"အသားမည်းတဲ့ သူတစ်ယောက် ဖြစ်ရခြင်းရဲ့ ကောင်းကျိုးများ"

"အသားမည်းတဲ့ သူတစ်ယောက် ဖြစ်ရခြင်းရဲ့ ကောင်းကျိုးများ"

လူတစ်ယောက်ရဲ့ အသားအရေနဲ့ ဆံပင်အရောင်ကို အဓိက ဆုံးဖြတ်ပေးတာက melanin မယ်လာနင်လို့ ခေါ်တဲ့ ဓာတ်တစ်မျိုးဖြစ်ပါတယ်။ အသားရောင်မည်းတယ်ဆိုတာ ဒီမယ်လာနင်ဓာတ်တွေ ပိုမိုပါဝင်လို့ ဖြစ်ပါတယ်။ မယ်လာနင်ဟာ ခန္ဓာကိုယ် အစိတ်အပိုင်းတိုင်းမှာ တည်ရှိပြီး ဦးနှောက်နဲ့ အာရုံကြောတွေ လည်ပတ်လုပ်ဆောင်ဖို့၊ မျက်လုံးက မြင်နိုင်ကြည့်နိုင်ဖို့နဲ့ ဆဲလ်တွေ ပြန်လည် မျိုးပွားဖို့အတွက် မရှိမဖြစ် လိုအပ်ပါတယ်။

မယ်လာနင်က ဆဲလ်တွေကို ပျက်စီးစေတဲ့ Free Radicals တွေကို တိုက်ဖျက်ပေးတယ်

လူ့ခန္ဓာကိုယ်က ဆဲလ်တွေ အကြီးအကျယ် ထိခိုက်ပျက်စီးမှု အကြောင်းရင်းမှာ free radicals တွေက အဓိက တရားခံတစ်ဦး ဖြစ်ပါတယ်။ မယ်လာနင်ဟာ free radical တွေကို ဖယ်ရှားပေးပြီး အသားအရေ ပျက်စီးခြင်းမှ ကာကွယ်ပေးပါတယ်။

ခရမ်းလွန်ရောင်ခြည် သက်ရောက်မှုကို အကောင်းဆုံးကာကွယ်ပေးတယ်

နေရောင်ခြည်နဲ့ ထိတွေ့ခြင်းက အသားအရေ အရွယ်မတိုင်ခင် အိုမင်းပျက်စီးခြင်း ဖြစ်စေနိုင်ပြီး အရေပြားကင်ဆာတွေကိုလည်း ဖြစ်စေနိုင်ပါတယ်။ သင့်ခန္ဓာကိုယ်က နေရောင်ခြည်ရဲ့ ခရမ်းလွန်ရောင်ခြည် သက်ရောက်မှုရဲ့ ဆိုးကျိုးကို ဘယ်လောက် ကာကွယ်ပေးနိုင်လဲဆိုတာက သင့်ကိုယ်တွင်းမှာရှိတဲ့ မယ်လာနင် ပမာဏအပေါ် မူတည်ပါတယ်။ မယ်လာနင်ဟာ အလင်းရောင်ကို စုပ်ယူမှု အားကောင်းပြီး စုပ်ယူထားတဲ့ UV ရောင်ခြည် ၉၉.၉ ရာခိုင်နှုန်းကို ချေဖျက်ပစ်နိုင်ပါတယ်။ ခန္ဓာကိုယ်က ရင့်သန်ပြီးသား မယ်လာနင်ဆဲလ်တွေဟာ နေရောင်ခြည်နဲ့ ထိတွေ့တဲ့အခါ နောက်ထပ် မယ်လာနင်တွေကို ပိုထုတ်ပေးပါတယ်။ ဒါကြောင့်မို့လို့ ကျွန်တော်တို့ နေပူထဲ ခဏခဏထွက်ရင် မယ်လာနင်ပိုထွက်လာပြီး သဘာဝဆိုးဆေးဖြစ်တဲ့ မယ်လာနင်ကြောင့် အသားမည်းသွားရတာ ဖြစ်ပါတယ်။ ဒါပေမယ့် မယ်လာနင်က နေရောင်ခြည်ကို ကာကွယ်ပေးနိုင်မှုက အကန့်အသတ်တော့ ရှိပါတယ်။ သဘာဝညိုမည်းတဲ့ အသားအရေ ပိုင်ရှင်တွေက ကာကွယ်မှု သိသိသာသာ ပိုများပါတယ်။

ခရမ်းလွန်ရောင်ခြည်သာမက တခြားဓာတ်ရောင်ခြည်တွေရဲ့ ဘေးထွက် သက်ရောက်မှုတွေကို ခြေဖျက်ပေးတယ်

မယ်လာနင်ဟာ စွမ်းအင်ရောင်ခြည်ပမာဏ အများအပြားကို စုပ်ယူနိုင်ပြီး စွမ်းအင်ကို စုပ်ယူလိုက်ပေမယ့် အပူကိုတော့ ပြန်ုထုတ်ပေးခြင်း မရှိပါဘူး။ ဘာလို့လည်းဆိုတော့ မယ်လာနင်ဟာ ဒီအန္တရာယ်ရှိ ရောင်ခြည်စွမ်းအင်တွေကို ခန္ဓာကိုယ်အတွက် အသုံးတည့်မယ့် စွမ်းအင်အဖြစ် ပြောင်းလဲပစ်လိုက်လို့ပါ။ မယ်လာနင်ဟာ နေရောင်ခြည်အပါအ၀င် ဓာတ်မှန်ရောင်ခြည်၊ ဆဲလ်ဇီဝဖြစ်ပျက်မှုအတွင်း ဆဲလ်တွင်းထွက်ရှိတဲ့ ဘေးထွက်စွမ်းအင်တွေကို စုပ်ယူပေးနိုင်ပါတယ်။

ပိုမိုနုပျိုတဲ့ အသားအရေကိုရစေတယ်

အသားရေ ညိုမည်းတဲ့လူတွေဟာ မယ်လာနင်ပါဝင်မှု မြင့်မားတာကြောင့် နေရောင်ခြည်က ဖြစ်ပေါ်တဲ့ ကာလတို အသားအရေပျက်စီးမှုကို ကာကွယ်ပေးနိုင်သလို၊ အိုမင်းရင့်ရော်ခြင်းရဲ့ အရိပ်လက္ခဏာတွေဖြစ်တဲ့ အတွန့်အကြောင်းပေါ်ခြင်း၊ အသားအရေ ကြမ်းတမ်းခြင်းနဲ့ အရေပြားအကွက်တွေ မဖြစ်ပေါ်အောင် ကာကွယ်ပေးနိုင်ပါတယ်။

ကလေးယူတဲ့နေရာမှာလည်း အထောက်အကူ ပြုတယ်

အနက်ရောင် ရောင်ခြည်ပစ္စည်းဖြစ်တဲ့ မယ်လာနင်ဟာ DNA ပျက်စီးမှုကို ကာကွယ်ပေးနိုင်သလို ခန္ဓာကိုယ်အတွက် လိုသလောက်ပဲ ခရမ်းလွန်ရောင်ခြည်ကို စုပ်ယူထားပေးနိုင်ပါတယ်။ ဗီတာမင် ဘီ အုပ်စုဝင်ဖြစ်တဲ့ ဖောလစ်အက်ဆစ် လျော့နည်းမှုကိုလည်း တားဆီးပေးနိုင်ပြီး အမျိုးသမီးတွေဟာ သန္ဓေအောင်တဲ့ မမျိုးဥရဖို့ကို ထိန်းသိမ်းထားနိုင်ဖို့အတွက် ဖောလစ်အက်ဆစ်ကို လိုအပ်ပါတယ်။ ဖောလစ်အက်ဆစ်ဟာ မျိုးအောင်ပြီးမှာလည်း သန္ဓေသားမှာ အချင်းဖြစ်ဖို့အတွက် အထောက်အကူ ပြုပေးပါတယ်။ အမျိုးသားတွေအတွက်လည်း သုတ်ကောင်ရေထုတ်လွှတ်မှု ပုံမှန် အနေအထားရှိအောင်လို့ ဖောလစ်အက်ဆစ်ကို လိုအပ်ပါတယ်။ သင်ဟာ အသားအရေ ညိုမည်းသူတစ်ယောက်ဖြစ်လို့ စိတ်ညစ်နေရတယ် ဆိုရင်တော့ သင့်ရဲ့ စိတ်ညစ်မှုတွေကို အဝေးကို လွှင့်ပစ်လိုက်ပါ။ သင့်ကိုယ်ထဲက မယ်လာနင်ဟာ သင့်ကို အများကြီး အကျိုးပြုနေတာကို သိထားဖို့ လိုပါတယ်။

Ye Wint

Credit: Trend Myanmar