"ပညာရှိတို့ရဲ့ အမူအကျင့် (၈) မျိုး"
ကျွန်တော်တို့ နေ့စဉ် ဆက်ဆံပေါင်းသင်းနေရတဲ့ လူတွေထဲမှာ ပညာရှိတဲ့သူတွေလည်း ပါနိုင်သလို၊ ပညာမဲ့တွေလည်း ပါနိုင်ပါတယ်။ ပညာရှိသူကိုသာ ပေါင်းသင်းဖို့ရာလည်း ဗုဒ္ဓက ဆုံးမထားတော့ ဘယ်လိုနည်းနဲ့ ပညာရှိမရှိ သိနိုင်မလဲ?။ အောက်ပါ အချက် (၈) ချက်နဲ့ တိုက်ဆိုင် စစ်ဆေးကြည့်ပါ။
(၁) ပညာရှိဟာ ဘယ်တော့မှ အဆောတလျှင် မလုပ်ဘူး
ပညာရှိတွေဟာ လုပ်စရာရှိတာကို ဘယ်တော့မှ အဆောတလျှင် လုပ်လေ့မရှိပါဘူး။ သူတို့လုပ်ချင်တဲ့ အရာတွေကို အချိန်ယူ စဉ်းစားလေ့ရှိပါတယ်။ ဒါပေမယ့် လုပ်ငန်းခွင်ကဲ့သို့သော နေရာမှာ ဒီလူတွေဟာ တုန့်ဆိုင်းတုန့်ဆိုင်း ဖြစ်နေတာမျိုး မရှိဘဲ သူတို့ရဲ့ စဉ်းစားတွက်ချက်နိုင်မှု စွမ်းရည်ဟာ မိနစ်ပိုင်းလောက်နဲ့လည်း လုံလောက်တတ်တာမျိုး ရှိပါတယ်။
(၂) ဖြစ်လာနိုင်တဲ့ အကျိုးဆက်ကို ကြိုတင်တွက်ဆထားပြီးသား
ပညာရှိသူတွေဟာ လုပ်ငန်းတစ်ခုကို ဒါလုပ်ရင် ဘယ်လိုတုန့်ပြန်မှုတွေ ရနိုင်တယ်ဆိုတာကို ကြိုတင် တွက်ဆထားပြီးသား ဖြစ်ပါတယ်။ ဒါကြောင့် သူတွေတစ်တွေဟာ အကျိုးဆက်တစ်ခု ရလာတိုင်း ၀မ်းသားစရာရှိရင် အရမ်းကြီး ၀မ်းသာမပြတတ်သလို၊ ၀မ်းနည်းစရာရှိရင်လည်း ဣနြေ္ဒပျက်လောက်အထိ ၀မ်းမနည်းပါဘူး။
(၃) ရိုးသားစွာ တုန့်ပြန်တတ်တယ်
သူတို့တစ်တွေဟာ ဘယ်လောက် စိတ်ဆိုးစရာ စိတ်ညစ်စရာနဲ့ ရင်ဆိုင်ရပါစေ ရိုးသားစွာ တုန့်ပြန်ပါတယ်။ ဒီလိုပဲ တစ်ခြား လူမှုရေးကိစ္စတွေကိုလည်း တည်တည်ငြိမ်ငြိမ် ရိုးရိုးသားသားပဲ တုန့်ပြန်ပါတယ်။
(၄) အကျိုးမရှိတဲ့စကားတွေ၊ အလုပ်တွေနဲ အချိန်ကို အကုန်မခံဘူး
ပညာရှိသူတွေဟာ သူတို့ရဲ့ အချိန်ကို အကျိုးမရှိတာတွေနဲ့ အကုန်ဆုံး မခံပါဘူး။ အကျိုးရှိရာ ရှိကြောင်းကို အမြဲ ကြံဆနေသူတွေ ဖြစ်သလို၊ ဘာမှ လုပ်စရာမရှိဘူးလို့ ဆုံးဖြတ်ရင်တောင် စာဖတ်တာတို့၊ သက်တောင့်သက်သာ အနားယူတာတို့ လုပ်နေတတ်ပါတယ်။
(၅) စည်းမျဉ်းစည်းကမ်းတွေကို လေးစားတယ်
ဘယ်နေရာ ဘယ်ဒေသကို ရောက်သည်ဖြစ်စေ ဒေသဆိုင်ရာ စည်မျဉ်းစည်းကမ်းတွေကို သူတို့နဲ့ မဆိုင်လည်း လိုက်နာပါတယ်၊ ရုံးတွင်းမှာ စည်းမျဉ်းစည်းကမ်းတွေရှိလည်း တိတိကျက လိုက်နာပါတယ်။ ဒါပေမယ့် မတရားဘူးထင်ရတဲ့ စည်းမျဉ်းတွေဆိုရင် ချက်ချင်း ကန့်ကွက်ဖို့ ၀န်မလေးပါဘူး။
(၆) ဘယ်တော့မှ ရှူးရှူးရှားရှားနဲ့ မတုန့်ပြန်ဘူး
တစ်စုံတစ်ခုသော အကြောင်းအရာဟာ စိတ်မကျေနပ်စရာ ဖြစ်နေရင်တောင်မှ သူတို့ဟာ တည်ငြိမ်စွာ တုန့်ပြန်ပါတယ်။ ဘယ်တော့မှ ပေါက်ကွဲမပြပါဘူး။ တစ်ခါတလေ အကျိုးသင့်အကြောင်းသင့် ပြောပြီး ဆုံးမတာမျိုးတောင် ရှိတတ်ပါတယ်။
(၇) ဒုက္ခမပေးဘူး
သူတို့တစ်တွေဟာ ဒုက္ခကို သူတို့အသိဉာဏ်နဲ့ ကိုယ်တိုင် ရှောင်သလို၊ သူများကိုလည်း ဒုက္ခပေးဖို့ ဘယ်တော့မှ မကြိုးစားပါဘူး။
(၈) တစ်ကိုယ်ကောင်း မဆန်ဘူး
ပညာရှိသူတွေဟာ ဘယ်တော့နေနေ အများအကျိုးကို အရင်ကြည့်ပါတယ်။ သူ့အတွက် အကျိုးမရှိ အများအတွက် အကျိုးရှိနိုင်တဲ့ ကိစ္စမျိုးဆို လုပ်ပါတယ်။ သူ့အတွက်လည်း အကျိုးရှိ အများအတွက်လည်း အကျိုးရှိတယ်ဆိုလည်း လုပ်ပါတယ်။ သူရော အများရော နှစ်ခုစလုံးအတွက် အကျိုးမရှိနိုင်တာမျိုးတွေကို ဘယ်တော့မှ မလုပ်ပါဘူး။ အခွင့်အရေးခံစားဖို့ ရှိလာရင်လည်း အခြားသူတွေကို ရိုးသားစွာ ဦးစားပေးသလို၊ လက်အောက်ငယ်သားတွေကို ချီးမြှင့် ထောက်ပံ့မှုမှာလည်း မလျှော့ပါးပါဘူး။
နတ်စည်တော် (Shwemom)
Credit: Shwemom
No comments:
Post a Comment