"အိမ်ထောင်များ အဘယ်ကြောင့်ပျက်ရသနည်း?"

"အိမ်ထောင်များ အဘယ်ကြောင့်ပျက်ရသနည်း?"

အိမ်ထောင်မူ့ ဘုရားတည်၊
ဆေးမင်ရည် စုတ်ထိုး၊
ကျောင်းထိုင်ပင့် မြတ်သံဃာ၊
စာချုပ်ရန် ခက်သည့်အမျိုး။

အိမ်ထောင်များ အဘယ်ကြောင့်ပျက်ရသနည်း?  ဒီမေးခွန်းရဲ့ အဖြေကိုတော့ လူတိုင်းသိချင်ကြမှာပါ။ (အထူးအားဖြင့် အိမ်ထောင်ရှင်များ) တကယ်တမ်းတော့ တစ်ယောက်နဲ့တစ်ယောက် ချစ်လို့ အိမ်ထောင်ကျခဲ့ပြီးပြီးပဲ၊ ဘာလို့များ အိမ်ထောင်တစ်ခုကို လွယ်လွယ်လေးနဲ့ ဖျက်စီးတတ်ကြသလဲတော့ မပြောတတ်ပါဘူး။ သူ့အကြောင်းနဲ့သူတော့ ရှိကြမှာပါပဲ။ ဒီနေရာလေးမှာ တစ်ယောက်နဲ့တစ်ယောက် ချစ်တယ်ဆိုရာဝယ် ရှေးဘ၀က အတူတကွ နေထိုင်ပေါင်းသင်း သီတင်းသီလတူမျှစွာ ပြုခဲ့ဖူးခြင်း၊ မျက်နှာမြင်ချစ်ခင်ပါစေဟု သူ၏ ကောင်းမူတစ်ခုခု၌ ဆုတောင်းပြုခဲ့ခြင်း၊ ယခုမျက်မှောက်ဘ၀၌ သူ၏အကျိုးစီးပွား လိုလားဆောင်ရွက်ပေးမှုပြုခြင်း ဟူသော အကြောင်းကြောင့် တစ်ယောက်နဲ့တစ်ယောက် တွေ့ဆုံ၍ ချစ်ခဲ့ရတာပါ။ ချစ်ခြင်းရဲ့လမ်းမပေါ်ရောက်ဖို့ ဒီလမ်းကြောင်းသုံးသွယ်က ထွန်းပြပေးခဲ့တာပေါ့။ ဒီအဆင့်ကိုကျော်ဖြတ်ပြီးမှ အိမ်ထောင်သည်ဘ၀သို့ ရောက်ရတာပါ။ တစ်ချို့တွေလည်း အိမ်ထောင်သည်ဘ၀မရောက်ခင် ချစ်သူ့ဘ၀နဲ့ပဲ လမ်းခွဲသွားရတယ်၊ တစ်ချို့ကြတော့လည်း ချစ်သူသမီးရည်းစား ဖြစ်ကတည်းက အိမ်ထောင်ဘက်အဖြစ်ထိ ရွေးချယ် သွားကြတာတွေလည်း ရှိပါတယ်။ စာဖတ်သူကတော့ ထင်ကောင်းထင်ပါလိမ့်မယ်၊ စာရေးသူက အချစ်ကြောင်းတွေ သိနေပါလားပေါ့၊ စာရေးသူလည်း အချစ်ရှိပါတယ်၊ ချစ်တာခြင်းတော့ တူချင်မှတူမှာပါ။

အချစ်ကလည်း သုံးမျိုးတောင်ရှိတာ၊
၁။ ချစ်သူအချစ် (တဏှာပေမ)
၂။ မိသားစုအချစ် (ဂေဟသိတပေမ)
၃။ ပါရမီအချစ် (မေတ္တာပေမ) ဆိုပြီး သုံးမျိုးရှိပါတယ်။

လူသားတိုင်း အချစ်နဲ့ မကင်းကြပါဘူး။ ဒါပေမယ့် ချစ်ပုံချစ်နည်းလေးတွေတော့ ကွာသွားတတ်ကြပါတယ်။

ချစ်သူအချစ်ဆိုတာက ချစ်သူအချင်းချင်းချစ်တာ၊ ဇနီးမောင်နှံအချင်းချင်းချစ်တာ အဲဒီလိုအချစ်မျိုးကို ချစ်သူအချစ်လို့ခေါ်တာပါ။

မိသားစုအချစ်ဆိုတာက ကိုယ့်ရဲ့ မိသားစုအချင်းအချင်း၊ ဆွေမျိုးသားခြင်းချစ်တာကို မိသားစုအချစ်လို့ခေါ်ပါတယ်။

ပါရမီအချစ်ဆိုတာက ကိုယ်ကနေသူ့ကို ကုသိုလ်ရအောင်လုပ်ပေးတာမျိုး၊ သူကလည်း ကိုယ့်ကို ကုသိုလ်ရအောင်လုပ်ပေးတာမျိုးကို ပါရမီအချစ်လို့ခေါ်ပါတယ်။ ပြောချင်တာကတော့ ကိုယ်ကုသိုလ်ဖြစ်အောင် သူကဖန်တီးပေးတယ်၊ ကိုယ်ကလည်းတစ်ဖန် သူကုသိုလ်ဖြစ်အောင် ဖန်တီးပေးတယ်၊ တစ်ယောက်နှင့်တစ်ယောက် အပြန်လှန် ကျေးဇူးပြုနေတဲ့အချစ်မျိုးကို ပါရမီအချစ်လို့ခေါ်ပါတယ်။

အချစ်အကြောင်း အစပျိုးနေတာနဲ့ ပြောချင်တဲ့ဆီ မရောက်ဘဲနေလိမ့်မယ်။ အချစ်ကိုအထင်မသေးပါနဲ့၊ အချစ်က နိဗ္ဗာန်အထိအကျိုးပေးနိုင်ပါတယ်၊ ပဋ္ဌာန်းပစ္စည်းနဲ့ တွက်ကြည့်မယ်ဆိုရင် အချစ်ကိုအကြောင်းပြု၍ ဒါနတွေပြုမယ်၊ သီလတွေဆောက်တည်မယ်ဆိုရင် နိဗ္ဗာန်အထိ ရောက်နိုင်ပါတယ်။ မိမိက အိမ်ထောင်သည်ဘ၀ ရောက်နေသူဖြစ်လျှင် နကုလပိတာ နကုလမာတာ တို့၏ နည်းကို အမြဲတမ်း ရင်ထဲမှာထည့်ထားဖို့ လိုပါတယ်။ သူတို့နည်းလမ်းလေးက
၁။ တူမျှသော သဒ္ဓါတရားရှိရမယ်၊
၂။ တူမျှသော သီလတရားရှိရမယ်၊
၃။တူမျှသော စာဂတရားရှိရမယ်၊
၎။တူမျှသော ပညာတရားရှိရမယ်။ တကယ်တမ်းတော့ အကြင်ဇနီးမယားအဆင့်အထိတောင် ရောက်လာပြီးပြီး၊ တစ်ယောက်နဲ့တစ်ယောက်က များသောအားဖြင့် အကျင့်စရိုက်ခြင်း တူတာတော့များမှာပါ။ နောက်တစ်ခုက သိင်္ဂါလောဝါဒသုတ်မှာလည်း မယားကျင့်ဝတ်၊ လင့်ကျင့်ဝတ် စသည့်ဖြင့် ရှိပါသေးတယ်။  ဒါလေးတွေ ကဗုဒ္ဓဘာသာရှုထောင့်ဘက်ကနေ တင်ပြပေးထားတာပါ။ မိမိကဗုဒ္ဓဘာသာပဲ နည်းလမ်းတွေကိုသိနေတာပဲ သိသည့်အလျှောက် ကျင့်သွားမယ်ဆိုရင် မိမိရဲ့ မိသားစုဘ၀လေးက ပျော်ရွှင်စရာကောင်းသွားမှာပါ။ ဒီလိုဆိုရင် တစ်ယောက်နဲ့တစ်ယောက် ကွဲနိုင်စရာ သို့မဟုတ် ပြိုကွဲနိုင်စရာမရှိတော့ပါဘူး။ မိတ္တဗလဋီကာ-မှာ အကြင်လင်နှင့်မယားတို့ ကိုယ်စိတ်နှစ်ဖြာ ချမ်းသာစေနိုင် နည်း (၇) နည်းကိုလည်း တင်ပြပါဦးမယ်။

၁။နားပူနားဆာ မလုပ်နှင့်။
၂။အကြင်လင်မယားတို့သည် တစ်ဦးကိုတစ်ဦး ငြီးငွေ့အောင် မလုပ်သင့်။
၃။ဆူပူကြိမ်းမောင်းခြင်း မပြုနှင့်။
၎။စေတနာဖြင့် ချီးကျူးရန် မမေ့နှင့်။
၅။တစ်ဖက်သားကို ကြင်နာယုယပါ။
၆။ရိုသေ လေးစားပါ။
၇။အိမ်ထောင်သည်တို့၏ ရာဂစိတ်ပြေငြိမ်းကြောင်း စာအုပ်ကောင်းကို ဖတ်ပါ။
ဒီ (၇) နည်းအတိုင်း ကျင့်သွားမယ်ဆိုရင်လည်း မိမိအိမ်ထောင်ရေး ပြိုမကွဲနိုင်ပါဘူး။ အကယ်၍သာ ဒီလိုမလုပ်သွားရင်တော့ တစ်ယောက်နဲ့တစ်ယောက် ရေရှည်လက်တွဲဖို့ဆိုတာ မဖြစ်နိုင်ပါဘူး။

လင်နှင့်မယား
(မိန်းမကို စိတ်ကြည်ကြည်လင်လင် ထားတတ်လို့ လင်လို့ခေါ်ပြီး၊ ယောက်ျားကို မယားအောင်ထားတတ်လို့ မယား သို့မဟုတ် မိန်းမက ယောက်ျားကို မာယာသုံးပြီး ချစ်တတ်လို့ မယားလို့ ခေါ်သတဲ့) လျာနှင့်သွားဆိုသလိုပေါ့ မိမိတို့က ပုထုဇဉ်တွေပဲ တစ်ခါတလေ မှားတာတော့ မှားနိုင်ပါတယ်၊ အမှားကြီးမမှားမိဖို့တော့ လိုတာပေါ့။ ပြောချင်တာက အိမ်ထောင်ရေး ပြိုကွဲသွားလောက်တဲ့အထိ မမှားမိဖို့ပါ။

(မိတ္တဗလဋီကာ-ဦးနု)
အောက်ပါမေးခွန်းများကို သင်ကိုယ်တိုင်ဖြေနိုင်လျှင် အကျိုးရှိပေလိမ့်မယ်။ “ဟုတ်ကဲ့” ဟု ဖြေနိုင်သော အဖြေတိုင်းကို အမှတ် (၁၀) ပေးပါ။ အားလုံးကို ဖြေပြီးလျှင် သင်သည် အမှတ်မည်မျှ ရသည်ကို တွက်ကြည့်ပါ။ အိမ်ထောင်သည် ယောက်ျားတိုင်း မိန်းမတိုင်း အောက်ပါမေးခွန်းများအနက် မိမိတို့နှင့်ဆိုင်ရာ မေးခွန်းများကို ဖြေပြီးလျှင် အမှတ် (၁၀၀) မရသေးချင်း မလျော့သော လုံ့လဖြင့် အမှတ် (၁၀၀) ရနိုင်အောင် ကြိုးစားနိုင်ကြပါစေ…….

ယောကျာ်းများအတွက်
၁။သင်သည် သင်၏ မိန်းမကို မညားမီအခါက ဂရုစိုက်ခဲ့သကဲ့သို့ ယခုတိုင် ပန်းကလေးအစ လက်ဆောင်ကလေးအစ ပေးလျှက်ရှိပါသေးသလား။ မညားမီကကဲ့သို့ သင်၏မိန်းမအပေါ်တွင် ကြင်ကြင်နာနာနှင့် ယုယပိုက်ထွေးခြင်း ရှိပါသေးရဲ့လား။
၂။အခြားလူများရှေ့တွင် သင့်မိန်းမကို ပြစ်တင်ဆူပူ ကြိမ်းမောင်းခြင်းမျိုးမှ အထူးဂရုစိုက်ကာ ရှောင်ရှားပါရဲ့လား။
၃။သူ သဘောကျသလို သုံးစွဲနိုင်ရန် သင့်မိန်းမကို အိမ်စရိတ်အပြင် ငွေပိုများ ပေးပါရဲ့လား။
၎။သင့်မိန်းမ၏အလိုဆန္ဒတို့ကို ကောင်းစွာ သိရှိအောင် သင်ကြိုးစားပါရဲ့လား။ သင့်မိန်းမသည် ပင်ပန်းနွမ်းနယ်လျှက် ရှိသောအခါ၌လည်းကောင်း၊ စိတ်မအီမသာ ဖြစ်နေသည့်အခါ၌လည်းကောင်း သင်သည် သင့်မိန်းမကို အကူအညီပေးပါရဲ့လား။
၅။သင်သည် သင်ရသော အားလပ်ချိန်ကို တစ်ဝက်ခွဲ၍ သင့်မိန်းမနှင့် အတူတူကြည်ဖြူစွာ နေထိုင်ပါရဲ့လား။
၆။သင့်မိန်းမ၏ အချက်အပြုတ်နှင့် အိမ်ထောင်ထိန်းသိမ်းမှုသည် သင့်မိခင် သို့မဟုတ် ကိုဖြူ့မိန်းမ၏ အချက်အပြုတ် အိမ်ထောင်ထိန်းသိမ်းမှုထက် ညံ့သည်ဟု မပြောဘဲ ပို၍ ကောင်းသည်ဟု အလိမ္မာဖက်ကာ ယှဉ်ပြပါရဲ့လား။
၇။သင့်မိန်းမ ဖတ်ကြားသောစာအုပ်များ၊ သင့်မိန်းမ၏ အပေါင်းအဖော်များ၊ မြို့ရွာအရေးနှင့်စပ်လျဉ်း၍ သင့်မိန်းမ၏ ယူဆချက်များအပေါ်တွင် သင်သည် အသေအချာ စိတ်ဝင်စားပါရဲ့လား။
၈။သင်သည် သ၀န်ကြောင်သော စကားမျိုးကို မသုံးဘဲနှင့် သင့်မိန်းမအား အခြားယောက်ျားများနှင့် အတူ စကားပြောဆိုသည်ကိုလည်းကောင်း၊ မိတ်ဆွေတို့ဘာဝ ဂရုတစိုက် ပြုစုသည်ကိုလည်းကောင်း ခွင့်ပြုနိုင်ပါရဲ့လား။
၉။အခွင့်အလမ်းများပေါ်တိုင်း သင့်မိန်းမကို ချီးကျူးရန်နှင့် မြှောက်စားရန်အတွက် သင့်မှာ အသင့်ရှိပါရဲ့လား။
၁၀။သင့်အင်္ကျီ ကြယ်သီးပြုတ်နေသည်ကို ပြန်တပ်ပေးခြင်း၊ သင့်ခြေအိတ်ပေါက်နေသည်ကို ဖာပေးခြင်း၊သင့် အ၀တ်အစားများကို ဖွပ်လျှော်ပေးခြင်း စသော အလုပ်ကလေးများအတွက် သင်သည် သင့်မိန်းမကို ကျေးဇူးတင်စကားများ ပြောကြားပါရဲ့လား။

မိန်းမများအတွက်
၁။သင့်ယောက်ျား၏ အလုပ်တွင် ၀င်မစွက်ဘဲ သီးသန့်နေပါရဲ့လား။ သူ့အပေါင်းအသင်းများကို ဘယ်သူနဲ့မပေါင်းနဲ့၊ ဘယ်သူဟာလူရှုပ်ပဲ အစရှိသည်ဖြင့် အပြစ်ပြောခြင်း၊ သူ့အလုပ်လက်ထောက်ကို ခန့်ထားရာ၌ ၀င်ရောက်ပြောဆိုခြင်း၊ သူသွားလာလည်ပတ်ရာ၌ ဆူပူခြင်းများမှ ကင်းလွတ်ပါရဲ့လား။
၂။သင့်နေအိမ်နှင့်တကွ သင့်အပေါ်တွင် သင့်ယောက်ျားသည် စိတ်ဝင်စားနေအောင် သင်သည် အစွမ်းကုန် ကြိုးစားပါရဲ့လား။
၃။”ယနေ့တော့ ဟိုဟင်းကြီးကို စားရဦးတော့မှာပဲ” ဟူ၍ စိတ်ထဲမှာ မတွေးတောနိုင်အောင် စားဖွယ်သောက်ဖွယ်အမျိုးမျိုးတို့ကို သင်ကိုယ်တိုင် စီမံ၍ သင့်ယောက်ျားအား ချက်ပြုတ် ကျွေးမွေးပါရဲ့လား။
၎။သင့်ယောကျာ်းသည် သူ့အလုပ်အတွက် သင့်ထံမှ အကူအညီလိုချင်ခဲ့ပါလျှင် အကူအညီပေးနိုင်အောင် သင့်ယောက်ျား၏ အလုပ်အကြောင်းကို သင်သည် လေ့လာပါရဲ့လား။
၅။စီးပွားပျက်သောအခါ “ဘယ်သူတွေလုပ်လိုက်တာ ဘယ်လိုချမ်းသာသွားတာပဲ၊ သူလုပ်ပုံကိုက ဒီလိုဖြစ်မှာပေါ့“ အစရှိသည်ဖြင့် သင့်ယောက်ျားကို ဆူပူခြင်း မလုပ်ဘဲ အေးအတူပူအမျှ ခံနိုင်သောသတ္တိ သင့်မှာ ရှိပါရဲ့လား။
၆။သင့်ယောက်ျား၏ မိခင်နှင့်သော်လည်းကောင်း၊ ဆွေမျိုးဥာတိများနှင့်သော်လည်းကောင်း သင့်တင့်ညီညွတ်စွာ ပေါင်းသင်းဆက်ဆံနိုင်ရန် ကြိုးစားပါရဲ့လား။
၇။အ၀တ်အစားဝတ်ရာ၌လည်း သင့်ယောက်ျားမကြိုက်သော အဆင်နှင့် အ၀တ်အစားများကို ရှောင်ရှားပြီးလျှင် သင့်ယောက်ျားကြိုက်သော အဆင်နှင့် အ၀တ်အစားများကို ၀တ်ဆင်ပါရဲ့လား။
၈။လင်မယားချင်း သင့်မြတ်စွာ ပေါင်းသင်း ဆက်ဆံနိုင်ရန်အတွက် အနည်းငယ် သဘောကွဲလွဲချက်များကို သင်သည် လျှော့ပေးပါရဲ့လား။
၉။သင့်ယောက်ျားနှင့် အားလပ်ချိန်များတွင် အတူနေနိုင်ရန် သင့်ယောက်ျားဝါသနာပါသော အားကစားများကို သင်ကိုယ်တိုင် သင်ကြာထားပါရဲ့လား။
၁၀။သင့်ယောက်ျား၏ ပညာပါရမီကို ကူညီသောအားဖြင့် နေ့စဉ်သတင်းထူးများ၊ စာအုပ်သစ်များ အကြံအစည်သစ်များကို သင်ကိုယ်တိုင် စုဆောင်းပေးပါရဲ့လား။

စာဖတ်သူရေ….အိမ်ထောင်များ အဘယ်ကြောင့်ပျက်ရသနည်းဟူသည် မိမိက ဒီလိုအရည်းအချင်းတွေ မရှိသေးလို့ဖြစ်ပါလိမ့်မယ်၊ အခုဆောင်းပါးသည် အ်ိမ်ထောင်သည်ကိုကြည့် ရည်ရွယ်သည်မဟုတ် မိမိက လူလွတ်ဆိုလည်း ငါအိမ်ထောင်ကျရင် ဒီလိုအရည်အချင်းတွေရှိအောင် ကြိုးစားမယ်ဆိုတဲ့စိတ်ကလေးကို မိမိရင်ထဲမှာ ထည့်ထားလိုက်ပါ။ ဒါဆိုရင် သင့်ရဲ့ အိမ်ထောင်ရေး ဘယ်တော့မှ ပျက်စီးနိုင်တော့မှာ မဟုတ်ပါဘူး။

ဒီဆောင်းပါးလေးကို ဖတ်ပြီး အသိလေးတွေ ရရှိနိုင်ကြပါစေ... ရရှိသည့်အားလျော်စွာ ကျင့်နိုင်ကြပါစေ....

ကျမ်းကိုး။    ။ အင်္ဂုတ္တိုရ်ပါဠိတော်၊ ပုညာဘိသန္ဒ၀ဂ်။
                     မိတ္တဗလဋီကာ(ဦးနု)

လပြည့်ဝန်း (သာစည်)