"ကြက်သွန်နီလှီးတဲ့အခါ ဘာကြောင့် မျက်ရည်ကျသလဲ"
ထမင်းဟင်းတွေချက်ပြုတ်ကျတဲ့အခါ ပင်ပန်းလို့ဆိုပြီး မငိုကြပေမယ့် ကြက်သွန်နီလှီးရင်တော့ ငိုရလေ့ရှိပါတယ်။ ကြက်သွန်နီဟာ လှီးဖြတ်တဲ့သူတွေကို မျက်ရည်ကျစေတဲ့ အရာဖြစ်ပါတယ်။ ဘာကြောင့် ကြက်သွန်နီက မျက်ရည်ကျစေလဲဆိုတာ အောက်မှာရှင်းပြထားပါတယ်။
ကြက်သွန်နီဟာလည်း အပင်မျိုးနွယ်ဝင်ဖြစ်ပြီး အခြားအပင်တွေလိုပဲ သူ့မှာ ဆဲလ်တွေနဲ့ တည်ဆောက်ထား တာဖြစ်ပါတယ်။ ကြက်သွန်နီမှာ နှစ်ပိုင်းပေါင်းစပ်ပါဝင်ပါတယ်။ တစ်ဖက်မှာ ဓါတုဖြစ်စဉ်တွေ ဖြစ်ပေါ်စေတဲ့ အင်ဇိုင်းဓါတ်တွေပါဝင်ပါတယ်။ အဲဒီအင်ဇိုင်းက သင့်ရဲ့ခန္ဓာကိုယ်ကိုပါ သက်ရောက်မှုရှိစေပါတယ်။ တစ်ဖက်မှာ ကန့်လို့ခေါ်တဲ့ ဆာလ်ဖာဓါတ်တွေ ပါဝင်ပါတယ်။ ကြက်သွန်နီက သူ့ဟာသူနေရင်တော့ ဒီဓါတ်နှစ်ခု မရောနှော ပေမယ့် သင်ကြက်သွန်နီကို လှီးဖြတ်လိုက်တဲ့အခါ ကန့်နဲ့ အင်ဇိုင်းဓါတ် ရောနှောသွားပါတယ်။ အဲဒီအခါ ဓါတုဓါတ်ပြုမှုဖြစ်ပြီး ကျွန်တော်တို့ကို မျက်ရည်ကျစေပါတယ်။
မျက်ရည်ကျတာကို ကာကွယ်ချင်ရင်တော့ ကြက်သွန်နီလှီးတဲ့အခါ ရေအေးအေးထွက်တဲ့ ရေပိုက်ခေါင်းအောက်မှာ လှီးဖြတ်ရမှာ ဖြစ်ပါတယ်။ အဲဒီအခါ ရေအေးက ဓါတ်ပြုမှုကို ဖယ်ရှားလိုက်လို့ မျက်ရည်ကျခြင်းမှ ကာကွယ်ပေးပါတယ်။
Ref - didyouknow
Credit: Planet
No comments:
Post a Comment