"ကော်ဖီသောက်သုံးခြင်းက ရင်သားကို ပိုသေးသွားစေကြောင်း တွေ့ရှိ"
ကော်ဖီအများအပြား သောက်သုံးခြင်းက အမျိုးသမီးတစ်ယောက်ရဲ့ ရင်သား အရွယ်အစားကို သေးသွားစေကြောင်း ဆွီဒင်သုတေသနပညာရှင်တွေက ရှာဖွေ တွေ့ရှိခဲ့ပါတယ်။
ယခုသုတေသနကို ဦးဆောင်သူ၊ ကင်ဆာသုတေသန ပညာရှင် Helena Jernstroem ဟာ ရင်သားကြီးတဲ့ အမျိုးသမီးတွေနဲ့ ရင်သားကင်ဆာဖြစ်နိုင်ခြေ မြင့်မားမှု ဆက်စပ်ပုံကို လေ့လာနေခဲ့တာဖြစ်ပြီး ကော်ဖီနဲ့ ရင်သားအရွယ်အစားတို့အကြား ဆက်စပ်မှုကို တွေ့ရှိခဲ့တာ ဖြစ်ပါတယ်။ တွေ့ရှိချက်အရ တစ်နေ့ကို ကော်ဖီ သုံးခွက်ထက် ပိုသောက်တတ်တဲ့ အမျိုးသမီးတွေဟာ ရင်သားကင်ဆာ ဖြစ်နိုင်ခြေ ကျဆင်းသွားကြောင်း ဆက်စပ် တွေ့ရှိခဲ့ရပါတယ်။
အမျိုးသမီးပေါင်း ၂၇၀ ဦးကို ပြုလုပ်ခဲ့တဲ့ သုတေသနမှာ ကော်ဖီကြိုက်သူ အမျိုးသမီးတွေရဲ့ ထက်ဝက်လောက်မှာ ရင်သားအရွယ်အစား သေးငယ်သွားမှုကို ဖြစ်ပေါ်စေတဲ့ မျိုးဗီဇတစ်မျိုး ပါရှိနေကြောင်း တွေ့ရှိခဲ့ပါတယ်။ “ကော်ဖီ တစ်နေ့ သုံးခွက်လောက် သောက်တတ်တဲ့ အမျိုးသမီးတွေမှာ ရင်သားက ပိုသေးသွားနိုင်ပေမယ့် ရင်သားတွေ လုံးဝမရှိတော့တာမျိုးတော့ မဖြစ်နိုင်ပါဘူး” လို့ Jernstroem က အခိုင်အမာ ပြောကြားခဲ့ပါတယ်။
ဒါပေမယ့် ကော်ဖီကြိုက်သူ အမျိုးသမီးတွေအတွက် သတင်းကောင်းတစ်ခုကတော့ ကဖင်းဓာတ်ကို ပုံမှန်ရနေခြင်းက ရင်သားကင်ဆာ ဖြစ်နိုင်ခြေ အန္တရာယ်ကို လျှော့ချနိုင်ကြောင်းကိုလည်း သုတေသနပညာရှင်တွေက တွေ့ရှိခဲ့ပါတယ်။
ye wint
Credit: Trend Myanmar
No comments:
Post a Comment