"သင့်ရဲ့ မဖြစ်နိုင်တဲ့ မျှော်လင့်ချက်တွေဟာ သင့်ကို တစ်ကိုယ်တည်းသမား ဖြစ်စေတာ"
လူတစ်ယောက်ကို အများကြီး မျှော်လင့်လို့ မရပါဘူး။ နောက်တစ်ချက် အစကတည်းက သင့်နဲ့မလိုက်မဖက်၊ မှားယွင်းစွာ ရွေးချယ်ထားမိတဲ့ သူတစ်ယောက်ကို လူကောင်းတစ်ယောက် ဖြစ်လာအောင်၊ သင်နဲ့ အံဝင်ခွင်ကျ ဖြစ်လာအောင် ကြိုးစားခြင်းဟာလည်း ဒါ ရူးသွပ်တဲ့ အရာပါပဲ။
ဒါ့ကြောင့် ဘယ်လိုမှ ဖြစ်မလာနိုင်တဲ့ အရာတွေကို စောင့်ဆိုင်းနေခြင်း၊ မျှော်လင့်နေခြင်းဟာ သင့်ကို အချိန်တွေ၊ အခွင့်ရေးပေါင်းများစွာကို ဆုံးရှုံးစေရုံသာမက တစ်ကိုယ်တည်းဘ၀နဲ့သာ သင် အဆုံးသတ်သွားရပါလိမ့်မယ်။ တစ်ကိုယ်တည်း ဘ၀ကို မကောင်းဘူးလို့ ပြောနေခြင်း မဟုတ်ပေမယ့် သင်က အိမ်ထောင်တစ်ခု၊ မိသားစုလေးတစ်ခုကို လိုချင်နေသူဆိုရင်တော့ ခုပြောပြပေးမယ့် စောင့်ဆိုင်းခြင်းမျိုးတွေကို လုံးဝ အပြီးသတ်လိုက်ဖို့ လိုပါတယ်။
၁။ ဇနီးရှိတဲ့ အမျိုးသား၊ ရည်းစားရှိတဲ့ အမျိုးသားတစ်ယောက်ကို ချစ်မိနေတာကြောင့် သူ့ရည်းစား၊ မိန်းမနဲ့ ကွဲချိန်မျိုးကို စောင့်ဆိုင်းနေခြင်း
၂။ အရက်သောက်၊ ဆေးသုံးနေတဲ့ အမျိုးသားတစ်ယောက်ကို ချစ်မိနေတာကြောင့် သူ ဒါတွေ မလုပ်တော့တဲ့အချိန်ကို စောင့်ဆိုင်းနေခြင်း
၃။ ကတိပေးထားသလို ဘယ်တော့မှ ဖုန်းမခေါ်၊ အီးမေးလ်မပို့၊ ကိုယ့်ရှေ့ပေါ်မလာတဲ့သူအတွက် ဆင်ခြေဆင်လက်တွေ လုပ်နေရခြင်း
၎။ အလုပ်ရှာပါ့မယ်၊ ကိုယ့်ဝင်ငွေနဲ့ကိုယ် ရပ်တည်မယ်ဆိုပြီး သင်ရှာထားသမျှ ငွေတွေ ထိုင်သုံးနေတဲ့သူအတွက် အချိန်ဖြုန်းနေခြင်း
၅။ သင့်ကို အသုံးချပြီး၊ ခုတုံးလုပ်ပြီး သူ့ကိုယ်သူ အမြင့်ရောက်ဖို့ ကြိုးစားနေတဲ့သူကို စောင့်ဆိုင်းနေမိခြင်း .. စတာတွေပါပဲ။
တကယ်တော့ ပြောင်းလဲနိုင်ဖို့အတွက် ကြိုးစားခြင်းဟာ သင့်ကိုယ်သင်ပဲ ဖြစ်သင့်ပါတယ်။ သူတစ်ပါးအပေါ် မျှော်လင့်နေတာ၊ စောင့်စားနေတာမျိုးတွေက တစ်ပါးသူကို ဘာမှ ပြောင်းလဲလို့ မရပါဘူး။ ဒီတော့ သင်ဟာ ခုလို အဖြစ်မျိုးတွေ ကြုံနေရတဲ့အခါ ဒီလိုလူမျိုးအတွက် အချိန်ဖြုန်းမနေပဲ သင့်အတွက် တကယ်ကို သင့်တော်ကောင်းမွန်မယ့် သူတစ်ယောက်ကိုသာ ရှာဖွေဖို့ ကြိုးစားပါ။
ဟန်နီ
Credit: Trend Myanmar
No comments:
Post a Comment