"ပြတ်တုန်းလပ်တုန်း ၂၃ မဖြစ်ရအောင်"
လတစ်လရဲ့ ရက် ၂၀ ကျော်တာနဲ့ လခစားတွေ အများဆုံးကြုံတွေ့ရတဲ့ ပြသနာကတော့ လက်ထဲမှာ ငွေပိုငွေလျှံ မရှိတော့တာပါပဲ။ ဘယ်သွားချင်တယ်၊ ဘာစားချင်တယ် စိတ်လေးတွေကိုလျော့ လက်ထဲမှာ ကျန်နေသေးတဲ့ ပိုက်ဆံတွေ လကုန်ရက်ထိ လောက်ငှအောင် ခြိုးခြံနေကြရတယ်လေ။ ဒါကြောင့်လည်း ပြတ်တုန်းလပ်တုန်း ၂၃ ဆိုပြီး အဆိုတော် ဝေလက သီချင်းဆိုထားသေးတယ်။ လခထုတ်ပြီးခါစ အချိန်မှာ စုထားဖို့စိတ်ကူးထက် လိုချင်တာလေးတွေဝယ်၊ စားချင်တာတွေစားနဲ့ပဲ လလယ်လောက်အရောက် လခထုတ်ထားတွေလည်း တတိတိနဲ့ ပါးကုန်ပါတော့တယ်။ ဒီလိုအခြေအနေတွေကနေ အကောင်းဆုံး ရုန်းထွက်နိုင်မယ့် နည်းလမ်းတွေကို ဝေမျှပေးချင်ပါတယ်။
လခရလာပြီဆိုတာနဲ့ သင့်လစာကို ခြောက်ပုံ ပုံလိုက်ပါ။ ပထမဆုံးအပုံကိုတော့ တစ်လလုံး သင် မဖြစ်မနေအသုံးပြုရမယ့် ကဏ္ဍအတွက်ထားပါ။ ဥပမာ- နေ့စဉ်ခရီးစရိတ်၊ တစ်လစာ အိမ်အသုံးစရိတ် စတာတွေအတွက် ခွဲထားပါ။ ဒုတိယအပုံကိုတော့ ပညာရေး၊ အလုပ်အကိုင်တိုးတက်ရေးအတွက် သင်တန်းတွေ၊ ကျောင်းတွေတက်ဖို့ထားပါ။ ဒီအပုံကတော့ လတိုင်း ကုန်ချင်မှကုန်မယ့်အပိုင်းဖြစ်လို့ လိုတိုးပိုလျော့ လုပ်လို့ရပါတယ်။ တတိယအပုံကိုတော့ သင် တစ်လလုံး ပင်ပန်းထားသမျှ ကိုယ့်ကိုယ်ကို ပြန်ဆုချတဲ့အနေနဲ့ လိုချင်တဲ့ပစ္စည်းတွေ ၀ယ်ဖို့အတွက် ထားပါ။ စတုတ္ထအပုံကိုတော့ ကျန်းမာရေးလို အရေးပေါ်အခြေအနေတွေမှာ အသုံးပြုနိုင်အောင်ထားပါ။ ပဉ္စမအပုံကိုတော့ ၀ါသနာပါရာ ခရီးသွားခြင်း၊ အားကစား၊ ပရဟိတလုပ်ငန်းတွေအတွက် ထားလိုက်ပါ။ နောက်ဆုံးကျန်တဲ့အပုံကိုတော့ အပိုငွေဝင်ရအောင် လက်ရှိဝင်ငွေအပြင် ရေရှည်အတွက် စိတ်ချရမယ့် လုပ်ငန်းတွေမှာ ရင်းနှီးမြှုပ်နှံထားနိုင်သလို အာမခံချက်ရှိတဲ့ ဘဏ်ထဲထည့်ပြီး အနာဂတ်အတွက် စုဆောင်းထားပါ။
ပိုက်ဆံစုတဲ့အခါ စုနိုင်သမျှ စုဆောင်းမိအောင် ပြင်ဆင်ရပါမယ်။ အသေးသုံးပိုက်ဆံတွေကို သတိထားပါ။ ရာဂဏန်း၊ ထောင်ဂဏန်း ပိုက်ဆံတွေပဲဆိုပြီး လျစ်လျူရှုလိုက်မိလို့ တစ်လလုံး ပြန်တွက်လိုက်ရင် အသေးသုံး ပိုက်ဆံတွေက အဓိကယိုပေါက် ဖြစ်လာပါတယ်။ လူငယ်တွေမှာ သူများအထင်ကြီးအောင် မလိုအပ်တဲ့ပစ္စည်းတွေ ၀ယ်တတ်ကြပါတယ်။ သူငယ်ချင်းတွေက နောက်ဆုံးပေါ် ဘယ်ပစ္စည်းသုံးလို့ ငါလည်းသုံးနိုင်မှ ခေတ်မီမယ်ဆိုတာမျိုး၊ ဘယ်သူတွေကတော့ ဆိုင်အသစ်ဖွင့်လို့ စားနေတဲ့ပုံတွေ facebook မှာ တင်နေတာ ငါလည်း သူတို့နဲ့အပြိုင် တင်နိုင်အောင် ကိုယ်ကြိုက်သော်ရှိ မကြိုက်သော်ရှိ သွားစားကြတာမျိုးတွေက ယနေ့ခေတ် လူငယ်တွေရဲ့ အဓိက ငွေထွက်ပေါက် ဖြစ်လာခဲ့ပါတယ်။
လခစားဝန်ထမ်းတွေ ကြုံတွေ့ရတဲ့ လစာမလုံလောက်မှုရဲ့ အဓိက အကြောင်းရင်းကတော့ ၀င်ငွေထွက်ငွေ မညီမျှတာရယ်၊ ကြိုတင်တွက်ဆပြီး မသုံးတာကြောင့်ပါ။ သင့်အတွက် မလိုအပ်ဘူးဆိုရင် ဘာအကြောင်းပြချက်နဲ့မှ မ၀ယ်ဖို့ ဆုံးဖြတ်ထားပါ။ ဈေးသက်သာတဲ့ အသုံးဆောင်ပစ္စည်းတွေ အများကြီး ၀ယ်မိတာထက် ဈေးကြီးပြီး အရည်အသွေးကောင်း၊ ကြာရှည်အသုံးခံတဲ့ ပစ္စည်းကိုပဲ သေချာရွေးဝယ်ပါ။ မတတ်နိုင်သေးရင် မ၀ယ်ပါနဲ့ဦး။ သင့်ရဲ့ တစ်လစာဝင်ငွေကို သုံးပြီးမှ ပိုတာကို စုဆောင်းတာထက်၊ လခထုတ်ပြီးတာနဲ့ အရင် စုထားလိုက်ပြီးမှ ပိုတာကိုသုံးရင်း ပူပင်ကြောင့်ကြမှုမရှိတဲ့ လကုန်ရက်များကို ကျော်ဖြတ်နိုင်ကြပါစေ။
Yangon Life
No comments:
Post a Comment