"သရက်သီးမှာပါဝင်တဲ့ ကျန်းမာရေးအာနိသင်"
အခုလို ပူပြင်းတဲ့ရာသီဟာ သရက်သီးရာသီဖြစ်ရာ လူတွေမှာ သရက်သီးကို အစိမ်းလိုက် ချိုချိုချဉ်ချဉ် စားကြတာရှိသလို သရက်သီးမှည့်ကို အစိပ်လေးတွေစိပ်ကာ ချိုချိုအိအိ စားကြတာလည်း ရှိပါတယ်။ တစ်ချို့ကတော့ သရက်သီးဖျော်ရည် ဖျော်သောက်ကြကာ ရာသီပေါ် သီးနှံအဖြစ် နှစ်ခြိုက်စွာ စားသုံးကြပါတယ်။ အသီးအနှံတိုင်းမှာ မတူညီတဲ့ အာဟာရဓာတ် အာနိသင်ရှိနေရာ သရက်သီးမှာ ပါဝင်တဲ့ ကျန်းမာရေးအကျိုးပြု အာနိသင်ကို သိရှိစေဖို့ ဖော်ပြပေးလိုက်ပါတယ်။
ကင်ဆာကိုကာကွယ်ပေးနိုင်တဲ့ အာနိသင် ပါဝင်နေခြင်း
သရက်သီးတစ်လုံးမှာ ပါဝင်တဲ့ အာဟာရဓာတ် အာနိသင်နဲ့ပတ်သက်ပြီး သုတေသန ပြုလုပ်ကြရာ သူ့ရဲ့ အာဟာရဓာတ်တွေဟာ အူကင်ဆာ၊ ရင်သားကင်ဆာ၊ သွေးကင်ဆာနဲ့ ယောက်ျားအင်္ဂါ အကျိတ်ကင်ဆာတွေ မဖြစ်ပွားရအောင် ခုခံကာကွယ်နိုင်စွမ်း ရှိကြောင်း ဖော်ပြထားကြပါတယ်။
ကိုလက်စထရောဓာတ်ကို လျော့ကျစေတဲ့ စွမ်းအင် ပါဝင်နေခြင်း
သရက်သီးမှာ အမျှင်ဓာတ် များပြားမှု၊ ဗီတာမင် စီနဲ့ ပါဝင်နေတဲ့ အချိုဓာတ်တွေက ကိုလက်စထရောဓာတ်ကို လျော့ကျစေဖို့ များစွာ အထောက်အကူ ပြုပါတယ်။
အသားအရေကို ကြည်လင်လှပစေခြင်း
သရက်သီးရဲ့ အစွမ်းဟာ အသားအရေကိုလည်း ကြည်လင် လှပစေတယ်လို့ သိရှိရပါတယ်။ သူ့ရဲ့အစွမ်းဟာ မျက်နှာပေါ်က ဝက်ခြံတွေကို ကောင်းစွာ ရှင်းလင်းပေးနိုင်ပြီး ချွေးပေါက်မှာ ပိတ်ဆို့နေတဲ့ အဆိပ်အတောက်လိုမျိုး အခိုးအငွေ့တွေကိုပါ ကင်းစင်စေပါတယ်။ ဒါကြောင့် အသားအရေကို သန့်ရှင်းစေကာ ကြည်လင် လှပနိုင်တာဘဲ ဖြစ်ပါတယ်။
မျက်စိကျန်းမာရေးအတွက် ကောင်းမွန်ခြင်း
သရက်သီးမှည့်ကို အစိပ်လေးတွေ စိပ်ပြီး ပန်းကန်လုံး တစ်ခွက်စာလောက် ပုံမှန် စားပေးနိုင်ရင် လူတွေမှာ နေ့စဉ်လိုအပ်နေတဲ့ ဗီတာမင် အေ ၂၅% လောက်ကို ရရှိမှာဖြစ်ပြီး မျက်စိ အမြင်အားကို ကောင်းစေခြင်း၊ ညဘက်မှာ အမြင်အာရုံကို ပျောက်ကွယ်စေတဲ့ ကြက်မျက်သင့် ရောဂါလိုမျိုးကို များစွာ ကာကွယ်ပေးပါတယ်။
အစာကြေခြေဖျက်မှုအားကောင်းစေခြင်း
အသီးအနှံ တော်တော်များများမှာ ကျန်းမာရေးနဲ့ ညီညွတ်တဲ့ ဓာတ်သဘာဝတွေ ပါဝင်ကြရာ သရက်သီးမှာလည်း အစာကြေခြေဖျက်မှုကို အားကောင်းစေတဲ့ အမျှင်ဓာတ်များစွာ ပါဝင်ပါတယ်။ ဒါကြောင့် သရက်သီးကို စားပေးတာဟာ အစာကြေစေတာကြောင့် ဝမ်းချုပ်တတ်သူများအတွက် အဆင်ပြေစေတဲ့ အသီးတစ်မျိုးလို့ ဆိုနိုင်ပါတယ်။
ကိုယ်ခန္ဓာထဲအပူများတာကို လျော့ချကူညီပေးခြင်း
သရက်သီးစိမ်းကို မိမိလိုသလောက် အချိုဓာတ်ရောကာ ဖျော်ရည်သဖွယ် ရေနဲ့ဖျော်ပြီး သောက်သုံးပေးနိုင်ရင် ကိုယ်တွင်း အပူများနေတာတွေကို အပူလျော့သွားအေင် ကူညီနိုင်ပါတယ်။ ကိုယ်ခန္ဓာထဲ အပူလျော့ပြီး အအေးဓာတ်ရရှိစေကာ အပူကြောင့် ဖြစ်ပွားတတ်တဲ့ ရောဂါဘယတွေကို ကင်းဝေးစေပါတယ်။
ကိုယ်ခံအားစနစ်ကို ကောင်းမွန်စေခြင်း
သရက်သီးတစ်လုံးမှာ ဗီတာမင် စီနဲ့ အေ ပမာဏ များပြားမှုဟာ ကိုယ်ခံအားစနစ်ကို ကောင်းမွန်စေတာပင် ဖြစ်ပါတယ်။ ဒါကြောင့် သရက်သီးကို မျတစွာ စားပေးနိုင်သူတွေအနေနဲ့ ကိုယ်ခန္ဓာ ကျန်းမာသန်စွမ်းမှုကို များစွာ အထောက်အကူ ဖြစ်စေနိုင်ပါတယ်။
သရက်သီးရာသီမှာ သရက်သီးချိုချိုလေးတွေကို စားရင်း၊ သရက်သီးအစိမ်းကို ငရုတ်သီး စပ်စပ်လေးနဲ့ ငံပြာရည်နဲ့ သုပ်စားရင်း သရက်သီးရဲ့ တန်ဖိုး အနှစ်သာရကိုပါ သိရှိခံစားနိုင်ကြစေဖို့ ဖော်ပြလိုက်ပါတယ်။
Credit: Yangon Life
No comments:
Post a Comment