"ကိုယ့်လက်တွဲဖော်နဲ့ ဆက်ဆံရေးမှာ သူတပါးပေးတဲ့ အကြံတိုင်းကို မယူတာ အကောင်းဆုံးပါ"

Lutaw Lupyaw

"ကိုယ့်လက်တွဲဖော်နဲ့ ဆက်ဆံရေးမှာ သူတပါးပေးတဲ့ အကြံတိုင်းကို မယူတာ အကောင်းဆုံးပါ"

လူတိုင်းမှာ အလွယ်တကူ အကြံဥာဏ်ပေးတတ်တဲ့ မိတ်ဆွေတွေ ရှိပါတယ်။ အကြံအားလုံးက အကြံကောင်း ဖြစ်ချင်မှ ဖြစ်မှာပါ။ တချို့အကြံတွေက ကိုယ်တို့ နှစ်ယောက်ဘ၀ ဆက်ဆံရေးကိုတောင် ပျက်သွားစေနိုင်တဲ့ အကြံတွေ ဖြစ်နေတတ်တာကို သတိပြုသင့်ပါတယ်။ ကိုယ့်အချစ်ရေးမှာ အနှောင့်အယှက်ဖြစ်စေနိုင်တဲ့ ဒီလိုအကြံမျိုးတွေ ပေးလာခဲ့ရင် အားနာမနေဘဲ ငြင်းပစ်လိုက်တာ အကောင်းဆုံး ဖြစ်ပါတယ်။

၁။ နင်မပျော်တော့ဘူးဆိုရင် လမ်းခွဲလိုက်ဖို့ ကောင်းတယ်

ကိုယ့်အချစ်ရေးမှာ အဆင်မပြေတာတစ်ခု ကြုံတာနဲ့ လမ်းမခွဲသင့်ပါဘူး။ ပျော်စရာ အချိန်ဆိုတာ ရှိခဲ့ရင် နာကျင်စရာ အချိန်ဆိုတာလည်း ကြုံရမှာပါပဲ။ ဘ၀ဆိုတာ ပြီးပြည့်စုံနေတာ မဟုတ်သလို ကိုယ်ရော ကိုယ့်လက်တွဲဖော်ရောကလည်း ပြီးပြည့်စုံနေတာ မဟုတ်တဲ့အတွက် ပြဿနာဆိုတာ အနည်းနဲ့အများ ကြုံတွေ့ရမှာပါ။ ဒီ အဆင်မပြေမှုကို ဘယ်လိုဖြေရှင်းကြမလဲလို့ အဖြေရှာကြည့်ဖို့က အရေးကြီးဆုံး ဖြစ်ပါတယ်။

၂။ သူက နင့်ကို ဘုရင်မ တစ်ပါးလို ဖူးဖူးမှုတ် ဆက်ဆံသင့်တာပေါ့

ကိုယ့်အဖော်ဖြစ်သူက သူ့ဘေးမှာ ကိုယ်ရှိနေတဲ့အတွက် ကိုယ့်အပေါ် အလေးထားကြောင်း ပြသသင့်ပါတယ်။ ဒါပေမဲ့ ကိုယ့်တစ်ယောက်ကိုပဲ အချိန်တိုင်း အရေးတယူ ဆက်ဆံခံချင်နေရင်တော့ တကိုယ်ကောင်းဆန်ရာ ရောက်သွားမှာပါ။ ကိုယ်ကလည်း အပြန်အလှန်အနေနဲ့ သူ့ကို တန်ဖိုးထားကြောင်း ပြသင့်ပါတယ်။ သူ့အတွေး၊ သူ့အယူအဆကို နားလည် တန်ဖိုးထားပြရင် သူကလည်း ပြန်ပြီး တူညီတဲ့ ဆက်ဆံရေးမျိုး ပြန်ပေးမှာပဲ ဖြစ်ပါတယ်။

၃။ သူက နင်နဲ့ အမြဲအတူ ရှိသင့်တာပေါ့

ကိုယ်တို့နှစ်ယောက်ရဲ့ ဆက်ဆံရေး အဆင်ပြေ ချောမွေ့စေဖို့ဆိုရင် ကိုယ်ပိုင်လွတ်လပ်တဲ့ အချိန်လေးတွေရှိဖို့ လိုပါတယ်။ ကိုယ်လုပ်ချင်တဲ့ အလုပ်လေးတွေကို ကိုယ့်ကိုယ်ပိုင်အချိန်မှာ လုပ်ခွင့် ရှိရပါမယ်။ သူ့အပေါင်းအသင်းတွေနဲ့ အချိန်ဖြုန်းချင်တယ် ဆိုရင်လည်း လိုက်လျောလိုက်ပါ။ ဒါက ကိုယ်နဲ့အတူ မရှိချင်ဘူးလို့ ဆိုလိုတာမှ မဟုတ်ဘဲ။ သူ့မှာလည်း တန်ဖိုးထားရမယ့် ပေါင်းသင်း ဆက်ဆံရေးဆိုတာ ရှိနေနိုင်တာပါတယ်။ ကိုယ်တို့နှစ်ယောက်ကြားမှာ အပြန်အလှန် လေးစားမှု၊ ချစ်ခြင်းနဲ့ ယုံကြည်မှုတွေသာ ရှိနေရင် အနားမှာ အမြဲမရှိနေနိုင်တာက ပြဿနာတစ်ရပ် မဖြစ်နိုင်တော့ပါဘူး။

၎။ နင်တို့ နှစ်ယောက်ကြားမှာ လိင်ဆက်ဆံရေးက အရေးအကြီးဆုံးပဲ

နှစ်ယောက်တစ်ဘ၀ ထူထောင်ထားတဲ့ ဆက်ဆံရေးတိုင်းမှာ လိင်ကိစ္စဆိုတာ အရေးပါပေမဲ့ မရှိမဖြစ်တော့ မဟုတ်ပါဘူး။ နေ့တိုင်း အကြိမ်များစွာ အတူနေဖြစ်ပေမဲ့ အပြန်အလှန် အလေးထားမှု၊ ဂရုစိုက်စောင့်ရှောက်မှုနဲ့ နွေးထွေးတဲ့ အကြင်နာမရှိခဲ့ရင် ကြာရှည်တည်မြဲတဲ့ ပတ်သက်မှု မဖြစ်နိုင်ပါဘူး။ တန်ဖိုးထား မြတ်နိုးမှုနဲ့ ပေါင်းစပ်ထားမှ ပြည့်စုံတဲ့ဘ၀တစ်ခု ဖြစ်မှာပါ။

၅။ ပုံပန်းသွင်ပြင်က အရေးမပါဘူး

ကိုယ့်လက်တွဲဖော်ကို စတွေ့တဲ့အချိန်မှာ သူt ကိုယ့်ကို ဆွဲဆောင်နိုင်ခဲ့တဲ့ အရာတစ်ခုစီ ရှိကြပါတယ်။ သူ့ဆီမှာလည်း ကိုယ်နဲ့ ပတ်သက်ပြီး အတွေးတစ်ခု ရှိနိုင်ပါတယ်။ ကိုယ့်ချစ်သူအပေါ်မှာ အချိန် ကြာလာတာနဲ့အမျှ ဆွဲဆောင်မှုပုံစံ ပြောင်းလာနိုင်ပါတယ်။ ဒါပေမဲ့ ကိုယ်ချစ်ရတဲ့သူက ကိုယ့်အပေါ်မှာ အမြဲ စိတ်ဝင်တစား ရှိနေစေချင်ရင် ကိုယ့်ပုံစံကိုလည်း အမြဲ ဂရုစိုက်ထိန်းသိမ်းပေးဖို့ လိုပါတယ်။

ခင်သူဇာ

Credit: Trend Myanmar