"Best Friend နဲ့ လက်ထပ်ခြင်းရဲ့ အကျိုးကျေးဇူး (၁၀) ခု"

"Best Friend နဲ့ လက်ထပ်ခြင်းရဲ့ အကျိုးကျေးဇူး (၁၀) ခု"

အကယ်၍များ သင်ရဲ့ချစ်သူဟာ သင်ရဲ့ အကောင်းဆုံး သူငယ်ချင်းတစ်ယောက် ဖြစ်နေခဲ့ရင် ဂုဏ်ယူစွာ လက်ထပ်လိုက်ပါလို့ အကြံပေးချင်ပါတယ်။ ချစ်ရသူ မရှိသေးဘူးဆိုရင်လည်း သင့်ရဲ့ အချစ်ဆုံး သူငယ်ချင်းတွေထဲကပဲ လက်တွဲဖော်ကို ရွေးချယ်သင့်ပါတယ်။ ဘာကြောင့် ငယ်သူငယ်ချင်းနဲ့ လက်ထပ်သင့်သလဲ ဆိုတာကိုတော့ အောက်ပါအတိုင်း အကြောင်းပြချက်လေးတွေ ပေးထားပါတယ်။

၁။ သင်က သူတို့ကို ချစ်တယ်။
သင့်ရဲ့ အချစ်ဆုံးသူငယ်ချင်းဆိုကတည်းက သင်နဲ့ သူတို့ဟာ ပြောမနာဆိုမနာ၊ တစ်ယောက်အကြောင်း တစ်ယောက်သိ၊ တစ်ယောက်အပြစ် တစ်ယောက် နားလည်ထားပြီးသားသူတွေ ဖြစ်ပါတယ်။ အချင်းချင်း ချစ်ကြည်ကြပြီး တစ်ယောက်နဲ့ တစ်ယောက် သည်းခံနိုင်မှုအတိုင်းအတာကလည်း တော်ရုံလူတွေအပေါ်မှာထားတဲ့ သည်းခံမှုနဲ့ တစ်ခြားဆီပါ။

၂။ သင့်ဘ၀နဲ့ ပတ်သက်ပြီး သူတို့ကို ယုံတယ်။
အချစ်ရေးတစ်ခုမှာ အလိုအပ်ဆုံးကတော့ တစ်ယောက်ရဲ့ဘ၀ကို တစ်ယောက်က အပြည့်အ၀ လက်ခံနိုင်တယ်ဆိုတဲ့ စိတ်ခံစားမှုပဲ ဖြစ်ပါတယ်။ ချစ်သူငယ်ချင်း ဖြစ်နေလို့လည်း ကိုယ့်ဘ၀ကို နားလည်ပါစေဆိုတဲ့ ပုံစံနဲ့ အထူး ကြိုးစားပြစရာ မလိုတော့ဘူးပေါ့။

၃။ တူညီသော ဘ၀ရည်မှန်းချက်တွေ ရှိကြတယ်။
အရမ်းရင်းနီးတဲ့ သူငယ်ချင်းတွေရဲ့ ဘ၀မှာ တူညီတဲ့ ရည်မှန်းချက်တွေ ရှိတတ်ပါတယ်။ သို့တည်းမဟုတ် ရည်မှန်းချက်ချင်း ကွဲလွဲနေစေကာမူ တစ်ယောက်ရဲ့ ရည်မှန်းချက်ကို တစ်ယောက်က ပြည့်ပြည့်၀၀ ထောက်ခံတယ်။ ဒီတော့ ရည်မှန်းချက်နဲ့ပတ်သက်ရင် အချင်းများဖို့ မလိုတော့ဘူးပေါ့နော်။

၎။ တူညီသော ကိုယ့်ကျင့်တရားတွေ ရှိကြတယ်။
တစ်ယောက်နဲ့တစ်ယောက် အပေါင်းအသင်း ၀င်ဆန့်ဖို့ဆိုတာ တစ်ယောက်ရဲ့ အကျင့်စာရိတ္တကို ရေရှည်သည်းခံနိုင်ဖို့ လိုအပ်ပါတယ်။ အချစ်ဆုံးသူငယ်ချင်းဆိုတဲ့ ဘ၀ကို ရောက်ခဲ့သူများဟာ သာမာန်သူငယ်ချင်းဘ၀မှာ သူတို့အချင်းချင်း သဘောတူ လက်ခံနိုင်တဲ့ ကိုယ်ကျင့်တရားတွေကို ပျော်ရွှင်စွာလက်ခံပြီးမှ အချစ်ဆုံးသူငယ်ချင်းဘ၀ကို ရောက်လာခဲ့ကြရတာ ဖြစ်ပါတယ်။

၅။ အရာအားလုံးကို မျှဝေခံစားနိုင်တယ်။
သူတို့တစ်တွေဟာ သင့်ရဲ့ကောင်းခြင်း၊ ဆိုးခြင်း၊ ၀မ်းနည်းမှု၊ ပျော်ရွှင်မှုကို အတူတကွ မခိုမကပ် လိုက်ပြီး ခံစားနိုင်ပါတယ်။ ဒီအတွက်လည်း တစ်ယောက်နဲ့တစ်ယောက် နားလည်မှုအပြည့်အ၀ ရပြီးသားဖြစ်လို့ အထူး ညှိနေစရာ မလိုပါဘူး။

၆။ သင် စိတ်ကြိုက်နေခွင့်ရှိတယ်။
သင့်ရဲ့အပြုအမူ၊ အကျင့်စရိုက်တွေကို သူတို့က လက်ခံပြီးသား ဖြစ်တဲ့အတွက် သင့်ဘာသာသင် သူတို့ပတ်ဝန်းကျင်များ ဖိအားကင်းကင်းနဲ့ စိတ်ကြိုက်နေခွင့် ရှိပါတယ်။ သင့်ကို ဘယ်သူမှ ဖိအားပေးမှာ မဟုတ်ပါဘူး။

၇။ ပုဂ္ဂိုလ်ရေးအရ စွဲဆောင်ပြီးသားဖြစ်တယ်။
ချစ်သူငယ်ချင်းတွေမှာ တစ်ယောက်နဲ့တစ်ယောက် ပုဂ္ဂိုလ်ရေးအရ လွှမ်းမိုးပြီးသား ဖြစ်ပါတယ်။ ဒီတော့ တစ်စုံတစ်ယောက်ကို ချစ်မယ် စိတ်ကူးတဲ့အခါမျိုးမှာ သူ့ကို ပုဂ္ဂိုလ်ရေးအရ စွဲဆောင်နေရတဲ့ အလုပ်ကို လုပ်စရာမလိုတော့ဘူးပေါ့။

၈။ မိဘတွေချင်း အံဝင်ဂွင်ကျဖြစ်ပြီးသား။
အချစ်ဆုံးသူငယ်ချင်းဆိုတာ အမည်ခံထားရုံနဲ့ မရပါဘူး။ သူတို့အိမ်ဟာ သင့်အတွက် စားအိမ်သောက်အိမ် ဖြစ်သလို သူတို့မိဘတွေကလည်း သင့်ကို သား/သမီး အရင်းတစ်ယောက်လို စောင့်ရှောက်ပါတယ်။ သင်တို့အိမ်ရဲ့ သဘောထားကလည်း သူတို့အပေါ်မှာ ထိုနည်း၎င်းပါဘဲ။ ဒီတော့ မိဘချင်းက ကွက်တိ ဖြစ်ပြီးသားပေါ့။

၉။ သူတို့မပါဘဲ သင့်ဘ၀ကို ပုံဖော်လို့မရ။
တစ်ယောက်နဲ့တစ်ယောက် ကူညီထောက်ပံ့ခဲ့ကြရင်း သင်တို့ဟာ ကိုင်းကျွန်းမှီ ကျွန်းကိုင်မှီပါဘဲ။ သူတို့ရဲ့ ဘ၀အစိတ်အပိုင်း တော်တော်များများမှာ သင်ဟာ အရေးပါ အရာရောက်သူ ဖြစ်သလို၊ သင့်ဘ၀မှာလည်း သူတို့ဟာ အရေးကြီးတဲ့ အခန်းကဏ္ဍမှာ ပါဝင်နေပါလိ့မ်မယ်။

၁၀။ သူတို့နဲ့ ရှိနေတဲ့အချိန်မှာ ပျော်ရွှင်မှုကို ခံစားရမယ်။
ဘယ်သူပဲဖြစ်ဖြစ် အချစ်ဆုံး သူငယ်ချင်းတွေနဲ့ အသက် ၅၀ ကျော်မှ ပြန်ဆုံခဲ့ကြရင်တောင် ကျောင်းသားဘ၀ကို ပြန်ရောက်သွားသလို ခံစားရစေတဲ့အထိ အချစ်ဆုံး သူငယ်ချင်းတွေက သင့်ကို ပျော်ရွှင်မှုတွေ ပေးပါတယ်။

နတ်စည်တော် (ShweMOM)

Credit: ShweMOM