"တခြားသူကို မချစ်ခင် ကိုယ့်ကိုကိုယ် အရင်ချစ်တတ်ဖို့လို"
သင်ဟာ သင့်ရှေ့ကမှန်ကိုကြည့်ပြီး စိတ်ထဲမှာ ကျေနပ်သွားတာမျိုး ခံစားဖူးပါသလား။ တစ်ခါတစ်လေမှာ ကျွန်မတို့ဟာ မျှော်လင့်ချက်၊ အိပ်မက်တွေ အချစ်တွေ၊ အကြောက်တရားတွေကို အရှုံးပေးပြီး နာကျင်ခံစားကြရတဲ့အချိန်တွေ ရှိပါတယ်။ တခြားလူတွေ ကိုယ့်ကိုတကယ်မပေးပါပဲ ရသလိုလို ခံစားနေကြတာမျိုးတွေလည်း ရှိပါတယ်။ ဒါကိုတနည်းအားဖြင့် ကိုယ့်ဒုက္ခကိုယ် ရှာနေကြတယ်လို့ ဆိုရပါလိမ့်မယ်။ ဘယ်သူကများ သင့်ကို သင့်ကိုယ်သင်ချစ်တာထက် ပိုချစ်နိုင်မှာလဲ။ ဒါ့အပြင် သင်လည်း တခြားသူကို သင့်ကိုယ်သင်ချစ်တာထက် ပိုမချစ်နိုင်ပါဘူး။ ပိုချစ်တယ်လို့ ဆိုရင်လည်း ဒါမှားတာပါပဲ။ တစ်ခါတစ်လေ ကိုယ့်ကိုကိုယ်တောင် မချစ်တတ်ပဲ အခြားသူကို ချစ်ပြနေတာမျိုးက ပိုဆိုးတာပေါ့။ ဒီတော့ တခြားသူကို မချစ်ခင် ကိုယ့်ကိုကိုယ် ချစ်တယ်ဆိုတာ ဘယ်လိုမျိုးလဲဆိုတာ ပြောပြပေးချင်ပါတယ်။
၁။ကိုယ့်ကိုကိုယ် ပထမဦးစားပေးနေရာမှာ ထားပါ။
အထူးသဖြင့် အမျိုးသမီးတွေဟာ ကိုယ့်အတွက် မစဉ်းစားပဲ အခြားသူအတွက် စဉ်းစားပေးတဲ့နေရာမှာ သိပ်ထူးချွန်ကြပါတယ်။ ခံစားနာကျင်ရမယ့် နေရာတွေဆိုရင်တော့ ကိုယ့်ဘာသာကိုယ် ၀င်ခံစားတတ်ကြတာမျိုးပေါ့၊ ဒါမဖြစ်သင့်ပါဘူး။ ကိုယ့်ကိုကိုယ် ဦးစားပေးတယ်ဆိုလိုက်ရင် ဒါတကိုယ်ကောင်းဆန်တာလို့ ထင်ချင်ထင်ကြပါလိမ့်မယ်။ ထင်ကြပါစေ။ တကယ်တော့ ကိုယ့်ကိုကိုယ် အရေးပေးမှ၊ အလေးထားမှသာ တခြားသူတွေကလည်း သင့်ကို အလေးထားကြပါလိမ့်မယ်။ တစ်ဖက်က ပြန်စဉ်းစားကြည့်ရင်လည်း သင်တစ်ပါးသူကို ပျော်ရွှင်အောင် လုပ်ပေးချင်တယ်ဆိုပါစို့၊ သင်ကိုယ်တိုင် မပျော်ပဲ သူများကို ဘယ်လိုပျော်အောင် လုပ်ပေးမှာလဲ။
၂။ ကိုယ့်အတွက်နဲ့ အခြားသူတွေကို ငြင်းလိုက်ဖို့ တွန့်မနေပါနဲ့။
အရာရာတိုင်း ကိုယ်လုပ်ချင်တာကို ဆန့်ကျင်ပြီး သူတစ်ပါးဆန္ဒဖြည့်ဆည်းဖို့ ခေါင်းမငြိမ်လိုက်ပါနဲ့။ သူတစ်ပါး ကမ်းလှမ်းချက်ကို ငြင်းပယ်ဖို့ ၀န်မလေးပါနဲ့။ သင်လုပ်ချင်တဲ့အရာကို ရဲရဲဝံ့ဝံ့လုပ်ဆောင်တတ်ပါစေ။ သင်မလုပ်ချင်တဲ့ အရာကိုလည်း ရဲရဲတင်းတင်းသာ ငြင်းလိုက်ပါ။ လူမှုရေးအရရော၊ အလုပ်ခွင်မှာပါ ဒီနည်းကိုသာ ကျင့်သုံးပါ။
၃။မှန်ထဲက ကိုယ့်မျက်နှာကို ကိုယ်ကြည့်ပြီး နေ့တိုင်းပြုံးပါ။
သင် လူတွေကိုအမြဲ ပြုံးပြဖြစ်ပါသလား။ အပြုံးတစ်ခုဟာ လူတစ်ယောက် စိတ်ကြည်လင်နေအောင် ဘယ်လောက်ထိ စွမ်းဆောင်ပေးနိုင်တယ်ဆိုတာ သင်သိပါသလား။ ကြားဖူးတဲ့ စကားလေး တစ်ခွန်းအရ နေ့တိုင်းမှန်ကြည့်ပြီး ပြုံးခြင်းဟာ ကိုယ့်ကိုကိုယ် ယုံကြည်မှုရှိလာဖို့အတွက် လျှို့ဝှက်ချက်လို့တောင် ဆိုပါတယ်။ ဒီလိုလုပ်ဆောင်ဖို့ မပင်ပန်းသလို ငွေကြေးအကုန်အကျလည်း မရှိပါဘူး။ ဒါ့ကြောင့် သင်အပြင်မသွားခင် မှန်ကြည့်ပြီး ပြုံးဖို့ မမေ့ပါနဲ့။
၎။ အ၀တ်အစားကို ဖြစ်သလို မ၀တ်ပါနဲ့။
အပြင်သွားတဲ့အခါတိုင်း ဆယ်ခါမှာ ကိုးခါလောက်ဟာ သင့်ကိုယ်သင် ယုံကြည်မှုရှိစေတဲ့ အ၀တ်အစားတွေ ၀တ်ဆင်ပြီး သွားတာမျိုး ဖြစ်သင့်ပါတယ်။ ဒီလိုလုပ်ဆောင်ခြင်းကလည်း သင့်ကို ယုံကြည်မှုနဲ့ ပျော်ရွှင်မှုကို ပေးစွမ်းနိုင်ပါတယ်။
၅။ ကိုယ့်ဘာသာကိုယ်တစ်ယောက်တည်း ဒိတ်လုပ်သလို အပြင်သွားပါ။
ဒီလိုပြောလိုက်လို့ အူကြောင်ကြောင်နိုင်တယ်လို့ ထင်ချင်ထင်ပါလိမ့်မယ်။ ဒါပေမယ့် ဒါ အမှန်တရားတစ်ခုပါ။ သင့်ဘာသာသင် တစ်ယောက်တည်း အပြင်သွားပြီး မုန့်စားတာ၊ ရှော့ပင်ထွက်တာ၊ စာအုပ်ဝယ်တာ၊ ကော်ဖီဆိုင် ထိုင်တာမျိုးတွေ လုပ်ပေးပါ။ ဒီလို ခဏခဏ လုပ်ဆောင်ပေးတဲ့အခါ သင် ယုံကြည်မှု ပိုတိုးလာမှာ ဖြစ်သလို တစ်ယောက်တည်း ပျော်ရွှင်တတ်လာပါလိမ့်မယ်။
၆။ဘယ်တော့မှမမေ့ပါနဲ့၊ သူတစ်ပါးနဲ့ ဘယ်တော့မှ မနှိုင်းပါနဲ့။
သင်ဟာ တခြားလူတွေနဲ့ မတူ တမူထူးခြားတဲ့ သူတစ်ယောက်ဆိုတာ အမြဲသတိရပါ။ နောက်တစ်ချက်က ဘယ်သူကတော့ဖြင့် ဘယ်လို ငါကတော့ဖြင့် ဘယ်လိုဆိုပြီး မနှိုင်းပါနဲ့။ သင့်မှာလည်း သင့်ရဲ့ထူးခြားချက်၊ အားသာချက်တွေ ရှိတယ်ဆိုတာ သိပါစေ။
မေသော်
Credit: Trend Myanmar
No comments:
Post a Comment