"မိန်းကလေးတွေရဲ့ အပြင်အဆင်နဲ့ ယောက်ျားလေးတွေရဲ့ အမြင်"

"မိန်းကလေးတွေရဲ့ အပြင်အဆင်နဲ့ ယောက်ျားလေးတွေရဲ့ အမြင်"

"မိန်းကလေးတစ်ယောက်ကို မြင်တဲ့အခါ ပထမဆုံးအနေနဲ့ ဘာကို အရင် သတိထားမိလဲ? မျက်လုံးလား၊ နှုတ်ခမ်းလား?" အမျိုးသား အယောက်တစ်ရာကို မေးကြည့်တဲ့အခါ ၈၁% က မျက်လုံးလို့ ဖြေပြီး၊ ၁၉% က နှုတ်ခမ်းလို့ ဖြေပါတယ်။ တခြားဘာတွေရှိသေးလဲ ဆက်ကြည့်ရအောင်နော်။

မျက်လုံး

အမျိုးသားတွေက မျက်လုံးကို အမည်းဆိုးတာ ပိုနှစ်သက် သဘောကျပေမယ့် မိန်းကလေးတွေကတော့ အရောင်တွေနဲ့ ကစားရတာကို ပိုနှစ်သက်ကြပါတယ်။ ဒါနဲ့ လိုင်နာအပေါ်မှာ အရောင်ရင့်တဲ့ ရှဲဒိုးကို ထပ်တာက မျက်လုံးကို ပိုကြီးတဲ့ပုံစံဖြစ်စေလို့ အမျိုးသားတွေ ပိုသဘောကျရခြင်းဖြစ်တယ်လို့ Why We love ရေးသားသူ မနုသဗေဒပညာရှင် Helen Fisher က ဆိုပါတယ်။

မျက်တောင်

မျက်တောင်တုနဲ့ပတ်သက်လို့ တပ်ဖို့ မကျွမ်းကျင်ရင် နှစ်ခါပြန် စဉ်းစားစေချင်ပါတယ်။ ဘာလို့လဲဆိုတော့ အမျိုးသားတွေက အတုကြီးမှန်းသိရင် ဘာကိုမှ မကြိုက်လို့ပါပဲ။ သူတို့လိုချင်တာက မြင်ချင်တာက သင့်ရဲ့ တကယ့် အလှတရားပါ။ ဒါပေမယ့် မိန်းကလေးတွေ အတွက်တော့ မျက်တောင်တုတပ်တာဟာ လူတွေအလယ်မှာ မျက်စိကျစေဖို့ ဖြစ်တယ်လို့ စိတ်ပညာရှင် Belisa Vranish က ဆိုပါတယ်။

မိတ်ကပ်

"မိတ်ကပ် ထူလအမ်းကြီးလိမ်းတာ ကျွန်တော့အတွက်တော့ စိတ်အပျက်ဆုံးပါပဲ။ "26 နှစ် ရှိတဲ့ Ian ဆိုသူက ပြောပါတယ်။ "ဒါပေမယ့် ဘာမှမလိမ်းတာထက်စာရင် lipgloss လေးနဲ့ မျက်တောင်နက်လေးက ပိုလှတယ်မြင်ပါတယ်။" လို့ ဆိုပါတယ်။ မိတ်ကပ် နည်းနည်းပါးပါး လိမ်းတာဟာ မိန်းကလေးဆန်မှုကို ဖော်ပြပါတယ်။ နယူးယောက် မိတ်ကပ်ပညာရှင် Amanda Redgrave က အမြင်ပိုလှစေဖို့ မရှိမဖြစ် ပြင်သင့်တဲ့ လေးချက်က မျက်လုံးညိုနေတာ ကွယ်ဖို့ cream concealer၊ mascara၊ lipgloss နဲ့ ပါးနီတို့ ဖြစ်ပါတယ်တဲ့။

ပါးနီ

ပန်းသွေးရောင် ပါးပြင်ဟာ ပုရိသတွေကို ဆွဲဆောင်နိုင်တဲ့ အချက်ထဲက တစ်ခုဖြစ်ပါတယ်။ ကျောက်ခေတ်တုန်းက ပါးအို့နီနီရှိတဲ့ ကောင်မလေးတွေဟာ ကျန်းမာတယ်ဆိုတာကို သွယ်ဝိုက်ဖော်ပြပါတယ်။  သွေးအားနည်းတာ မရှိဘူး၊ ကိုယ်ဝန်ကောင်းကောင်းဆောင်နိုင်တယ် ဆိုတာ ဖော်ပြပါတယ်။ လေ့ကျင့်ခန်း များများလုပ်တာ၊ ဒါမှမဟုတ် ပါးနီထည့်တာနဲ့ ပါးအို့နီနီအသွင်အပြင်ကို ရစေမှာပါ။

နှုတ်ခမ်းနီ

မိန်းကလေးတွေအတွက်တော့ နှုတ်ခမ်းနီဆိုတာဟာ ဖိနပ်လို အမြဲတမ်း ဒါပဲဝတ်ရင် ငြီးငွေ့လာသလိုပါပဲ အရောင်ဆန်းဆန်း အသစ်ထွက်တာနဲ့ ဝယ်တတ်ကြပါတယ်။ အမျိုးသားတွေအတွက်ကတော့ ဆန်းဆန်းကြီးတွေထက် နဂိုသဘာဝ အရောင် နှုတ်ခမ်းကို ပိုလို့ နှစ်သက်ကြပါတယ်။ ယောက်ျားလေးတွေရဲ့ စိတ်ထဲမှာ နှုတ်ခမ်းနီ ခဏခဏ အရောင်ပြောင်းသလို၊ ငါတို့ကိုရော  ကြာရင် ခေါက်သွားမလားဆိုတဲ့ အသိ ဝင်တတ်ပါတယ်တဲ့။

ကွဲလွဲချက်

လက်တလော လေ့လာတွေ့ရှိချက်အရ အလှအပ အမြင်နဲ့ပတ်သက်လို့ မိန်းကလေးတွေဟာ ဦးနောက်နှစ်ခြမ်းလုံးကို အသုံးပြုကြပေမယ့် အမျိုးသားတွေအတွက်တော့ ညာဘက်ခြမ်း တစ်ခုတည်းကိုသာ အသုံးပြုကြပါတယ်။ အဲဒါကြောင့် မိန်းကလေးတွေဟာ အသေးစိတ်  ခြယ်မှုန်းကြတာဖြစ်ပြီး၊ (ဥပမာ- mascara ထည့်ရင် မျက်ခွံမှာ အစက်သေးသေးလေး အပေ မခံတာမျိုး)၊ အမျိုးသားတွေကတော့ ခြုံငုံကြည့်ပြီး "ဒီကောင်မလေး မိုက်လှချည်လား" ဆိုတာနဲ့ ပြီးသွားပါတယ်။

Credit: သက်ထားစံ