"လှပတဲ့ အမျိုးသမီးတွေနဲ့ တွေ့ဆုံရခြင်းက အမျိုးသားတွေရဲ့ ကျန်းမာရေးကို ဆိုးရွားစေနိုင်"
နှလုံးခုန်မြန်လာတာနဲ့ ခြေဖဝါး၊ လက်ဖဝါးတွေမှာ ချွေးပြန်လာတွေတာဟာဆိုရင်တော့ ဆွဲဆောင်မှု ရှိလွန်းတဲ့ အမျိုးသမီးတွေနဲ့ တွေ့ဆုံရတဲ့အခါ ဖြစ်တတ်တဲ့ အမျိုးသားတွေရဲ့ အမူအကျင့်တွေ ဖြစ်ပါတယ်။
ဒီတစ်ခါမှာတော့ သုတေသန အသစ်တစ်ရပ်အရတော့ အမျိုးသားတွေဟာ လှပတဲ့ သူစိမ်းအမျိုးသမီးတစ်ဦးနဲ့ ငါးမိနစ်လောက် တွေ့ဆုံရုံနဲ့ စိတ်ဖိစီးမှုများ လွန်စွာမြင့်တက်လာပြီး ဒါဟာ ကျန်းမာရေးအတွက် အတော်လေးကို အကျိုးသက်ရောက်မှု ရှိတယ်လို့ သိရပါတယ်။
“ငါ ဒီလိုလူစားမျိုးမဟုတ်ဘူး” ဟု တွေးလိုက်မိသောအခါ၊ အဆိုပါ အမျိုးသမီးက အနားလာကပ် ထိုင်သောအခါ၊ သို့မဟုတ် အဆိုပါအမျိုးသမီး၏ စိတ်ဝင်စားမှုကို ရရှိအောင် ကြိုးစားသောအခါ အကြင်ပုရိသ၏ အခြေအနေသည် အဆိုးရွားဆုံးသို့ ရောက်ရှိသွားတယ်လို့ သိပ္ပံပညာရှင်တွေက အခိုင်အမာ ပြောကြားခဲ့ပါတယ်။
အဲ့လိုမျိုး အမျိုးသားတွေရဲ့ စိုးရိမ်သောကဖြစ်မှုနှုန်းသည် လေယာဉ်ပျံတစ်စင်းပေါ်မှ ခုန်ချရတဲ့အခါ ဖြစ်ပေါ်တဲ့နှုန်းနှင့် ညီမျှတယ်လို့ ဆိုပါတယ်။ အဲ့လိုအချိန်မှာတော့ အမျိုးသားတွေရဲ့ ကော်တီဆောဟော်မုန်း ပါဝင်မှုနှုန်းသည် လေယာဉ်ပျံပေါ်မှ ခုန်ချရသည်ထက်ပင် ပိုပြီးတော့တောင် မြင့်မားတယ်လို့ သိရပါတယ်။
ယင်းသို့ ကော်တီဆောဟော်မုန်း မြင့်တက်မှုက နှလုံးရောဂါဖြစ်နိုင်ခြေနှင့် နှလုံးးရောဂါကြောင့် အမောဖောက်လာနိုင်ခြေကို လွန်စွာ မြင့်မားစေတယ်လို့လည်း ပြောပါတယ်။
စပိန်နိုင်ငံ ဗလင်စီယာတက္ကသိုလ်က ပညာရှင်တွေကတော့ သူတို့ရဲ့ သုတေသနမှာ အမျိုးသား ၈၄ ဦးကို ပါဝင်စေခဲ့ပြီး တစ်ဦးတည်းရှိနေစဉ်နှင့် လှပသော အမျိုးသမီးများနှင့် တွေ့ဆုံပြီးနောက် ကော်တီဆောဟော်မုန်း ပါဝင်မှုနှုန်းကို တိုင်းတာကာ တွက်ချက် သုတေသန ပြုခဲ့ကြတာဖြစ်ပါတယ်။
( Paing A K )
Credit: သစ်ထူးလွင်(ကျန်းမာရေး)
No comments:
Post a Comment