"အသံများကို မုန်းတီးခြင်း"
သင်ဟာ အစာဝါးလိုက်လို့ ထွက်လာတဲ့အသံ၊ တကျွတ်ကျွတ်မြည်တဲ့အသံ၊ နှာခေါင်းရှုံ့လိုက်တဲ့အသံ၊ ဒေါသဖြစ်လို့ ထွက်လာတဲ့ အသက်ပြင်းပြင်းရှူသံ စတဲ့အသံတွေကို ပုံမှန်ထက်မခံနိုင်ပဲ လွယ်လွယ်နဲ့ စိတ်အနှောင့်အယှက် ဖြစ်တတ်သူလား။
ဒီအသံတွေက တခြားသူတစ်ယောက်ကို စိတ်အနှောင့်အယှက် ဖြစ်စေတာမှန်ပေမယ့် တချို့သူတွေမှာတော့ နည်းနည်းလေးကြားတာနဲ့ကို သည်းမခံနိုင်စရာ ဖြစ်လာတတ်ပါတယ်။ အသံတွေကို ပုံမှန်ထက် ကျယ်လောင်တယ်လို့ ခံစားရပြီး သည်းမခံနိုင် ဖြစ်နေသူတစ်ယောက်ကို misophonia လို့ခေါ်တဲ့ စိတ်ရောဂါခံစားနေရသူလို့ သတ်မှတ်ကြပါတယ်။
‘အသံများကို မုန်းတီးခြင်း’ လို့ အဓိပ္ပာယ်ရတဲ့ misophonia စိတ်ရောဂါ ခံစားနေရသူတွေဟာ တခြားသူတွေဆီကထွက်တဲ့ သွားကျိတ်တဲ့အသံ၊ အစာစားလို့ ထွက်လာတဲ့အသံ၊ လေတက်တဲ့အသံ၊ အသက်ရှုသံတွေကို ပုံမှန်ထက် ခါးခါးသီးသီး တုန့်ပြန်လေ့ရှိကြပါတယ်။
ကိုယ့်ဘေးမှာ ထိုင်နေတဲ့သူဆီက တကျွတ်ကျွတ် ထွက်လာတဲ့အသံ၊ နှာချေသံတွေကြောင့် အရေပြားတွန့်ခနဲဖြစ်သွားပြီး ဒေါသစိတ်တွေကို နှိုးဆွပေးလိုက်တယ် ဆိုရင်တော့ သင့်မှာ misophonia စိတ်ရောဂါ အနည်းအများ ခံစားနေရပြီဆိုတာ သေချာပါတယ်။ နောက်ပိုင်း ဒီအသံတွေကြားတာနဲ့ အထိတ်တလန့်ဖြစ်ပြီး ကြားရမှာ ကြောက်သွားတဲ့အထိ ဖြစ်နိုင်ပါတယ်။
Misophonia အသံမုန်းတီးတဲ့ စိတ်ရောဂါအကြောင်းကို ၂၀၀၀ ပြည့်နှစ်ကမှ အမေရိကန်သိပံ္ပပညာရှင် ၂ ဦးကြောင့် သတိထားမိလာကြတာပါ။ ဒါပေမယ့် ဆက်စပ်နေတဲ့ နောက်ဆက်တွဲ အကျိုးဆက်တွေအကြောင်းတော့ သတိမပြုမိကြသေးပါဘူး။၂၀၁၄ ခုနှစ်ထိလည်း misophonia နဲ့ ပတ်သက်တဲ့ လေ့လာတွေ့ရှိချက် ခိုင်ခိုင်မာမာ ချမပြနိုင်ကြသေးပဲ အသေးစား တွေ့ရှိချက်တွေမှာပဲ misophonia စိတ်ရောဂါ ရှိသူတစ်ယောက်ရဲ့ သွင်ပြင်လက္ခဏာ၊ တုန့်ပြန်မှု ပုံစံတွေလောက် ပြောပြနိုင်ကြပါတယ်။
လေ့လာနေကြဆဲ သိပ္ပံပညာရှင်တွေ ရှာဖွေတွေ့ရှိသလောက်တော့ ဒီစိတ်ရောဂါမျိုးဟာ မွေးတည်းကတောင် ပါလာနိုင်တယ်လို့ ဆိုပါတယ်။ ခုချိန်ထိလဲ အသံမုန်းတီးတဲ့ misophonia စိတ်ရောဂါကို အမြစ်ပြတ် ကုသနိုင်မယ့် နည်းလမ်း ရှာမတွေ့သေးပေမယ့် အသံတွေကြားတဲ့အခါ ဆိုးဆိုးဝါးဝါး မတုန့်ပြန်တော့အောင် သက်သာစေမယ့် ကုထုံးတွေတော့ ရှိနေပါပြီ။
အခုနောက်ဆုံး တွေ့ရှိချက်မှာတော့ သာမန်လူတွေ လက်ခံနိုင်တဲ့ အသံမျိုးကို ဆတ်ဆတ်ထိမခံ တုန့်ပြန်တတ်တဲ့ misophonia စိတ်ရောဂါ လက္ခဏာရှိသူတွေဟာ သာမန်ထက် ထူးချွန်သူတွေ ဖြစ်တယ်ဆိုတဲ့ အချက်ပါပဲ။
Ref: www.stylist.co.uk
Credit: Yangon Life
No comments:
Post a Comment