးး”
ကြည့်နေကြတဲ့သူတွေအားလုံး လန့်ဖြန့်ကုန်တော့တာပေါ့။ ကျောင်းသားတွေဆီက အာမေဋိတ်သံတွေ ထွက်လို့ မဆုံးခင်မှာတင်ပဲ ဆရာက…
“ကဲ… အားလုံးမြင်ပြီးကြတဲ့အတိုင်း မင်းတို့တွေ ဆရာဝန် ဖြစ်ချင်တယ်ဆိုရင်တော့… ဆရာလုပ်ပြတဲ့အတိုင်း လိုက်လုပ်ကြပေတော့”
မယုံမရှိကြပါနဲ့။
'ဆရာဝန်ဖြစ်ချင်တယ်ဆိုရင်' ဆိုတဲ့ စကားဟာ အတော့်ကိုပဲ ‘တာ’ သွားပါတယ်။ စောစောတုန်းက 'ဟင်' ရယ် 'ဟယ်' ရယ် လုပ်နေကြတဲ့ ကျောင်းသားတွေဟာ အဲဒီ မသတီစရာ အပုတ်ကောင်ကြီးကို ဘယ်လိုမှ ရွံရှာမနေနိုင်တော့ပါဘူး။
လက်ညှိုးလေးကိုထောင်… အပေါက်ကလေးထဲကိုထည့်… ပြီးတော့ "ပြွတ်" ကနဲ မြည်အောင် စုပ်။
ဒီအတိုင်း ကျောင်းသားရော ကျောင်းသူပါမကျန် တလှည့်စီ လိုက်လုပ်ကြပါတော့တယ်။
အားလုံး လက်တွေ့လုပ်ပြီးသွားတဲ့အခါမှာတော့ ပရော်ဖက်ဆာက ကျန်ရှိနေသေးတဲ့ တစ်ချက်ကို ဆက်ပြီး ပို့ချတာပေါ့။
“ဒုတိယအချက်ကတော့... ပိုပြီး အရေးပါတဲ့အပြင် အတွေ့အကြုံ မရှိသေးသူများအဖို့ လိုက်လုပ်ဖို့ အင်မတန်မှပဲ ခဲယဉ်းတယ်။ အဲဒီအချက်က ဘာလဲဆိုတော့… မျက်စိလျင်လျင်ထားပြီး စူးစမ်းလေ့လာတတ်ဖို့ပါပဲ။”
“အခုနတုန်းက… ဆရာ မင်းတို့ရှေ့မှာ နှိုက်ပြတဲ့လက်က လက်ခလယ်ဖြစ်ပြီး… ပါးစပ်ထဲကိုတော့ လက်ခလယ် မဟုတ်ဘဲ လက်ညှိုးကို ထည့်ပြတာ ဖြစ်ပါတယ်။ ဆရာလိုက်ကြည့်ရသလောက်… ဒီအချက်ကို ဘယ်ကျောင်းသားမှ သတိမမူမိလိုက်ကြပါဘူး…”
“တိန်…”
Credit: ကိုလူထွေး
No comments:
Post a Comment